2 कुरिन्थि 7:7 - गढवली नयो नियम

⁷ अर न भस वेका आंण से पर वेकी वीं शान्ति बट्टी भि, जु तीतुस तैं तुम्हरी तरपां बट्टी मिली छै; अर वेल तुम्हरी इच्छा, अर तुम्हरा दुःख अर मि कु तुम्हरी धुन कु खबर हम तैं सुणै, ज्यां बट्टी हम तैं अर भि खुश हवे।

Garhwali

⁷ अर तीतुस को हमरा पास औण से हमतै बड़ी खुशी मिली, अर वेसे बड़ी खुशी या च कि तुम लोगु न वेकी हिम्मत बढै। हाँ, किलैकि वेन हमतै बतै कि तुम लोग मितैं दिखणु खुणि तड़पणा छाँ, अर कुछ भि ह्‍वे वां खुणि तुमतै दुख च अर अब तुम लोग वफादार ह्‍वे ग्यां, इलै ईं बात से मितैं बड़ी खुशी मिलदी।

2 कुरिन्थि 7:7 Referans Kwoze

यहूदा 1:3

हे विश्वासी भयों, मि तुम तैं वे नया जीवन का बारा मा लिखणु कु हर संभव कोशिश कनु छो जु यीशु मसीह का द्वारा पिता परमेश्वर की तरपां बट्टी आंद अर जै मा हम सभि शमिल छा। पर अब मि ईं चिठ्ठी मा वे उद्धार का बारा मा तुम तैं प्रोत्साहित कनु को दबाव महसूस कनु छो कि तुम मसीही विश्वास तैं पकड़ी के रौंणु कु और भि जादा कोशिश कैरा। पिता परमेश्वर ल अपड़ा लुखुं कु यु विश्वास एक ही बार मा हमेशा कु दे द्ये, अर यु तैं बदले नि जै सकद।

2 कुरिन्थि 5:2

ईं देह मा त हम कणौदयां, अर बड़ी इच्छा रखदां; कि हम स्वर्गीय देह तैं धारण कैरा।

2 यूहन्ना 1:4

जब मिल सूंणि त मि भौत खुशी हवे कि तेरु कुछ नौंना वीं सचै तैं मांणी के जींणा छिनी, जै तैं हमारा पिता परमेश्वर ल हम तैं कनु कु बुल्युं च।

याकूब 5:17

एलिय्याह परमेश्वर का संदेश दींण वलो भि त हमारा संमणी दुख-सुख भुगण वलो मनिख छो; वेल अपड़ा पूरा मन ल प्रार्थना कैरी, कि बरखा नि हो; अर साढ़े तीन साल तक धरती पर बरखा नि हवे।

इब्रानी 2:1

इलै चयणु च, कि जु हम तैं सिखै गै छो, वेको पीछा कनु कु हम जादा चौकस रांण चयणु च, तब हम सचै बट्टी नि भटकुला।

1 थिस्सलुनीकी 3:8

किलैकि अब जु तुम प्रभु मा मजबूत रैल्या यूं हम कु नयो जीवन लांदो।

1 थिस्सलुनीकी 3:6

पर अब तीमुथियुस जु तुम्हरा इख बट्टी हम मा वापिस ऐ गै वेल इख ऐ के तुम्हरा विश्वास कु अर प्रेम कु शुभ सन्देश प्रचार सुणै, अर या बात भि सुणै, कि तुम सदनी प्रेम का दगड़ी हम तैं याद करद्यां, अर हम तैं दिखणै की लालसा करद्यां, जन हम भि तुम तैं दिखण की लालसा करदां।

कुलुसी 2:5

किलैकि मि तुम से दूर छौं, तब भि आत्मिक रूप बट्टी तुमारा नजदीक छौं, अर मि खुश छों कि तुम कठ्ठा छा अर तुम अपड़ा विश्वास मा जु यीशु मसीह मा जीवन जींणा छा।

फिलिप्पी 1:20

किलैकि मेरा मन कि मनसा अर आस या च कि मेरी कैं भि बात मा बेजती नि हो। पर मि तैं मसीह का बार मा बुल्ण की हिम्मत हो, जन कि मिल पैली बगत मा कैरी छो। चै मि ज्यूँदो रौं या फिर मोरि जौं, मि अपड़ा पूरा जीवन बट्टी मसीह कु सम्मान कनु रौलु।

2 कुरिन्थि 8:16

पिता परमेश्वर कु धन्यवाद हो, जैल तुम कु उ ही चिंता तीतुस का मन मा डाली जु चिंता मि तैं तुम कु च।

2 कुरिन्थि 2:9

किलैकि मिल इलै भि लिखीं छो, कि तुम तैं परखि ल्यूं, कि तुम मेरी आज्ञाओं तैं मनणु कु तैयार छा, कि न।

रोमियों 1:12

मेरू बुल्णों कु मतलब यु च कि जब मि तुम मा औं, तब तुम अर मि दगड़ा मा एक-दुसरा का विश्वास का द्वारा प्रोत्साहित हों।

खास चेलों 11:23

बरनबास ल उख पौंछि के, उख लुखुं पर पिता परमेश्वर की दया देखि के खुश हवे गै, अर ऊं सभियूं तैं उपदेश द्ये कि तुम पूरा मन से पिता परमेश्वर पर विश्वास कनु कु मजबूत रावा।

लूका 22:44

उ भौत संकट मा दुखी हवे कै और भि दुख ल परमेश्वर बट्टी प्रार्थना कन लगि गैनी अर ऊंकु पसिना जन ल्वे कि बड़ी-बड़ी बुन्दौं जन धरती मा पोड़णू रै।

मत्ती 26:75

तब पतरस तैं व बात ज्वा यीशु ल वेमा बोलि छै याद ऐ गै, “कि मैर का बसण से पैली तीन बार मेरा बारा मा तिल मुकरी जांण।” अर तब उ भैर जै के भकोर-भकोर के रूंण लगि गै।

मत्ती 5:4

“धन्य छिन उ जु शोक करदींनि, किलैकि परमेश्वर ऊं तैं शान्ति दयालो।”

1 कुरिन्थि 5:2

तुम तैं बल्कि दुःख बट्टी भुरे जांण चयणु च अर वे आदिम तैं जैल इन काम कैरी, वे तैं मण्डलि बट्टी भैर निकाली दींण चयणु च पर यांका बजाय तुम और भि जादा बड़ा मोन का हवे ग्यां।

2 कुरिन्थि 1:4

पिता परमेश्वर हमारी सब मुसिबतों मा हम तैं तसल्ली दींद; कि हम वे तसल्ली का कारण जु पिता परमेश्वर हम तैं दींद, ऊं तैं भि तसल्ली दे साक, जु हर ढंग की मुसिबत मा पुड़यां हूंनु।

2 कुरिन्थि 7:6

तब भि उदास लुखुं तैं तसल्ली दींणवला पिता परमेश्वर ल तीतुस का आंण से हम तैं शान्ति दींनि।

2 कुरिन्थि 7:8

मि ईं बात बट्टी नि पछतांदु कि मिल तुम तैं चिठ्ठी लिखीं छै, चाहे यांल तुम दुखी भि हुयां; पैली मि तैं पछतावा हवे छो जब मिल देखि कि यांल तुम तैं थोड़ा बगत कु दुखी कैरेले छो।