2 यूहन्ना 1:1 - गढवली नयो नियम

¹ मि यूहन्ना, मंडलि का पुरणा अगुवा यु चिठ्ठी वीं जनन अर वीं का नौंना कु लिखणु छो, जै तैं पिता परमेश्वर ल चुणि। मि सच मा तुम बट्टी प्रेम रखदु छो, अर भस मि ही न; बल्कि उ सब भि तुम बट्टी प्रेम रखद, जु पिता परमेश्वर की सचै पर विश्वास रखदा छिनी।

Garhwali

¹ हे मेरी प्यारी बैंण, मि यूहन्‍ना जु की एक अध्यक्ष छौं, मि या चिठ्‍ठी त्वे खुणि अर तेरा बच्‍चों खुणि लिखणु छौ, तुम जु कि पिता परमेस्वर का द्‍वारा चुण्यां छा मि तुम से भौत प्यार करदु। अर केवल मि ही ना, बल्किन मा वु सब त्वेसे प्यार करदिन जु कि सच्‍चै तैं जणदिन।

2 यूहन्ना 1:1 Referans Kwoze

1 यूहन्ना 3:18

हे मेरा प्रिय नौंनो, हम सचै का द्वारा दूसरों की मदद कैरी के दूसरों तैं अपड़ो प्रेम दिखै सकदां पर न की जीभ ल बोलि के।

1 तीमुथियुस 2:4

उ चांदो च कि सभियूं तैं सचै कु ज्ञान हो अर उ बचि जा।

यूहन्ना 8:32

तुम सच तैं जणिल्या अर सच तुम तैं स्वतंत्र करुलो।

2 यूहन्ना 1:5

अब “हे नारी” मि त्वे बट्टी बिनती करदु, कि हम तैं एक दुसरा बट्टी प्रेम कन चयणु च। यु कुई नई आज्ञा नि च बल्कि वीं आज्ञा च, जै तैं हम वे बगत बट्टी जंणदा छा जब हम ल मसीह की आज्ञा कु पालन कन शुरू कैरी।

1 पतरस 5:1

कुछ इन बात छिनी जु मि उख का पुरणा अगुवों बट्टी कन चांणु छो किलैकि मि भि तुम जन एक पुरणों अगुवा छो। मिल अफ भि ऊं दुखों तैं देख जु भौत बगत पैली मसीह ल सैनी। जब उ फिर वापिस आलो, त मि भि वेकी महिमा मा शामिल होलो अब मि तुम बट्टी बिनती कनु छो

2 यूहन्ना 1:13

तेरी बैंण का नौंना जूं तैं पिता परमेश्वर ल चुणयूं च, उ यख च, अर त्वे तैं प्रणाम बुल्णा छिनी।

1 यूहन्ना 2:21

मिल तुम कु इलै नि लिखीं, कि तुम सचै तैं नि जणद्यां, पर इलै, कि तुम मसीह तैं जणद्यां छा, अर इलै कि कुई झूठ, सचै की तरपां बट्टी नि च।

1 पतरस 1:2

पिता परमेश्वर ल भौत पैली ही तुम तैं अपड़ा लोग हूंणु कु अर पवित्र आत्मा का काम का द्वारा तुम तैं पवित्र कनु कु चुणि। वेल इन इलै कैरी कि तुम यीशु मसीह की आज्ञाओं तैं मंणिला अर वेका ल्वे बट्टी शुद्ध हवे सकिला। मि प्रार्थना करदु कि पिता परमेश्वर तुम तैं कृपा अर पूरी शान्ति दयालो।

इब्रानी 10:26

हम तैं यूं कामों तैं कन चयणु च, किलैकि जब हम ल जांणि कि शुभ संदेश की सचै क्य च तब भि जु हम पाप करदी रां, त कुई और बलिदान नि च जु हमारा पापों तैं दूर कैर साको।

गलातियों 5:7

तुम मसीह का दगड़ी अपड़ा आपसी सम्बन्ध मा इथग अच्छा ढंग से बढ़णा छा, अब कैल तुम तैं रोकि? कि तुम मसीह का बार मा सच्चा शुभ संदेश पर अब विश्वास नि कना छा।

गलातियों 3:1

हे गलातियों शहर का विश्वासी लुखुं क्य तुम न समझ छा, कैल तुम तैं भरमै? मिल तुम तैं ठिक से समझै की जब यीशु मसीह तैं सूली पर चढ़ै गै, त वेल कै काम तैं पूरो कैरी।

गलातियों 2:14

जब मिल देखि, कि उ वीं सचै को अनुसरण नि कना छा जु शुभ सन्देश सिखांद, त मिल सभियूं का संमणी पतरस जै कु कैफा भि बुलै जांद छों वेको बोलि, “तु एक यहूदी हवे के भि, अन्यजातियों का रीति-रिवाजों को पालन करदु छै अर यहूदियों को रीति-रिवाजों को पालन नि कनु छै, जु तिल इन करयूं च, त फिर तु अन्यजातियों तैं हम यहूदियों का रीति-रिवाजों कु पालन कनु कु दबाव किलै डलणी छै?”

गलातियों 2:5

हम ऊं लुखुं का दगड़ी एक पल कु भि सहमत नि हुयां, कि तुम वे सच्चा शुभ सन्देश पर विश्वास करदी रावा जु हम ल तुम तैं सिखै।

कुलुसी 1:5

तुम्हरो यु विश्वास अर प्रेम वीं आस का कारण च जु तुम कु स्वर्ग मा रखि, तुम ल पैली बट्टी ही यांका बार मा सुणयूं च। जब पैली बार लोग तुम मा एनि अर तुम तैं यीशु मसीह का बार मा शुभ सन्देश सुणै, जु कि पिता परमेश्वर कु सचो संदेश च।

लूका 1:3

इलै हे श्रीमान थियुफिलुस मिल भि यूं सब बातों का ध्यान से अध्ययन कैरी अर मि तैं यु खूब लगि की मि तुम कु ईं घटनाओं तैं क्रमानुसार ठिक से लिख्युं।

खास चेलों 11:30

ऊंल इन कैरी; अर बरनबास अर शाऊल का हथ अर विश्वासियों का पुरणा अगुवों का हथ दान भेजि।

रोमियों 16:13

रुफुस तैं प्रभु की सेवा मा ऊंका खास काम कु चुणयूं च, अर वेकी ब्वे मि कु भि ब्वे का जन च, द्वीयूँ तैं प्रणाम।

1 पतरस 5:13

बाबेल शहर जु रोम मा च उख विश्वासी तुम तैं प्रणाम बुल्णा छिनी, जौं तैं पिता परमेश्वर ल चुणि जन मसीह ल तुम तैं चुणि। मरकुस, जु मि कु एक नौंना जन च, उ भि तुम तैं प्रणाम बुल्णु च।

3 यूहन्ना 1:1

मि यूहन्ना मंडलि कु पुरणो अगुवा, या चिठ्ठी प्रिय दगड़िया गयुस त्वे कु लिखणु छो, मि त्वे बट्टी सचो प्रेम करदु छो।