2 कुरिन्थि 6:14 - गढवली नयो नियम

¹⁴ अविश्वासियों का दगड़ी सहभागी नि बणा, किलैकि धार्मिकता अर अधर्म कु क्य मेलजोल? या उज्यला अर अंधेरा की क्य संगति?

Garhwali

¹⁴ हे कुरिन्थि नगर का लोगु, जु लोग यीशु मसीह पर बिस्वास नि करदिन तुम लोग ऊंको साथ हर बात मा नि द्‍या, किलैकि सच्‍चै अर झूठ्‍ठ की कुई दोस्ती नि होन्दी। अर क्या उज्याळु अर अन्धेरु कभि भि दगड़ा मा रै सकदिन?

2 कुरिन्थि 6:14 Referans Kwoze

1 कुरिन्थि 15:33

जु लोग इन बात करदींनि, ऊंका द्वारा मूर्ख नि बणा, “बुरी संगति अच्छा चरित्र तैं भि बिगाड़ी दींदी।”

1 कुरिन्थि 10:21

यु नि हवे सकद कि तुम प्रभु का कटोरा मा बट्टी अर दुष्टात्मा का कटोरा मा बट्टी पिया; इन ही के यु भि नि हवे सकद कि तुम प्रभु की मेज मा अर दुष्टात्मा की मेज मा बट्टी भि हिस्सादार हो।

याकूब 4:4

हे विश्वासघाती लुखुं अर व्यभिचारी लुखुं क्य तुम यु नि जंणद्यां, कि दुनिया बट्टी प्रेम रखण मतलब पिता परमेश्वर दगड़ी बैरभाव रखण च, इलै जु कुई दुनिया को दगड़िया बनण चांद, त उ अपड़ा आप तैं पिता परमेश्वर को बैरी बणादो।

1 कुरिन्थि 5:9

मिल अपड़ी चिट्ठी मा तुम कु लिख्युं च, कि व्यभिचारियों कु दगड़ी नि करयां।

फिलिप्पी 2:15

किलैकि तुम निर्दोष अर सीधा हवे के टेढ़ा अर भ्रष्ट लुखुं का बीच मा पिता परमेश्वर कि निष्कलंक सन्तान बंणि के रै सक्यां, तुम ईं दुनिया का लुखुं का बीच मा आकाश का गैणों का जन चमका, जब तुम ऊं तैं उ वचन बतांद छा जु हमेशा कु जीवन दींदी,

यूहन्ना 7:7

दुनिया का लोग तुम बट्टी बैर नि कैरी सकदींनि पर उ मि बट्टी बैर करदींनि किलैकि मि वेका विरोध मा ईं गव्है दींदु छौं कि वेका काम बुरा छिन।

1 कुरिन्थि 7:39

जब तक कैं जनन कु आदिम ज्यूँदो रौंदु, तब तक व वे दगड़ी बंधन मा बंधि च, पर जु वीं कु आदिम मोरि जौं, त व जै दगड़ी चौ ब्यो कैरी सकदी च, पर भस वे बट्टी जु प्रभु मा विश्वास करदु हो।

खास चेलों 4:23

तब उ छुटी के अपड़ा दगड़ियों मा ऐनी अर जु कुछ प्रधान याजक ल अर लुखुं का दाना-सयाणों ल ऊंमा बोलि छो उ सब ऊं तैं सुंणै दींनि।

1 कुरिन्थि 6:6

तुम मा एक विश्वासी भैय कु हैंका विश्वासी भैय का दगड़ी ही जांच कु मुकदमा हूंदो अर उ भि अन्यजातियों का संमणी।