2 थिस्सलुनीकी 1:9 - गढवली नयो नियम

⁹ उ हमेशा कु प्रभु बट्टी अलग हवे जाला अर ऊंकी महान महिमा की शक्ति मा भागिदार नि होलो अर पिता परमेश्वर ऊं तैं अनन्त विनाश का द्वारा दण्ड दयालो।

2 थिस्सलुनीकी 1:9 Referans Kwoze

मत्ती 25:41

तब उ अपड़ा बैंं तरपां वलो कु बुललो हे श्रापित लुखुं मेरा संमणी बट्टी वीं अनन्त आग मा चलि जावा जु शैतान अर दुष्टदूतों कु परमेश्वर ल तैयार करीं च।

2 थिस्सलुनीकी 2:8

तब उ दुष्ट आदिम प्रकट हवे जालो, पर बाद मा, जब प्रभु यीशु आलो, त प्रभु अपड़ा मुक की फूंक से वे तैं मारि दयालो अर अपड़ा आंणा का तेज से वे तैं भस्म कैरी दयालो।

मत्ती 25:46

अर उ जु बैंं अर छा अनन्त विनाश की सजा भुगला पर धर्मी लोग अनन्त जीवन मा वास करला।

दिब्य दरस 21:8

पर जु मि पर विश्वास नि रखदींनि, ऊं तैं जोर जबरदस्ती ल गन्धक ल जलांण वली वीं झील मा शामिल किये जालो, जु कि दुसरी मौत च अर यु ही परिणाम ऊंको भि होलो, जु लुखुं का संमणी मि तैं स्वीकार कन से डरदींनि, बुरा काम करदींनि, जु हत्यारा छिनी, यौन रूप बट्टी अनैतिक छिनी, जादु-टूणा करदींनि अर मूर्तियों की पूजा करदींनि अर झूठ बुल्दींनि।”

फिलिप्पी 3:19

ऊंको अंत विंणास च, उ भस अपड़ा देह की इच्छाओं तैं संतुष्ट कनु कु ज्यूंदींनि, उ अपड़ी बेशर्मी कि बातों पर बड़ो मोन करदींनि, अर उ हमेशा धरती की चिज्युं का बार मा सुचणा रौन्दींनि।

मत्ती 16:27

जब मि मनिख कु नौंनो अपड़ा स्वर्गदूतों का दगड़ी अपड़ा बुबा कि महिमा मा आलो वे बगत उ हर एक तैं वेका कामों का अनुसार प्रतिफल दयालो।

मत्ती 7:23

तब मि ऊं बट्टी खुलि के बोलि दयुलु मिल तुम तैं कभि नि जांणि। हे अधर्म कन वलो मेरा संमणी बट्टी चलि जा।

दिब्य दरस 20:14

उ सभि लोग जौका नौं जीवन की किताब मा नि लिख्यां छा, ऊं तैं आग की झील मा फेंक दिए गै। यांका बाद, अब कुई मौत नि च अर न अधोलोक च, किलैकि उ सभि लोग जौका नौं जीवन की किताब मा नि लिख्यां छिनी ऊं तैं आग की झील मा फेंक दींनि। यु तैं ही दुसरी मौत बुल्दींनि, जु कि आग की झील को दंड च।

2 पतरस 3:7

जन के पिता परमेश्वर ल आसमान अर धरती की सृष्टि की आज्ञा द्ये छै, उन ही वेल आज्ञा दींनि कि ए बगत को ब्रह्मांड तब तक बणयूं रालो जब तक उ ऊं तैं आग बट्टी नि फूंकी द्यो। उ ऊं तैं वे दिन तक रखणु च जब तक की उ सभि लुखुं को न्याय करलो अर ऊं लुखुं तैं नाश कैरी दयालो जु वेकी आज्ञाओं तैं नि मणदींनि।

लूका 13:27

पर उ बुललो मि तुम कु बुल्ण छौं मि नि जंणदु तुम कखा छा, हे कुकर्म कन वलो तुम सभि मि बट्टी दूर हवे जावा।

मत्ती 22:13

तब राजा ल सेवकों मा बोलि येका हथ खुट्टा बंधि के यु तैं भैर अंधेरा मा डाली द्या उख रूंण अर दांतों को पिसंण होलो।

दिब्य दरस 20:11

फिर मिल एक सफेद सिंहासन देखि जै पर पिता परमेश्वर विराजमान छो। पर उख जख पिता परमेश्वर विराजमान छो, उख धरती अर आसमान सब गायब हवे गै, अर कैल भि वे तैं फिर नि देखि।

यहूदा 1:13

जन समुन्द्र की प्रचण्ड लहर गन्दो झाग बंणौंदींनि, उन ही यु लोग शर्मनाक काम फैलांदींनि। उ कुछ गैणों का जन छिनी जु एक बणयां रस्ता पर नि चलदींनि, उ सै रस्ता नि दिखदींनि। प्रभु ऊं तैं एक जगह रखणु च जु पूरा ढंग से अंधेरी च जख ऊं तैं हमेशा कु रौंण पुड़लो।

इब्रानी 10:29

जु मूसा की व्यवस्था का अनुसार इन सजा छै, त वे आदिम की सजा भौत बड़ी होली जु पिता परमेश्वर का नौंनो कु तिरस्कार करदींनि; वेल पिता परमेश्वर का नौंनो तैं अपड़ा खुट्टों मुड़ी मींडी येले किलैकि वेल वेको सम्मान नि कैरी; वेल मसीह का ल्वे तैं पवित्र नि मांणी अर अशुद्ध ठैरे जैका द्वारा पिता परमेश्वर ल वे तैं पवित्र बनांणु कु नई प्रतिज्ञा शुरू कैरी; वेल पवित्र आत्मा कु अपमान कैरी जैका द्वारा वे पर दया हवे।

तीतुस 2:13

हम इन बरतौ कैरा, जब हम आस का दगड़ी वे महान दिन का जुगाल करदां जब यीशु मसीह, जु हमारा महान पिता परमेश्वर अर उद्धारकर्ता च, अपड़ी सैरी महिमा का दगड़ी धरती पर वापिस आलो।

दिब्य दरस 22:15

पर उ जु बुरा काम करदींनि, टूणा, व्यभिचारी, हत्यारा, मूर्ति पुजण वला, हर एक झूठ तैं चांण वला अर उ जु झूठ बुल्दींनि, उ कभी भि शहर मा प्रवेश नि कैर सकदींनि।

2 पतरस 2:17

यु झूठा शिक्षक ऊं पांणी का स्रोतों का जन बेकार छिनी जु सूखी गैनी। उ निराशा दींणवला बादलों का जन च, जूं तैं तेज बथों उड़ै के लिजांदी, यां से पैली की बरखा हो। पिता परमेश्वर ल ऊंकु एक इन जगह तैयार कैरी जु पूरा ढंग से अंधेरी च।

1 थिस्सलुनीकी 5:3

जब लोग इन बुलला, “सब कुशल च अर कुछ भि डैर भय नि च” तब अचानक से ऊं पर विणाश ऐ जालो जन कै गर्भवती जनन तैं अचानक से प्रसव कि पिड़ा उठदी; अर उ वे बड़ा क्लेश बट्टी बचि नि सकला।

यूहन्ना 5:14

कुछ बगत का बाद उ यीशु तैं यरूशलेम शहर का मन्दिर का चौक मा मिली। यीशु ल वेमा बोलि, देख तु ठिक हवे गै दुबरा पाप नि कैरी इन नि हो कि यांसे कुई भारी विपदा त्वे पर ऐ जौ।

मत्ती 26:24

मि मनिख कु नौंनो त जन वेका बारा मा जन परमेश्वर का वचन मा लिख्युं च उ उन ही चलदो पर वे आदिम कु रूंण अर शोक कन च जैका द्वारा मि मनिख कु नौंनो जेंते मरणु कु पकड़वये जालो, वेको जन्म ये दुनिया मा नि हूंद त वे मनिख की स्थिति कु भलो हूंदू।”

मत्ती 24:30

मि मनिख कु नौंनो कु चिन्ह आसमान मा दिखै जालो अर तब धरती का सब जाति का लोग अपड़ी छाति पिटला अर मि मनिख कु नौंनो तैं सैरी सामर्थ, सैरी शक्ति अर महिमा का दगड़ा मा आसमान का बादलों पर औंण दिखला।