2 कुरिन्थि 7:2 - गढवली नयो नियम

² हम तैं अपड़ा दिल से प्रेम कैरा; हम ल न कै बट्टी अन्यो कैरी, न कै तैं बिगाड़ी, अर न कै तैं ठगी।

Garhwali

² हे मेरा दगड़्यों, हमतै अपणा दिलों मा जगा द्‍या किलैकि हमुन कै का दगड़ा मा कुछ बुरु नि कैरी, अर ना ही कै को कुछ बिगाड़ि। अर ना ही हमुन कै को फैदा उठे।

2 कुरिन्थि 7:2 Referans Kwoze

2 कुरिन्थि 11:9

अर जब तुम्हरा दगड़ी छो, अर मि तैं धन की कमी छै, त मिल कै पर भि बोझ नि डाली, किलैकि विश्वासी भयों ल, मकिदुनिया प्रान्त बट्टी ऐ के मेरी घटि तैं पूरो कैरी; अर मिल हर बात मा अपड़ा आप तैं कै भि ढंग ल तुम कु मुसिबत बनण ल बचु, अर मि भविष्य मा भि तुम पर बोझ नि बणलु।

खास चेलों 20:33

मिल कैका सोना चांदी या कपड़ोंं को लोभ नि कैरी।

2 यूहन्ना 1:10

जु कुई तुम मा औ, अर मसीह शिक्षा नि द्ये वे तैं न त घौर औंण द्या अर न वे तैं प्रणाम कैरी के बढ़ावा द्या।

रोमियों 16:18

किलैकि इन्देरा लोग हमारा प्रभु मसीह का नि छिनी, पर अपड़ा देह की इच्छाओं की सेवा करदींनि; अर चिकनी चुपड़ी बातों बट्टी भोला-भाला मन का लुखुं तैं धोखा दींदिनि।

मत्ती 10:40

“जु तुम तैं स्वीकार करदो उ मि तैं स्वीकार करदो अर जु मि तैं स्वीकार करदो उ मेरा भिजण वला तैं स्वीकार करदो।”

मत्ती 10:14

जु कुई तुम तैं स्वीकार नि कैरो अर तुम्हरी बातों तैं नि सुंणौ त वे घौर य वे शहर बट्टी निकली के अपड़ा खुट्टों की धूल उखि झाड़ी दियां।

फिलेमोन 1:17

जब उनेसिमुस त्वे मा वापिस आलो तुम वे दगड़ी उन ही आनन्द कु बरतौ करयां जन कि तु मेरू स्वागत करिल्या।

फिलेमोन 1:12

मि उनेसिमुस तैं त्वे मा वापिस भिजणु छौं, जै तैं मि पूरा मन बट्टी प्रेम करदु।

1 थिस्सलुनीकी 2:10

तुम अफी गवाह छा, अर पिता परमेश्वर भि गवाह च कि तुम सभि विश्वासियों का बीच मा हमारो बरतौ कन सचो, अर धार्मिक अर निर्दोष रै।

कुलुसी 4:10

अरिस्‍तर्खुस जु मि दगड़ी जेलखना मा कैद च, अर मरकुस जु बरनबास कु भंणजो लगदो तुम कु प्रणाम बुल्णु च। जैका बारा मा तुम तैं पैली बट्टी ही मालूम च, कि जु उ तुम मा औ त वे दगड़ी अच्छो बरतौ करयां।

फिलिप्पी 2:29

इलै तुम प्रभु मा वे बट्टी भौत खुशी से मिल्यां, अर तुम वेको अर वेका जन लुखुं कु आदर कना रयां।

2 कुरिन्थि 11:16

मि फिर बुल्णु छो, कि कुई मि तैं मूर्ख नि समझो; नथिरी त मूर्ख ही समझी के मेरी सै ल्या, कि थोड़ा मि भि घमण्ड कैरी साको।

2 कुरिन्थि 4:2

पर हम ल शर्मनाक अर गुप्त कामों तैं छोड़ी येले, अर न चालाकी ल चलद्यां, अर न पिता परमेश्वर का वचन मा कुछ मिलावट करदा, पर हम पिता परमेश्वर का संमणी भस सच सिखौदियां, अर हर कुई आदिम गव्है दे सकद कि य बात सच च।

2 कुरिन्थि 1:12

किलैकि हम तैं गर्व च कि हमारो विवेक साफ च, कि दुनिया मा अर खास कैरी के तुम्हरा बीच हमारो चरित्र जु पिता परमेश्वर की तरपां बट्टी आंद इन पवित्रता अर सचै का दगड़ी च, हम ऊं विचारों का अनुसार नि ज्यूंदयां, जु ऊं लुखुं का द्वारा ज्ञानवान समझे जांद पर पिता परमेश्वर की कृपा का द्वारा छो।

लूका 10:8

अर जै शहर मा जैला, अर उख का लोग तुम तैं स्वीकार कैरा त जु कुछ तुमारा अगनैं रखै जौं उ ही खैयां।