2 कुरिन्थि 7:10 - गढवली नयो नियम

¹⁰ इलै कि पिता परमेश्वर वे तैं छुडांद अर कै तैं भि वेका नतीजा बट्टी कभी दुख नि हूंद; जैको नतीजा उद्धार च अर फिर वे बट्टी पछतांण नि पुड़दो; पर दुनिया का दुःख लुखुं तैं अनन्त मौत का तरपां लिजांद।

Garhwali

¹⁰ किलैकि पिता परमेस्वर की तरफा बटि औण वळु दुख हमतै छुटकारा की तरफा लेके जान्दु, मगर दुख औण का बाद भि जु लोग पस्ताप नि करदिन, ऊं खुणि वु दुख मौत की सजा तैं पैदा करदु।

2 कुरिन्थि 7:10 Referans Kwoze

खास चेलों 3:19

इलै अपड़ा मन फिरावा अर परमेश्वर की तरपां वापिस लौटि के ऐ जावा कि तुमारा पाप मिटये जौनु जन कै प्रभु कि तरपां बट्टी शान्ति अर चैन का दिन औंणु,

खास चेलों 11:18

यु सूंणि के उ शांत हवे गै; अर ऊंल यु बोलि के पिता परमेश्वर की महिमा कैरी, “पिता परमेश्वर ल अन्यजातियों तैं यु वरदान दियूं च कि उ भि पापों तैं छोड़ी द्या अर अनन्त जीवन पै साका।”

लूका 18:13

पर चुंगि लींण वला ल दूर खड़ो हवे के स्वर्ग की तरपां देखी भि नि चाह, पर अपड़ा दुःख का दगड़ी अपड़ी छाति पीट-पीट कै बोलि, “हे परमेश्वर मि एक पापी छों मि पर दया कैर अर मि तैं माफ कैर”

लूका 15:10

मि तुम मा बुल्णु छौं कि इन कै एक मन फिराण वला पापी का बारा मा परमेश्वर का स्वर्गदूतों का संमणी आनन्द हूंद।

इब्रानी 12:17

तुम जंणद त छा, कि बाद मा जब वेल अपड़ो बुबा बट्टी आशीष पांण चै, त वेका बुबा ल वेकु मना कैरी दींनि, अर वेल आँसू बुगै-बुगै के आशीर्वाद कु बोलि पर उ अब वे तैं नि बदली सकदो छो जु वेल पैली कैरी छो।

2 कुरिन्थि 12:21

अर कखी इन नि हो कि जब मि दुबरा तुम बट्टी मिलणु कु ओ, मेरू पिता परमेश्वर मि तैं बैजत कैरो; अर मि तैं भौत सी लुखुं कु फिर शोक कन पोडो, जौनु पैली पाप कैरी छो, जन गंदा काम अर यौन सम्बन्धी पाप अर शर्मनाक काम करिनि जु ऊंल करिनि, अर पापों कु पश्चाताप नि कैरी।

मत्ती 26:75

तब पतरस तैं व बात ज्वा यीशु ल वेमा बोलि छै याद ऐ गै, “कि मैर का बसण से पैली तीन बार मेरा बारा मा तिल मुकरी जांण।” अर तब उ भैर जै के भकोर-भकोर के रूंण लगि गै।

2 कुरिन्थि 7:9

पर अब मि खुश छो पर इलै न कि तुम तैं शोक हवे पर इलै कि तुम ल वे दुःख का कारण पापों बट्टी दूर कैरी, किलैकि जन कै पिता परमेश्वर चांदु छो, तुम उन ही उदास व, कि तुम तैं हमारा कारण कै भि बात मा तकलीफ नि हो।