2 पतरस 1:17 - गढवली नयो नियम

^17-18 हम वे पवित्र पोड पर वेका दगड़ा मा छा जब वे तैं पिता परमेश्वर का द्वारा सम्मान अर महिमा दिये गै छै। तुम ल वे बगत परम पिता परमेश्वर की तरपां बट्टी य आवाज सूंणि, “यु मेरू प्रिय नौंनो च, जै बट्टी मि खुश छो। हम ल अफ भि स्वर्ग बट्टी आंण वली ईं आवाज तैं सूंणि”

Garhwali

¹⁷ अर वे बगत हम उखि छा, जख पिता परमेस्वर न यीशु मसीह तैं सानदार आदर-सम्मान देई, अर वे खुणि स्वर्ग बटि इन आवाज ऐ, “यू मेरु लाडलु पुत्र च, अर येसे मि भौत खुश छौं।”

2 पतरस 1:17 Referans Kwoze

मरकुस 9:7

तब एक बादल ल ऊं तैं घेरि कै ढकै दींनि, अर ऊंल बादल बट्टी परमेश्वर की आवाज सूंणि, “यु मेरू प्रिय नौंनो च यु जु भि बुल्द यु कि सूंणा।”

मत्ती 17:5

उ जब बुल्णु ही छो कि एक चमक्यां बादल ल ऊं तैं घेरि कै ढकै दींनि अर उ ल बादल बट्टी परमेश्वर की आवाज सूंणि “यु मेरू प्रिय नौंनो च ये कि सूंणा।”

मत्ती 3:17

“अर परमेश्वर ल स्वर्ग बट्टी बोलि कि तु मेरू प्रिय नौंनो छै मि त्वे बट्टी भौत खुश छौं।”

लूका 3:22

अर पवित्र आत्मा तैं कबूतर का रूप मा अपड़ा मथि औंण देखि। अर या आकाशवाणी हवे, “अर परमेश्वर ल स्वर्ग बट्टी बोलि, कि तु मेरू प्रिय नौंनो छै मि त्वे बट्टी भौत खुश छौं।”

मरकुस 1:11

अर या आकाशवाणी हवे, “अर परमेश्वर ल स्वर्ग बट्टी बोलि कि तु मेरू प्रिय नौंनो छै मि त्वे बट्टी भौत खुश छौं।”

मत्ती 12:18

“देखा यु मेरू सेवक च जै तैं मिल चुणि मेरू प्रिय जै बट्टी मेरू ज्यू खुश च मि अपड़ो आत्मा वे पर डलुलु अर उ सभि जातियों तैं न्याय को शुभ संदेश प्रचार दयालो।

यूहन्ना 3:35

पिता परमेश्वर नौंना से प्रेम रखदु अर वेल सब चीज वेका हथ मा दियीं छिन।

यूहन्ना 5:26

किलैकि जैं रीति बट्टी पिता परमेश्वर अफ मा जीवन रखदु च वीं रीति बट्टी वेल मि तैं भि यु अधिकार दियुं च कि अपड़ा आप मा जीवन रखु

2 यूहन्ना 1:3

जु हम सचै तैं मणदा अर दूसरों बट्टी प्रेम करदां, त हम तैं पिता परमेश्वर अर वेका नौंना यीशु मसीह की कृपा, दया, अर शान्ति मिलदी राली।

लूका 10:22

मेरा पिता ल मि तैं सब कुछ सौंपेलि अर कुई नि जंणदु कि नौंनो कु च भस पिता अर पिता कु च यु भि कुई नि जंणदु भस नौंनो अर जै पर नौंनो वे तैं प्रगट कन चौ।

2 कुरिन्थि 1:3

हमारा प्रभु यीशु मसीह कु अर पिता परमेश्वर कु धन्यवाद हो, जु हम पर दया दिखांद, अर हम तैं हमेशा उत्साहित कन वलो पिता परमेश्वर च।

2 कुरिन्थि 11:31

परमेश्वर जु हमारा प्रभु यीशु का पिता च हमेशा धन्य च, जंणदु च, कि मि झूठ नि बुल्दो।

यूहन्ना 17:21

कि उ सब एक छिन; जै तैं हे बुबा मि मा च, उन ही उ भि हम मा हो, इलै की यु दुनिया ल लुखुं को विश्वास कैरी, की तिल मि तैं भेजि।

यहूदा 1:1

मि यहूदा, जु यीशु मसीह कु एक सेवक अर याकूब कु छुटो भैय तुम तैं य चिठ्ठी लिखणु छो, जै तैं पिता परमेश्वर ल अपड़ा मथि विश्वास कनु कु बुलै। हमारो पिता परमेश्वर तुम बट्टी प्रेम करद अर तुम यीशु मसीह का द्वारा सुरक्षित छा।

यूहन्ना 6:27

खांणु कु मेहनत नि कैरा पर वे खांणु कु जु अनन्त जीवन तक ठैरद मि मनिख कु नौंनो तुम तैं यु खांणु दयुलु किलैकि पिता परमेश्वर ल मि तैं इन कनु कु अधिकार दियुं च।

यूहन्ना 6:39

अर मेरा भिजण वला कि मनसा या च कि जु कुछ वेल मि तैं दे वां बट्टी मि कुछ नि हरचौं पर वे तैं आखरी दिन फिर ज्यूँदो उठालो।

यूहन्ना 20:17

यीशु ल वीं कु बोलि, मेरा खुट्टों मा लिपटै कै मि तैं नि रोक किलैकि मि अब तक बुबा मा मथि नि गौं पर विश्वासी भयों मा बोलि दे कि मि अपड़ा बुबा अर तुमारा बुबा अर अपड़ा परमेश्वर अर तुमारा परमेश्वर मा मथि जांणु छौं।

यूहन्ना 10:36

त जब मि बुल्द, “मि परमेश्वर कु नौंनो छों त तुम मि तैं किलै बुल्दा छा, तु बुरै कनी छै।” मि उ छों पिता परमेश्वर बट्टी अलग करयुं अर वेल मि तैं जगत मा भेजि

यूहन्ना 14:6

यीशु ल वेकु बोलि, “बाटु अर सचै मि ही छों अर जीवन भि मि छों बगैर मेरा द्वारा कुई पिता परमेश्वर मा नि पौंछि सकदु।

यूहन्ना 10:15

अच्छो चरवाहा मि छों पिता परमेश्वर मि तैं जंणदु च अर उन ही मि बुबा तैं जंणदु छौं अर मि ढिबरों कु अर मि ऊं कु मुरण कु तैयार छों।

मत्ती 17:3

अर मूसा का दगड़ा एलिय्याह दिखेनि जु यीशु का दगड़ा बातचित कन दिखै गैनी।

यूहन्ना 14:11

मेरू ही विश्वास कैरा, कि मि बुबा मा छौं अर बुबा मि मा च जु चमत्कार मिल कैरी छा मेरू विश्वास कैरा।

यूहन्ना 6:37

जु कुछ पिता परमेश्वर मि तैं दींद उ सब मि मा आलो अर जु कुई मि मा आलो वे तैं मि कभि नि निकललु।

रोमियों 15:6

कि तुम सभि एक दगड़ी मिली कै, हमारा प्रभु मसीह यीशु को पिता परमेश्वर की बढ़ै कैरा।

मत्ती 28:19

“तुम सैरा दुनिया मा हर जगह जै कै सभि जातियों का लुखुं तैं चेला बणांव अर ऊं तैं बुबा अर नौंना का अर पवित्र आत्मा का नौं बट्टी बपतिस्मा द्यावा

यूहन्ना 5:20

किलैकि पिता परमेश्वर मि से प्रेम करदु अर जु-जु काम उ अफ करदो ऊं सब वे तैं दिखोंदु अर उ यांसे भि बड़ा काम वे तैं दिखालो इलै की तुम अचम्भो कैरा।

इब्रानी 1:3

नौंनो ही पिता परमेश्वर की महिमा कु प्रकाश च, अर वेमा हम देख सकदा कि पिता परमेश्वर कन च, अपड़ा सामर्थी वचनों का द्वारा, उ वे सब तैं जु वेल बणै संभलदो; वेल लुखुं तैं ऊंका पापों बट्टी शुद्ध कैरी, अर वांका बाद स्वर्ग मा महिमामय पिता परमेश्वर का दैंणा विराजमान हवे।