2 तीमुथियुस 2:8 - गढवली नयो नियम

⁸ हमेशा यीशु मसीह तैं याद रख, जु राजा दाऊद को वंश च, अर पिता परमेश्वर ल वे तैं मुर्दों मा बट्टी ज्यूँदो कैरी; अर यूं उ ही शुभ सन्देश च, जु मि लुखुं का बीच मा प्रचार करदु।

Garhwali

⁸ अर मेरा दियां शुभ समाचार मा मिन बोलि छौ, कि यीशु मसीह को जनम राजा दाऊद का वंश मदि ह्‍वे, अर जु मुरण का बाद भि ज्यून्द ह्‍वे गै वेतैं हमेसा याद रखा।

2 तीमुथियुस 2:8 Referans Kwoze

खास चेलों 2:24

पर वे तैं पिता परमेश्वर ल मृत्यु का बन्धनों बट्टी छुड़ै के ज्यूँदो कैरी किलैकि मृत्यु वे तैं अपड़ा वश मा रखु यु हवे ही नि सकदो छो।

रोमियों 2:16

जै दिन पिता परमेश्वर वे शुभ सन्देश जै कु मि प्रचार करदु छों, का अनुसार यीशु मसीह का द्वारा मनिख्युं कि गुप्त बातों कु न्याय करलो।

2 थिस्सलुनीकी 2:14

पिता परमेश्वर ल वे शुभ सन्देश कु इस्तेमाल कैरी, जै तैं हम ल तुम तैं उद्धार दींण कु तुम्हरा बीच मा प्रचार कैरी, कि तुम हमारा प्रभु यीशु मसीह की महिमा मा भागिदार बंणि सका।

मत्ती 1:1

या यीशु मसीह की पूर्वजों की नौं की सूचि च, उ जु अब्राहम को वंशज छो, उ राजा दाऊद को वंशज छो।

1 तीमुथियुस 2:7

इलै, पिता परमेश्वर ल मि तैं शुभ संदेश को प्रचारक अर एक प्रेरित हूंणु कु ठैरा, वेल मि तैं अन्यजातियों तैं विश्वास कु सचो संदेश सिखांणु कु चुणि; मि झूठ नि बुल्णु छो; मि सच बुल्णु छो।

1 कुरिन्थि 15:4

अर खडै गै; अर परमेश्वर का वचन का अनुसार तिसरा दिन पिता परमेश्वर ल वे तैं मुर्दों मा बट्टी ज्यूँदो कैर दींनि।

दिब्य दरस 5:5

यां पर ऊं दाना-सयाणों मा बट्टी एक ल मि बट्टी बोलि, “नि रो; देख, उ जु यहूदा का गोत्र कु सिंह कहलांद, जु राजा दाऊद को महान वंशज च, वीं किताब (चाम्रपत्र) की सात मुहरों तैं टुटण अर यूं तैं खुलणु कु सामर्थी च, वेल शैतान तैं हरै दींनि।”

1 तीमुथियुस 1:11

य शिक्षा वे शुभ सन्देश पर जुड़ीं च जु वीं महिमा का बारा मा जु धन्य पिता परमेश्वर बट्टी जुड़यां छिनी, पिता परमेश्वर ल मि तैं यु शुभ संदेश दूसरो तैं बतौंणु कु दियुं च।

1 कुरिन्थि 15:1

हे विश्वासी भयों, मि तुम तैं उ ही शुभ सन्देश प्रचार याद दिलांणु छों, जु तुम ल पैली सुणैयेलि, जै संदेश पर तुम ल विश्वास भि कैरी छो, अर वेमा तुम अर भि मजबूत हूंदी ग्यां।

रोमियों 16:25

अब जै शुभ सन्देश कु मि प्रचार करदु, मतलब यीशु मसीह का बारा मा प्रचार का अनुसार जु तुम तैं विश्वास मा मजबूत बणांद, वे भेद का प्रकाश का अनुसार जु हमेशा बट्टी छिप्युं रै।

खास चेलों 13:23

वेका ही वंश मा बट्टी पिता परमेश्वर ल अपड़ी सौं का अनुसार इस्राएलियों मा एक उद्धारकर्ता, मतलब यीशु तैं भेजि।

खास चेलों 2:30

पर उ त परमेश्वर का तरपां बट्टी बुल्ण वलो छो अर जंणदु छो कि पिता परमेश्वर ल सौं खै छै कि मि तेरु कुल बट्टी एक आदिम तैं तेरु सिहासन पर बैठौलु।

लूका 24:46

तब यीशु ल ऊंकु बोलि, “परमेश्वर का वचन मा इन लिख्युं च कि मसीह कु दुख उठांण अर तिसरा दिन मुर्दों मा बट्टी ज्यूँदो हवे जांण।”

2 तीमुथियुस 1:8

इलै तु हमारा प्रभु की गव्है दींण मा शर्मिन्दा नि हो, अर इलै भि शर्मिंदा नि हो कि मि वेकी सेवा कना का कारण कैद मा छो। बल्कि त्वे तैं वीं सामर्थ को इस्तेमाल कन चयणु च जु पिता परमेश्वर त्वे तैं दींद अर शुभ सन्देश कु मेरा दुखों मा मेरू दगड़ी दे।

2 तीमुथियुस 2:7

जु मि बुल्ण छौं वे पर ध्यान दे, अर प्रभु त्वे तैं यूं सभि बातों तैं समझण मा मदद कैरो।