2 थिस्सलुनीकी 2:2 - गढवली नयो नियम

² तुम अचानक अपड़ा विवेक तैं कै भविष्यवाणी, कै उपदेश अर कै इन चिट्टी ल नि हरचयां जै तैं हमारा द्वारा लिख्युं समझी जान्दु हो अर ज्यांमा बतै गै हो कि प्रभु को दिन ए गै, तुम अपड़ा मन मा नि घबरैयां।

2 थिस्सलुनीकी 2:2 Referans Kwoze

मरकुस 13:7

जब तुम लड़ै अर लड़ैयूं कि चर्चा सुणल्या त नि घबरैयां किलैकि यूंकु हूंण जरूरी च पर वे बगत तुरंत दुनिया कु अंत नि होलो।

2 थिस्सलुनीकी 3:17

मि पौलुस अपड़ा हथ से प्रणाम लिखणु छौं। मि अपड़ी सभि चिठ्ठियूं का आखिर मा इन ही लिखदु, कि सभियूं तैं पता चलि जै कि य चिठ्ठी मेरी ही लिखीं च।

लूका 21:9

जब तुम लड़ै अर लड़ैयूं कि चर्चा सुणल्या त घबरैयां न किलैकि यूं बातों कु हूंण जरूरी च पर वे बगत तुरंत अंत नि होलो।

1 थिस्सलुनीकी 4:15

हम प्रभु यीशु का वचन का अनुसार तुम मा इन बुल्दा, कि हम जु ज्यून्दा छा, अर जब तक प्रभु यीशु फिर से वापिस आलो बचयां रौला अर उ विश्वासी जु पैली ही मोरि गैनी, हम बट्टी पैली प्रभु यीशु तैं मिलला।

1 कुरिन्थि 1:8

पिता परमेश्वर तुम तैं अंत तक विश्वास मा मजबूत करलो, कि तुम हमारा प्रभु यीशु मसीह का वापिस लौटणा का दिनों तक निर्दोष ठैरा।

यूहन्ना 14:1

“तुमारो मन परेशान नि हो, तुम परमेश्वर पर विश्वास रखदा छा मि पर भि विश्वास रखा।

लूका 21:19

पर तुम अपड़ा धीरज ल, अपड़ा आत्मा तैं बचै कै रखिल्या।

मत्ती 24:24

किलैकि झूठा मसीह अर परमेश्वर कु संदेश दींणवला झूठा लोग आला अर चिन्ह अर शैतान का झूठा चमत्कार दिखाला कि हवे साको त परमेश्वर का चुणयां लुखुं तैं भि भरमै द्याला।

दिब्य दरस 19:20

अर उ दुसरो जानवर अर वेका दगड़ी उ झूठो संदेश दींण वलो जु अफ तैं पिता परमेश्वर का तरपां बट्टी बुल्ण वलो बुल्द पकड़ै गै, वेल जानवर का तरपां बट्टी झूठा चमत्कार दिखै अर ऊं सभि लुखुं तैं भरमै, जौनु जानवर की छाप अपड़ा कपाल पर लगै छै अर जु वेकी मूर्ति की आराधना करदा छा, यु द्वी ज्यूंदा ही वीं आग की झील मा, जु गन्धक ल जल्दींनि डलै गैनी।

1 थिस्सलुनीकी 3:3

कि कुई भि यूं क्लेशों का कारण अपड़ा विश्वास मा डगमगै नि जौं; किलैकि तुम अफी जंणदा, कि हम तैं कष्ट उठांण पुड़लो।

इफिसुस 5:6

उ लुखुं द्वारा मूर्ख नि बंणि जु यूं पापों कु बाना बंणौणै कि कोशिश करदा किलैकि यूं ही कामों का कारण पिता परमेश्वर कु गुस्सा आज्ञा नि मनणवलो पर भड़कद।

2 थिस्सलुनीकी 2:15

इलै, हे विश्वासी भयों, ठिक राव़ा; ऊं बातों पर विश्वास करदी रावा जु हम ल तुम तैं सिखै छै जब हम तुम दगड़ी छा अर जब हम ल तुम कु चिठ्ठी भेजि छै।

1 थिस्सलुनीकी 5:2

किलैकि तुम अफी अच्छी तरौं से जंणदा छा कि जन राती चोर अचानक औंद, उन कै ही प्रभु यीशु कु आंणौ को दिन भि अचानक आंण वलो च।

यूहन्ना 14:27

मि तुम तैं शान्ति दींणु छौं, अपड़ी शान्ति तुम तैं दींणु छौं” यु उ शान्ति नि च जु दुनिया दे सकदु च; तुमारो मन परेशान नि हो अर न डैरो।

1 कुरिन्थि 7:26

किलैकि यूं दिनों मा हर जगह विश्वासियों कु मुश्किल चीज हूंणी छिनी, मि तैं लगद कि तुम तैं इन कन ठिक च, कि अणबिवाकों लुखुं तैं मि यु सलाह दींणु छों कि उ अणबिवाक ही रा।

1 कुरिन्थि 14:32

एक परमेश्वर का तरपां बट्टी बुल्ण वलो अफ तैं काबू मा कैर सकद, उ अपड़ी इच्छा का अनुसार बुल्ण या बुल्ण बंद भि कैरी सकद।