2 तीमुथियुस 3:3 - गढवली नयो नियम

³ दया-भाव नि कन वला, दूसरों तैं माफ नि कन वला, भंगार लगांण वला, असंयमि, निठुर, भलै को बैरी,

Garhwali

³ अर ना वु एक-दुसरा बटि प्यार करणा वळा होला, अर ना ही एक-दुसरा तैं माफ करण वळा होला, बल्किन मा दुसरो पर झूठ्‍ठु दोष लगौण वळा, अर अपणी इच्छाओं तैं पूरि करण वळा होला। अर निठुर जीवन जीण वळा, अर इन्द्रया कामों तैं करण वळा होला जु कि भलै का नि होनदिन।

2 तीमुथियुस 3:3 Referans Kwoze

यहूदा 1:18

उ तुम बट्टी बुल्दा छा, “आखरी दिनों मा हमारा प्रभु यीशु का लौटण से पैली, इन लोग होला जु प्रभु अर वेका अपड़ा लुखुं को मजाक उड़ाला। यु ही उ लोग छिनी जौका जीवन पर ऊंकी अपड़ी वासनाओं कु वश च।”

रोमियों 1:31

निर्बुद्धि, विश्वासघाती, प्रेम अर दया का बगैर छिनी अर निर्दयी हवे गैनी।

मत्ती 10:21

भैय, अपड़ा भैय तैं, अर बुबा नौंना तैं, मरणु कु द्याला, अर नौंना बाला ब्वे-बुबा का विरोध मा उठि के ऊं तैं मरवै डलला।

2 पतरस 2:14

उ हर एक जनन दगड़ी व्यभिचार कन चयदींनि, जै तैं उ दिखदींनि। उ पाप कना का मौका खुजंण से कभी नि चुकदींनि। उ कमजोर आत्माओं तैं लुभोदींनि अर ऊं लुखुं तैं धोखा दींदिनि जु मसीह पर मजबूत विश्वास नि करदींनि, अर उ ऊं तैं पाप का तरपां लिजांद। ऊंका जादा से जादा चीजों तैं पांणु कु हमेशा बढ़ण वला लालच का कारण पिता परमेश्वर ऊं तैं दण्ड दयालो।

1 तीमुथियुस 3:11

इन ही कै सेवकों की जनन तैं भि गम्भीर हूंण चयणु च; कै पर भंगार लगौंण वलि नि हूंनु, पर चौकस अर सभि बातों मा विश्वास का लैख हूंनु।

मत्ती 4:1

यीशु मसीह का बपतिस्मा लींणा का बाद तब पवित्र आत्मा यीशु मसीह तैं एकांत जंगल मा ली गै अर एकांत जंगल मा चालिस दिन अर रात तक शैतान यीशु तैं लालच दींणु रै।

दिब्य दरस 17:6

अर मिल देखि कि व जनन पिता परमेश्वर का पवित्र लुखुं का ल्वे का नशा मा छो, मतलब कि ऊं लुखुं जौं तैं लुखुं ल मारेली छो किलैकि उ यीशु का प्रति विश्वासयोग्य छा। मि भौत भौचक हवे ग्यों।

दिब्य दरस 16:6

किलैकि ऊंल तेरा लुखुं अर पिता परमेश्वर का तरपां बट्टी बुल्ण वलो तैं मार दींनि अर ऊंको ल्वे बुगै, इलै अब तू ऊं तैं ल्वे पींण कु दे। यु ऊंकु सै प्रतिफल च।”

दिब्य दरस 13:17

भस उ ही जौं पर य छाप छै कुछ खरीद या बेचि सकदा छा। उ छाप पैला जानवर का नौं की छै अर संख्या तैं बतांण वली छै।

दिब्य दरस 13:15

दुसरा जानवर तैं (पिता परमेश्वर का द्वारा) पैला जानवर की मूर्ति बणै के वे तैं ज्यूँदो कने की मंजूरी द्ये गै छै, कि जानवर की मूर्ति बोल भि साको अर ऊं लुखुं तैं मरवे द्यो जु वे जानवर की मूर्ति की आराधना नि करदींनि।

यहूदा 1:16

यु लोग जु पिता परमेश्वर की आराधना नि करदींनि अर ऊं बातों का विरुद्ध बुरा शब्दों को इस्तेमाल करदींनि जु ऊं तैं समझ मा नि आंदी; अर जब उ जंगली जानवरों का जन बरतौ करदींनि अर जौं कामों तैं उ जंणदा छिनी ऊं तैं उ बगैर सोच-समझी के करदींनि, त उ पिता परमेश्वर की तरपां बट्टी दण्ड भुगतला।

2 पतरस 3:3

सबसे जरूरी बात, तुम तैं पता हूंण चयणु कि मसीह मा वापिस आंण से पैली आखरी दिनों मा इन लोग होला जु तुम्हरो मजाक उड़ाला किलैकि तुम विश्वास करदा कि मसीह फिर से वापिस आलो। उ आदतों का कारण बुरा काम करला जु ऊं तैं खुश करला।

याकूब 2:6

पर तुम ल वे गरीब को अपमान कैरी। तुम खुद भि यु जणदां छा, कि अमीर लोग ही छिनी जु तुम पर जुल्म करदींनि, अर जबरदस्ती कचहरियों की जांच मा ली जणदींनि।

तीतुस 2:3

इन ही कै दाना जननों तैं भि जीवन जींण चयणु च, जु पवित्र लुखुं का जन हो, उ कै पर भंगार लगौंण वली नि हूंनु अर दाखमधु पीण वला नि हूंनु; बल्कि अच्छी बात सिखौंण वली हूंनु।

तीतुस 1:8

पर प्रेम का दगड़ी मेहमानदरी कन वलो, भलै तैं चांण वलो, सब्र रखण वलो, ईमानदार, पवित्र अर अपड़ी इच्छा पर काबू रखण वलो।

1 थिस्सलुनीकी 4:8

इलै जु कुई भि यूं नियमों को पालन नि करद, त उ मनिख को न, पर पिता परमेश्वर को अपमान करदो, जैल अपड़ा पवित्र आत्मा तुम तैं द्ये।

1 कुरिन्थि 7:9

पर जु उ आत्म-संयम नि रखि साका, त ब्यो कैरा; किलैकि ब्यो कन कमुकता कन से अच्छो च।

1 कुरिन्थि 7:5

तुम एक-दुसरा बट्टी अलग नि रावा; पर भस कुछ बगत कु अपड़ी आपसी बातचित ल कि पिता परमेश्वर बट्टी प्रार्थना कु छुट्टी मिलो, अर तब फिर साधारण ब्यो का आपसी संबंध तैं फिर से शुरू कैरा; कि शैतान अनैतिक जीवन जींणु कु तुम्हरी अजमैश नि कैरो, जु उ अजमैश करलो त तुम अपड़ी इच्छाओं तैं काबू मा नि रखि सकला।

यूहन्ना 6:70

यीशु ल ऊं तैं जवाब दींनि क्य मिल तुम बारहों तैं नि चुणि? तब भि तुम मा बट्टी एक आदिम शैतान का वश मा च।

लूका 16:14

फरीसी जु लोभि छा यु सभि बात सूंणि के वेको मजाक कन लगि गैनी।

लूका 10:16

जु तुम्हरी सुणदु उ मेरी सुणदु च अर जु तुम तैं तुच्छ जंणदु उ मि तैं तुच्छ जंणदु, उ मेरा भिजण वला तैं भि तुच्छ जंणदु।

2 पतरस 2:19

झूठा शिक्षक लुखुं तैं बतौंदींनि कि उ जु कुछ भि कन चयदींनि वे तैं कनु कु आजाद छिनी, जबकि उ खुद गुलामों का जन छिनी किलैकि ऊंको अपड़ो पापमय स्वभाव ऊं तैं पाप वला काम कनु कु मजबूर करद। किलैकि जु कुछ भि तुम तैं वश मा करद तुम वेका दास बंणि जन्द्यां।

रोमियों 1:29

उ सभि किस्मै कि अधर्म, अर दुष्टता, लोभ, अर बैरभाव बट्टी भूरै गैनी; अर डाह, अर हत्या, अर झगड़ा, अर छल, अर जलन बट्टी भूरै गैनी, अर चुगलखोरि,