2 पतरस 1:3 - गढवली नयो नियम

³ पिता परमेश्वर ल अपड़ी सामर्थ का द्वारा हम तैं उ सब द्ये जु हम तैं एक ईश्वरीय जीवन जींणु कु चयणी च जु पिता परमेश्वर तैं खुश करदी। यु संभव च किलैकि हम पिता परमेश्वर तैं जंणदा छा अर उ, उन ही च जैल हम तैं अपड़ी महिमा अर नैतिक अच्छै का द्वारा अपड़ा लोग हूंणु कु बुलै।

Garhwali

³ हे मेरा दगड़्यों, पिता परमेस्वर न अपणी ताकत से हमतै उ सब कुछ दिनी, जु कि हमतै पवित्र जीवन जीणु खुणि जरुरी च। अर यू सब कुछ हमतै तब मिली जब हमुन यीशु मसीह तैं स्वीकार कैरी, जैन हमतै अपणा अदभुत आदर-सम्मान, अर अपणी महान अच्छे मा अपणा पास बुलै।

2 पतरस 1:3 Referans Kwoze

1 पतरस 5:10

पिता परमेश्वर जु पूरा ढंग से कृपा करद च, वेल हम तैं मसीह यीशु का दगड़ी कठा कना का कारण स्वर्ग मा पिता परमेश्वर की अनन्त महिमा मा सहभागी हूंणु कु हम तैं चुणि। तुम्हरा थोड़ा बगत कु दुःख सौणा का बाद, पिता परमेश्वर तुम तैं अच्छो बणै दयालो कि तुम मा फिर कुई भंगार नि रौ अर उ तुम्हरा दिलों तैं मजबूत करलो अर वे पर तुम्हरा विश्वास तैं हकीकत मा मजबूत बणै दयालो।

2 तीमुथियुस 1:9

पिता परमेश्वर ल ही हम तैं बचै के उद्धार प्रदान कैरी, अर हम तैं एक पवित्र जीवन ज्यूंणु कु बुलै, वेल हम तैं इलै नि चुणि किलैकि हम ल अच्छा काम करिनी पर य वेकी दया का अनुसार च, जु शुरुवात बट्टी मसीह यीशु मा हमेशा से हम पर हवे।

रोमियों 8:32

पिता परमेश्वर ल अपड़ा एकलौता नौंना यीशु मसीह तैं भि नि रख छोड़ी, पर वे तैं हम पर कृपा कैरी के अपड़ा दुश्मनों तैं सौंपी दींनि, उ हम तैं उ सब कुछ भि दयालो जु वेल हम बट्टी करार कैरी छै।

2 कुरिन्थि 12:9

अर वेल मि बट्टी बोलि, “मेरी कृपा त्वे कु भौत च; किलैकि मेरी सामर्थ कमजोरी मा सिद्ध हूंदी” इलै मि बड़ा आनन्द ल अपड़ी कमजोरियों पर घमण्ड करुलु, कि मसीह की सामर्थ मि पर छाया करदी रौ।

1 पतरस 2:21

पिता परमेश्वर का द्वारा तुम तैं बुलै अर चुणै जांण का कारणों मा बट्टी एक कारण यु च कि तुम वेको दुःख सै लिला तुम वेको भला काम कैरी के दुःख सहन करदा। मसीह, जैल तुम कु दुःख सै, उ तुम कु एक उदाहरण च। इलै तुम तैं उन ही काम कन चयणु च जन मसीह ल कैरी।

2 थिस्सलुनीकी 2:14

पिता परमेश्वर ल वे शुभ सन्देश कु इस्तेमाल कैरी, जै तैं हम ल तुम तैं उद्धार दींण कु तुम्हरा बीच मा प्रचार कैरी, कि तुम हमारा प्रभु यीशु मसीह की महिमा मा भागिदार बंणि सका।

1 पतरस 2:9

पर तुम इन नि छा किलैकि तुम पिता परमेश्वर का चुणयां लोग छा, तुम पिता परमेश्वर का याजक छा, जु राजा च तुम पिता परमेश्वर से जुड़िया लोग छा वेल तुम तैं अंधेरा बट्टी अपड़ी अद्भुत उज्यला मा बुलै, कि तुम पिता परमेश्वर का अद्भुत कामों का बारा मा बतै साका।

1 थिस्सलुनीकी 2:12

कि तुमारो चाल-चलण पिता परमेश्वर का लैख हो जु तुम तैं अपड़ा राज्य अर महिमा मा भागिदार हूंणु कु बुलांद।

1 थिस्सलुनीकी 4:7

किलैकि पिता परमेश्वर ल हम तैं अशुद्ध जीवन ज्यूंणु कु न, पर पवित्र जीवन ज्यूंणु कु बुलै।

1 पतरस 1:15

पर अब तुम तैं हर काम मा जु तुम करदा पवित्र हूंण चयणु च, जन की पिता परमेश्वर पवित्र च जैल तुम तैं अपड़ा बच्चा हूंणु कु चुणि।

इफिसुस 4:1

इलै मि जु कैद मा छों किलैकि प्रभु यीशु कि सेवा करदु छों तुम बट्टी बिनती करदु छों, कि जीं बुलाहट का दगड़ी परमेश्वर ल तुम तैं अपड़ी संतान हूंणु कु बुलै, वेका लैख अपड़ा जीवन तैं ज्यां,

1 कुरिन्थि 1:9

पिता परमेश्वर इन करलो, किलैकि उ अपड़ा बुल्णा का अनुसार विश्वासयोग्य च, कि उ जु बुल्द उ करद च, अर वेल हम तैं अपड़ा नौंना, हमारा प्रभु यीशु मसीह का दगड़ी एक रिश्ता मा बुल्युं च।

2 पतरस 1:2

मि प्रार्थना करदु की पिता परमेश्वर तुम तैं और जादा से जादा कृपा अर शान्ति दयालो जन-जन तुम पिता परमेश्वर अर हमारा प्रभु यीशु का ज्ञान मा बढ़दी जन्द्यां।

2 पतरस 1:5

किलैकि तुम पिता परमेश्वर का स्वभाव मा सहभागी हूंणु कु बुलै ग्यां, तुम तैं भस मसीह पर विश्वास ही नि कन चयणु च, बल्कि तुम तैं हमेशा उ ही कनु को बड़ी कोशिश कन चयणी च जु दूसरों कु अच्छो च। अपड़ा विश्वास पर सद्गुण, अर सद्गुण पर समझ, तुम तैं न भस उ कन चयणु च जु अच्छो च, बल्कि तुम तैं इन लोग भि बनण चयणु च जु समझदारी ल बरतौ कन जंणदा छिनी।

1 पतरस 3:9

बुरै का बदला मा बुरै नि कैरा अर न गल्ली का बदला मा गल्ली द्या; पर यांका विपरीत आशीष ही द्या; पिता परमेश्वर ल तुम तैं बुलै कि तुम दूसरों तैं आशीष दे साका। जु तुम इन करदा त पिता परमेश्वर भि तुम तैं आशीष दयालो।

कुलुसी 1:16

किलैकि यु उ ही मसीह च जैल सब कुछ बनौण बगत पिता परमेश्वर का दगड़ा काम कैरी, उ आसमान कि हूंनु या फिर धरती की हूंनु, देखि चीज हूंनु या फिर नि देखि चीज, क्य राजा, क्य प्रभुता, क्य प्रधानता, अर क्य अधिकार, सैरी चीज वेका ही द्वारा अर वेको ही रचे गैनी।

1 तीमुथियुस 4:8

किलैकि शारीरिक कशरत ल त देह तैं फैदा हूंद, पर भक्ति सभि बातों कु फैदामंद हूंदी, किलैकि तुम वे जीवन तैं पैला, किलैकि यु एक आदिम तैं ईनाम दींण को वादा करद जब उ ईं धरती पर जीवित रौदींनि अर मुरणा का बाद भि।

इफिसुस 4:4

हम सब विश्वासी एक देह का अंगों का जन छा, अर हम सभियूं तैं एक ही पवित्र आत्मा मिल्युं च; जन तुम तैं एक आस दिये गै, जब तुम पिता परमेश्वर का लोग हूंणु कु चुणै ग्यां।

फिलिप्पी 4:8

इलै, हे विश्वासी भयों, जु-जु बात सच छिनी, अर जु-जु बात आदर का योग्य छिनी, अर जौं तैं भि पिता परमेश्वर धर्मी मणद अर जु-जु बात पवित्र छिनी, अर जु-जु बात मन तैं लुभौण वली छिनी, यानि जु भि बात सम्मान जन अर बड़ै कि छिनी, ऊं पर ही तुम्हरो मन लग्युं रौ।

मत्ती 28:18

तब यीशु ल ऊंकु बोलि, “स्वर्ग अर धरती को सैरो अधिकार मि तैं दियुं च।”

इब्रानी 1:3

नौंनो ही पिता परमेश्वर की महिमा कु प्रकाश च, अर वेमा हम देख सकदा कि पिता परमेश्वर कन च, अपड़ा सामर्थी वचनों का द्वारा, उ वे सब तैं जु वेल बणै संभलदो; वेल लुखुं तैं ऊंका पापों बट्टी शुद्ध कैरी, अर वांका बाद स्वर्ग मा महिमामय पिता परमेश्वर का दैंणा विराजमान हवे।

1 पतरस 1:5

पिता परमेश्वर अपड़ी बड़ी सामर्थ बट्टी तुम तैं सुरक्षित रखण चांद किलैकि तुम यीशु पर विश्वास रखदा अर उ अंतिम दिन तक जब मसीह वापिस आलो, तुम तैं सुरक्षित रखणु रालो। तब तुम जांणि जैला कि पिता परमेश्वर ल तुम तैं पाप अर मौत बट्टी पूरा ढंग से उद्धार द्ये।

रोमियों 9:24

यानि हम पर जौं तैं वेल न भस यहूदियों मा बट्टी बल्कि अन्यजातियों मा बट्टी भि चुणि।

फिलिप्पी 3:8

पर यां बट्टी बड़ी के मि अपड़ा प्रभु यीशु मसीह कि पैछांणै कि महानता का बानौ सब बातों तैं बेकार समझदु। जैका बानौ मिल सभि चीजों तैं छोड़ी दींनि, अर ऊं तैं खौड़ कटग्यार समझुदु, जन कै मि यीशु मसीह की आज्ञा कु पालन कैर साको।

2 पतरस 1:6

तुम तैं समझदारी ल कन कै बरतौ कन चयणु च, बल्कि तुम तैं अपड़ा आप तैं भि वश मा भि कन चयणु च, अर तुम तैं न भस अपड़ा आप तैं वश मा कन चयणु च, बल्कि तुम तैं मुसिबत मा भि धीरज भि रखण चयणु च, अर तुम तैं न भस धीरज रखण चयणु च, बल्कि तुम तैं इन ढंग से जीवन जींण चयणु च जु पिता परमेश्वर तैं खुश करद।

2 पतरस 1:8

जु यु सब बात तुम मा छिनी अर बढ़दी जौं त यु तुम तैं हमारा प्रभु यीशु मसीह का ज्ञान मा उपयोगी अर फलदार हूंण मा मदद करली।

2 पतरस 1:10

इलै हे विश्वासी भयों, अपड़ा आप तैं अर हैंका लुखुं तैं यु दिखांणु कु और भि अच्छो बरतौ कनु को बड़ी कोशिश कैरी कि पिता परमेश्वर ल तुम तैं हकीकत मा चुणयूं च अर तुम तैं अपड़ा लोग हूंणु कु बुलै। जु तुम इन करला त तुम निश्चित ढंग से पिता परमेश्वर बट्टी अलग नि होला।

2 पतरस 2:20

लोग दुनिया की दुष्टता बट्टी बच निकलीनि जब ऊंल यीशु मसीह तैं अपड़ा प्रभु अर उद्धारकर्ता का रूप मा जांणि। पर अब एक बार फिर उ बुरा काम कन मा लुप्त हवे गैनी अर उ बुरा काम अब ऊं तैं वश मा करदींनि, इलै अब मसीह तैं अस्वीकार कना का बाद ऊं की अंतिम दशा ऊंका विश्वासी बनण से पैली की स्थिति बट्टी भि बुरी हवे गै।

2 पतरस 3:18

बल्कि इन कै जीवन बिता कि तुम हमारा उद्धारकर्ता यीशु मसीह का प्रति और जादा से जादा कृपा का रूप मा काम कैरी अर यु कि तुम वे तैं और जादा बढ़िया ढंग से जांण साका। पिता परमेश्वर की महिमा अब अर हमेशा तक हूंदी रौ। आमीन।