2 थिस्सलुनीकी 3:14 - गढवली नयो नियम

¹⁴ जु कुई हमारी ईं चिट्ठी का संदेश तैं नि मांणो, त वे तैं पहचनणै की कोशिश कैरा; सचेत रावा अर वेको दगड़ो नि कैरा, ज्यां ल उ शर्मिंदा हो।

Garhwali

¹⁴ अगर कुई हमरि ईं चिठ्‍ठी मा लिखीं बातों को पालन नि करदु, त वेतैं दिख्यां कि उ छैई कु च, अर वेको साथ नि दियां ताकि उ खुद मा बेजती मैसूस कैरो।

2 थिस्सलुनीकी 3:14 Referans Kwoze

तीतुस 3:10

कै ढोंगि तैं एक द्वी बार समझै बुझै के वे बट्टी दूर रौ

1 कुरिन्थि 5:11

पर मेरू बुल्ण इन च, कि जु कुई अपड़ा आप तैं विश्वासी बुल्ण वलो हो अर व्यभिचारी, य लोभि, य मूर्तियों तैं पुजण वलो, य गल्ली दींण वलो, य पियक्कड़, य धोखा दींण वलो हो त वेको दगड़ो नि करयां बल्कि इन मनिख का दगड़ा मा खांणु भि नि खैयां।

2 थिस्सलुनीकी 3:6

हे विश्वासी भयों, हम तुम तैं वे अधिकार ल जु प्रभु यीशु मसीह ल हम तैं द्ये; कि तुम हरेक इन्दारया भैय से अलग रावा जु ठिक से जीवन बसर नि करदो हो, जु ऊं आदेशों कु पालन नि करद जु हम ल तुम तैं सिखै छो।

1 थिस्सलुनीकी 4:8

इलै जु कुई भि यूं नियमों को पालन नि करद, त उ मनिख को न, पर पिता परमेश्वर को अपमान करदो, जैल अपड़ा पवित्र आत्मा तुम तैं द्ये।

फिलेमोन 1:21

मि यु भरोसा रखि के लिखणु छौं, कि तु मेरू बुल्युं मणिलि अर मि इन भि जंणदु कि जु कुछ भि मि बुल्ण छौं तु वां बट्टी भि बढ़ि कै करली।

2 कुरिन्थि 10:6

अर तैयार रौंदो कि जब तुम पूरा ढंग से मसीह का बुल्युं मनणवला हवे जा, त हर एक ढंग से बुल्युं नि मनणवला वे आदिम तैं दण्ड द्या।

2 कुरिन्थि 2:9

किलैकि मिल इलै भि लिखीं छो, कि तुम तैं परखि ल्यूं, कि तुम मेरी आज्ञाओं तैं मनणु कु तैयार छा, कि न।

1 कुरिन्थि 5:9

मिल अपड़ी चिट्ठी मा तुम कु लिख्युं च, कि व्यभिचारियों कु दगड़ी नि करयां।

रोमियों 16:17

अब हे विश्वासी भयों, मि तुम बट्टी बिनती कनु छौं, कि जु लोग वीं शिक्षा का विपरीत बट्टी जु तुम ल पै, फूट डलण अर ठोकर खिलांण कु कारण हूंदींनि, ऊं बट्टी बचि के रावा; अर ऊं बट्टी दूर रावा।

मत्ती 18:17

जु उ ऊंकी भि नि मांणु त मण्डलि मा जै कै बोलि दे पर जु उ मण्डलि कि भि नि मांणु त वेका दगड़ी वे जन ही बरतौ किये जौं तुम कै अन्यजाति या चुंगी लींण वलो का दगड़ी किये जौ।

इब्रानी 13:17

अपड़ा अगुवों की बात मांणा; अर ऊंका अधीन रावा, किलैकि उ तुम्हरा आत्मा तैं बचांणु कु सुचणा छिनी, कि तुम भटकी नि जावा; अर ऊं तैं पिता परमेश्वर तैं अपड़ी सेवकाई का बारा मा लेखा दींण पुड़लो, कि उ यु कामों तैं खुश हवे के करा, यु काम तैं उदासी ल नि कैरा, किलैकि उदास हवे के सेवकाई कन से कुई फैदा नि हूंद।

फिलिप्पी 2:12

जब मि तुम दगड़ी छो तब तुम ल हमेशा पिता परमेश्वर की आज्ञा कु पालन कैरी अब जब मि दूर हवे ग्यों, त तुम तैं और भि बात मनण चयणी च। पिता परमेश्वर डौर का दगड़ी तुम मा बट्टी हर एक तैं ऊं चीजों तैं कन चयणु च जूं ऊं लुखुं कु सै च जौं तैं पिता परमेश्वर ल उद्धार द्ये अर बचै।

2 कुरिन्थि 7:15

अर जब उ याद करद, कि तुम सभि बुल्युं मनणवला छा, अर तुम ल डरदि अर कंपदि वे तैं स्वीकार कैरी त तुम कु वेको प्रेम और भि जादा बढ़ि गै।

1 कुरिन्थि 4:14

मि तुम्हरी बेज्जती कनु कु यूं बातों तैं नि लिखणु छों, पर मेरू उद्देश्य च, कि तुम तैं शिक्षा दयूंनु, किलैकि तुम मेरा बच्चों का समान छा, जु मि बट्टी प्रेम रखदींनि मि तुम तैं चितांणु छो।

कुलुसी 4:16

अर जब या चिट्ठी तुम्हरा इख पढ़ै जौं, त तब इन करयां कि लौदीकिया शहर की मण्डलि मा भि पढ़ै जौं, अर ज्वा चिट्ठी लौदीकिया शहर बट्टी औ वीं तुम मा भि पढ़ै जौ।

तीतुस 2:8

तेरी शिक्षा हमेशा सचै अर विरोध बट्टी मथि हूंण चयणी च कि उ जु तेरु अर यीशु मसीह कु तेरु कामों का विरोध करदींनि, शर्मिंदा हूंनु किलैकि उ हमारा बार मा कुछ भि बुरो नि बोलि सकला।

2 यूहन्ना 1:10

जु कुई तुम मा औ, अर मसीह शिक्षा नि द्ये वे तैं न त घौर औंण द्या अर न वे तैं प्रणाम कैरी के बढ़ावा द्या।