2 थिस्सलुनीकी 2:14 - गढवली नयो नियम

¹⁴ पिता परमेश्वर ल वे शुभ सन्देश कु इस्तेमाल कैरी, जै तैं हम ल तुम तैं उद्धार दींण कु तुम्हरा बीच मा प्रचार कैरी, कि तुम हमारा प्रभु यीशु मसीह की महिमा मा भागिदार बंणि सका।

Garhwali

¹⁴ अर छुटकारा पौण का खातिर ही परमेस्वर न तुमतै बुलै ताकि जु आदर प्रभु यीशु मसीह तैं परमेस्वर न देई, वेका हकदार तुम भि ह्‍वे जा। अर ये शुभ समाचार का बारा मा हमुन ही तुमतै बतै, अर वे पर बिस्वास कैरिके तुम बचयै ग्यां।

2 थिस्सलुनीकी 2:14 Referans Kwoze

1 थिस्सलुनीकी 2:12

कि तुमारो चाल-चलण पिता परमेश्वर का लैख हो जु तुम तैं अपड़ा राज्य अर महिमा मा भागिदार हूंणु कु बुलांद।

1 पतरस 5:10

पिता परमेश्वर जु पूरा ढंग से कृपा करद च, वेल हम तैं मसीह यीशु का दगड़ी कठा कना का कारण स्वर्ग मा पिता परमेश्वर की अनन्त महिमा मा सहभागी हूंणु कु हम तैं चुणि। तुम्हरा थोड़ा बगत कु दुःख सौणा का बाद, पिता परमेश्वर तुम तैं अच्छो बणै दयालो कि तुम मा फिर कुई भंगार नि रौ अर उ तुम्हरा दिलों तैं मजबूत करलो अर वे पर तुम्हरा विश्वास तैं हकीकत मा मजबूत बणै दयालो।

1 थिस्सलुनीकी 1:5

किलैकि हमारो यीशु मसीह का बार मा शुभ सन्देश तुम तैं भस शब्दो मा ही नि सुणै बल्कि पवित्र आत्मा की सामर्थ अर पक्का विश्वास का दगड़ी सुणै गै अर तुम अफी जंणदा छा कि जब हम तुमारा बीच रांदा छा तब तुम्हरी भलै का बानौ हम ल कै किस्मै कु जीवन बसर कैरी।

रोमियों 8:17

अर जु सन्तान छा, त वारिस भि छा, बल्कि परमेश्वर का वारिस अर मसीह का संगी वारिस छा। जु हम यीशु का जन दुःख सौला, त हम वेकी बड़ै मा भि हकदार हूला।

दिब्य दरस 3:21

उ जु जीत जंदींनि, वे तैं मि अपड़ा सिंहासन का बगल मा सिंहासन पर बैठणों कु अधिकार दयुलु। यु बिल्कुल मि जन ही होलो, जन मिल जीत हासिल कैरी अर अपड़ा बुबा का बगल मा आसण प्राप्त कैरी।

2 तीमुथियुस 2:12

जु हम सब्र रखि के दुःख सौंदयां त वे दगड़ी राज्य भि करला; अर जु हम वेको इन्कार करला त उ भि हम बट्टी इन्कार करलो।

इफिसुस 1:18

मि यु भि प्रार्थना करदु छों, कि उ सचै तैं समझण मा हमारी मदद करलो, कि तुम जणिल्या कि उ आस जैको वेल तुम तैं बुल्युं च उ क्य च, अर तुम जांणि सका कि उ आशीष कथग महान अर महिमामय च ज्यांको वादा परमेश्वर ल अपड़ा पवित्र लुखुं बट्टी करयुं च।

रोमियों 16:25

अब जै शुभ सन्देश कु मि प्रचार करदु, मतलब यीशु मसीह का बारा मा प्रचार का अनुसार जु तुम तैं विश्वास मा मजबूत बणांद, वे भेद का प्रकाश का अनुसार जु हमेशा बट्टी छिप्युं रै।

रोमियों 2:16

जै दिन पिता परमेश्वर वे शुभ सन्देश जै कु मि प्रचार करदु छों, का अनुसार यीशु मसीह का द्वारा मनिख्युं कि गुप्त बातों कु न्याय करलो।

यूहन्ना 17:24

हे परमेश्वर, मि चांदु छों की जौं तैं तिल मि तैं दियुं च, जख मि छो, उखि उ भि मि दगड़ी हों की उ मेरा वे महिमा तैं देखा जु तिल मि तैं दीं च, किलैकि तिल दुनिया की उत्पत्ति बट्टी पैली मि बट्टी प्रेम रखि।

यूहन्ना 17:22

अर उ महिमा जु तिल मि तैं दे, मिल ऊं तैं दीं च की उ एक दगड़ी हों, जन हम एक छा

मत्ती 25:21

वेका मालिक ल वेकु बोलि, धन्य च अच्छा अर ईमानदार सेवक तु थोडी धन राशि तैं संभलण मा ही विश्वासयोग्य रै मि त्वे तैं भौत चीजों कु अधिकारी बंणौलु। औ अर अपड़ा स्वामी की खुशी मा शामिल हवे जा।

दिब्य दरस 21:23

उख न त सूरज अर न ही चन्द्रमा की चमक की जरूरत च, किलैकि उ शहर पिता परमेश्वर का महिमा बट्टी वेमा उज्यलो हूंणु छो अर चिनखो वे दिवड़ै की चमक च।

2 पतरस 1:3

पिता परमेश्वर ल अपड़ी सामर्थ का द्वारा हम तैं उ सब द्ये जु हम तैं एक ईश्वरीय जीवन जींणु कु चयणी च जु पिता परमेश्वर तैं खुश करदी। यु संभव च किलैकि हम पिता परमेश्वर तैं जंणदा छा अर उ, उन ही च जैल हम तैं अपड़ी महिमा अर नैतिक अच्छै का द्वारा अपड़ा लोग हूंणु कु बुलै।