2 तीमुथियुस 1:2 - गढवली नयो नियम

² हे तीमुथियुस, मि त्वे तैं या चिठ्ठी लिखणु छो, अर तु मि कु एक प्रिय नौंना का जन छै, अर मि प्रार्थना करदु, कि पिता परमेश्वर अर हमारा प्रभु यीशु मसीह कि तरपां बट्टी त्वे तैं कृपा दया अर शान्ति मिल्दी रौ।

2 तीमुथियुस 1:2 Referans Kwoze

2 तीमुथियुस 2:1

इलै हे मेरा नौंना तीमुथियुस तु वीं कृपा से ज्वा त्वे तैं मसीह यीशु दींद, वां मा मजबूत बंणि जा।

1 तीमुथियुस 1:2

मि तीमुथियुस ईं चिठ्ठी तैं लिखणु छो, तू मेरा अपड़ा नौंना जन छै किलैकि तू भि मसीह पर विश्वास करदी छै; मि प्रार्थना करदु कि पिता परमेश्वर अर हमारा प्रभु यीशु मसीह बट्टी त्वे तैं कृपा, दया अर शान्ति मिलदी रौ।

खास चेलों 16:1

फिर उ दिरबे अर लुस्त्रा द्वी शहरों मा भि गै अर देखा उख तीमुथियुस नौं को एक चेला छो जु कैं विश्वासी यहूदिनी कु नौंनो छो पर वेको बुबा यूनानी अन्यजाति देश को छो।

फिलिप्पी 4:1

मेरा प्रिय विश्वासी भयों जौं बट्टी मि प्रेम करदु, मि तैं तुम लुखुं बट्टी मिलणै की भौत इच्छा च, जु मेरू आनन्द अर मुकुट हो, हे विश्वासी प्रिय भयों, प्रभु मा इन ही कै विश्वास मा मजबूत बंणयां रावा।

रोमियों 12:19

हे प्रियों बदला नि लियां; पर परमेश्वर तैं अपड़ो बदला लींण द्या, किलैकि परमेश्वर का वचन मा लिख्युं च, “बदला लींण मेरू काम च, प्रभु बुल्द मि ही बदला दयुलु।”

रोमियों 1:7

या चिट्ठी रोम शहर मा रौंण वला ऊं सभियूं का नौं च जु परमेश्वर का प्रिय छिनी, अर पवित्र लोग हूंणु कु बुलै गैनी हमारा पिता परमेश्वर अर प्रभु यीशु मसीह कि तरपां बट्टी तुम तैं कृपा अर शान्ति मिलदी रौ।

1 कुरिन्थि 4:17

इलै मिल तीमुथियुस तैं जु प्रभु मा मेरू प्रिय अर विश्वासयोग्य नौंनो च, तुम मा भेजि, कि उ तुम तैं मसीह यीशु मा मेरू जीवन जींण कु ढंग याद दिलालो, जन कि मि हरेक जगह मण्डलियों मा उपदेश दींदु।

तीतुस 1:4

मि य चिठ्ठी तीतुस तैं लिखणु छों, तू मेरा अपड़ा नौंना जन छै, किलैकि तू भि मसीह पर विश्वास करदी छै जन मि करदु; परमेश्वर पिता अर हमारा उद्धारकर्ता मसीह यीशु कि तरपां बट्टी त्वे तैं कृपा अर शान्ति मिलदी रौ।

तीतुस 2:13

हम इन बरतौ कैरा, जब हम आस का दगड़ी वे महान दिन का जुगाल करदां जब यीशु मसीह, जु हमारा महान पिता परमेश्वर अर उद्धारकर्ता च, अपड़ी सैरी महिमा का दगड़ी धरती पर वापिस आलो।

3 यूहन्ना 1:4

जब भि मि यु सुणदु छो कि उ लोग जु मेरा नौंना का जन छिनी, अर उ उन के जीवन ज्यूदींनि, जु सच मा पिता परमेश्वर ल हम तैं बतै, त यां बट्टी मि तैं और भि जादा खुशी मिलदी।