2 तीमुथियुस 1:9 - गढवली नयो नियम

⁹ पिता परमेश्वर ल ही हम तैं बचै के उद्धार प्रदान कैरी, अर हम तैं एक पवित्र जीवन ज्यूंणु कु बुलै, वेल हम तैं इलै नि चुणि किलैकि हम ल अच्छा काम करिनी पर य वेकी दया का अनुसार च, जु शुरुवात बट्टी मसीह यीशु मा हमेशा से हम पर हवे।

Garhwali

⁹ अर परमेस्वर न हमतै इलै नि बचै, कि हमुन भौत अच्छा काम करिनी। पर वेन त हम पर अपणी दया कैरिके अपणी मनसा तैं पूरि करणु खुणि हमतै बुलै। किलैकि परमेस्वर न दुनियां की शुरुवात से ही पैलि अपणी दया यीशु मसीह का द्‍वारा हम पर दिखै, अर हमतै बचौण की योजना बणै। अर वेन हमतै इलै बचै, ताकि हम एक पवित्र जीवन जी सैका।

2 तीमुथियुस 1:9 Referans Kwoze

रोमियों 16:25

अब जै शुभ सन्देश कु मि प्रचार करदु, मतलब यीशु मसीह का बारा मा प्रचार का अनुसार जु तुम तैं विश्वास मा मजबूत बणांद, वे भेद का प्रकाश का अनुसार जु हमेशा बट्टी छिप्युं रै।

तीतुस 1:2

उ पिता परमेश्वर का दगड़ी हमेशा कु रौंणे की आस करदींनि, किलैकि पिता परमेश्वर, जु कभी झूठ नि बुल्द, वेल दुनिया की रचना कन से पैली वादा कैरी छो, कि वेका लोग अनन्त जीवन मा ज्यून्दा राला।

रोमियों 9:11

पैदा हूंण बट्टी पैली पिता परमेश्वर ल रिबका बट्टी बोलि छों, कि ऊंको बड़ो नौंनो छुटा की सेवा करलो। प्रभु अपड़ी पसंद खुद बंणौदु यु दिखांणु कु वेल यु बोलि, कि जु ऊंल कैरी यु कै भि काम का कारण नि छों पर परमेश्वर कु उद्देश्य ऊंकी ही इच्छा का अनुसार बुलांण वलो पर बंणि रौ।

यूहन्ना 17:24

हे परमेश्वर, मि चांदु छों की जौं तैं तिल मि तैं दियुं च, जख मि छो, उखि उ भि मि दगड़ी हों की उ मेरा वे महिमा तैं देखा जु तिल मि तैं दीं च, किलैकि तिल दुनिया की उत्पत्ति बट्टी पैली मि बट्टी प्रेम रखि।

इफिसुस 1:11

परमेश्वर ल हम यहूदियों तैं भि मसीह का दगड़ी जोड़ि कै अपड़ा लोग हूंणो कु चुणयेली किलैकि शुरू बट्टी ऊंकी या ही योजना छै, उ सब कुछ अपड़ी योजना का अनुसार करदु च।

दिब्य दरस 13:8

अर सभि जु धरती पर रौन्दींनि उ जानवर की आराधना करला, मतलब कि, उ सभि लोग जु का नौं दुनिया की शुरुआत बट्टी चिनखा की जीवन की किताब (चाम्रपत्र) मा नि लिखै गैनी। चिनखो उ ही च जु मोरि गै छो।

1 पतरस 1:20

ईं दुनिया का बणये जांण से पैली, पिता परमेश्वर ल पैली यु निर्धारित कैरेले छो कि यीशु मसीह छुड़ौण वलो होलो। पर उ तुम्हरी मदद कनु कु यूं अंतिम दिनों मा ईं दुनिया मा प्रगट हवे।

यूहन्ना 17:9

मि ऊंकु परमेश्वर बट्टी प्रार्थना करदु जै तैं तिल मि तैं दियुं च किलैकि उ तेरा छिन पर मि ऊंकु बिनती नि करदु जु दुनिया बट्टी सम्बंध रखदु।

1 पतरस 2:9

पर तुम इन नि छा किलैकि तुम पिता परमेश्वर का चुणयां लोग छा, तुम पिता परमेश्वर का याजक छा, जु राजा च तुम पिता परमेश्वर से जुड़िया लोग छा वेल तुम तैं अंधेरा बट्टी अपड़ी अद्भुत उज्यला मा बुलै, कि तुम पिता परमेश्वर का अद्भुत कामों का बारा मा बतै साका।

इब्रानी 3:1

इलै हे विश्वासी भयों, जु पिता परमेश्वर बट्टी जुड़यांं प्रेरित छा, तुम जु स्वर्ग मा पिता परमेश्वर का दगड़ी कठ्ठा हूंणु कु बुलै ग्यां, मसीह यीशु पर ध्यान द्या, जु हम कु पिता परमेश्वर कु शुभ संदेश कु दूत अर महायाजक च।

इफिसुस 2:5

जब हम पापों मा छा जन कि पैली बट्टी ही मोरि गै छा, त वेल हम तैं मसीह मा ज्यूँदो कैरी; पिता परमेश्वर की दया बट्टी ही तुमारो बचाव अर उद्धार हुयुं च,

1 थिस्सलुनीकी 4:7

किलैकि पिता परमेश्वर ल हम तैं अशुद्ध जीवन ज्यूंणु कु न, पर पवित्र जीवन ज्यूंणु कु बुलै।

1 कुरिन्थि 1:18

किलैकि सूली कि मिसाल त नाश हूंण वला कु मूर्खता च पर हम बचण अर उद्धार पांण वलो कु पिता परमेश्वर की सामर्थ नजदीक च।

यूहन्ना 6:37

जु कुछ पिता परमेश्वर मि तैं दींद उ सब मि मा आलो अर जु कुई मि मा आलो वे तैं मि कभि नि निकललु।

दिब्य दरस 17:8

वे जानवर जै तैं तिल अभि तक नि देखि, एक बगत ज्यूँदो छो, पर अब ज्यूँदो नि च; उ गहरा अथाह कुण्ड बट्टी भैर आंण वलो छो अर पिता परमेश्वर वीं तैं पूरा ढंग से नाश कैरी दयालो। धरती पर रौंण वला जौका नौं पिता परमेश्वर दुनिया की सृष्टि कन से पैली जीवन की किताब (चाम्रपत्र) मा नि लिखै, उ सभि भौंचक हवे जाला जब उ यु जानवर तैं दिखला। एक बगत उ ज्यूँदो छो; पर अब उ ज्यूँदो नि च; पर उ दुबरा वापिस ऐ जालो।

इफिसुस 3:11

परमेश्वर ल पड़ी अनन्त योजना का अनुसार इन कैरी, जु वेल हमारा प्रभु यीशु मसीह का द्वारा पूरी कैरी छै।

रोमियों 3:20

मूसा की व्यवस्था कु पालन कैरी के लोग पिता परमेश्वर का दगड़ी धर्मी साबित नि होलो, इलै कि मूसा की व्यवस्था का द्वारा हम स्पष्ट रूप से जंणदा कि हम ल पाप कैरी।

1 तीमुथियुस 1:1

मि पौलुस जु हमारा उद्धारकर्ता पिता परमेश्वर का अधिकार ल अर मसीह यीशु, जै मा हम आस रखदां, एक प्रेरित छो।

इफिसुस 1:9

पिता परमेश्वर ल उ ही कैरी, जु वेको गुप्त मा रख्युं छो, अर वे गुप्त योजना का बारा मा बतै जु वेल पैली बट्टी ही मसीह का द्वारा पूरो कनु कु फैसला कैरी छो।

रोमियों 9:24

यानि हम पर जौं तैं वेल न भस यहूदियों मा बट्टी बल्कि अन्यजातियों मा बट्टी भि चुणि।

लूका 10:21

वीं बगत यीशु पवित्र आत्मा मा हवे के खुशी से भरि गै अर बोलि, “हे पिता आसमान अर धरती का प्रभु मि तेरु धन्यवाद करदु कि तिल यूं बातों तैं ज्ञानियों अर समझदार बट्टी छिपै के रखि अर बालकों पर प्रगट कैरी हां, हे पिता किलैकि त्वे तैं यु ही अच्छो लगि।”

मत्ती 1:21

व नौंना तैं जन्म दयाली अर तू वे नौंना कु नौं यीशु रखि, “किलैकि उ नौंनो अपड़ा लुखुं तैं ऊंका पापों बट्टी बचालो।”

खास चेलों 2:47

अर पिता परमेश्वर की बढ़ै करदां छा अर सभि लोग ऊं बट्टी खुश छा अर प्रभु बचै जांणवला लुखुं तैं हरेक दिन मण्डलि मा मिलौंदु छो।

खास चेलों 15:18

यु प्रभु बुल्द जु दुनिया की शुरुवात बट्टी यूं प्रकट करदी ऐ।

रोमियों 11:14

कि कैं भि ढंग बट्टी मि अपड़ा दगड़िया यहूदी कुटुंबियूं बट्टी जलन करवै कै ऊंमा बट्टी कुछ कु त बचाव करुलु।

रोमियों 11:29

किलैकि पिता परमेश्वर अपड़ा वरदानों बट्टी, अर बुलाहट बट्टी दया का कारण कभि भि अपड़ो मन नि बदलद।

फिलिप्पी 3:14

मसीह यीशु मा पिता परमेश्वर की स्वर्गीय बुलाहट का ईनाम तैं पांणु कु निशान का जनै बढ़दी जांद।

2 तीमुथियुस 1:1

या चिट्ठी मि पौलुस कि तरपां बट्टी च, मि हमारा पिता परमेश्वर की तरपां बट्टी प्रभु यीशु मसीह का प्रेरित हूंणु कु चुणै ग्यूं। कि मि प्रचार कैर साको, की पिता परमेश्वर ल यीशु मसीह पर विश्वास कन पर अनन्त जीवन दींण को वादा कैरी।