2 कुरिन्थि 6:1 - गढवली नयो नियम

¹ हम जु पिता परमेश्वर का सहकर्मी छा यु भि तुम बट्टी बिनती करदा, कि पिता परमेश्वर की दया जु तुम पर हवे, बेकार नि रैणी द्या।

Garhwali

¹ इलै हे मेरा दगड़्यों, हम लोग परमेस्वर का दगड़ा मा मिली के काम करद्‍यां। अर मि तुमतै समझै देन्दु कि परमेस्वर की महान किरपा तैं पौण का बाद अब वेकी किरपा तैं बेकार नि जाण द्‍या,

2 कुरिन्थि 6:1 Referans Kwoze

इब्रानी 12:15

अर चौकस रावा, इन नि हो, कि कुई पिता परमेश्वर की दया का बगैर ही रै जौं, इन आदिम जु तुम मा बट्टी भौतों तैं बर्बाद कैरी सकद अर तुम्हरा बीच झगड़ा की जौड़ बंणि सकद, किलैकि उ लुखुं तैं भटकै दयालो अर उ भि बुरा बंणि जाला।

1 कुरिन्थि 3:9

किलैकि हम पिता परमेश्वर कु काम कन वला छा, अर कुरिन्थ का विश्वासियों तुम एक सगोड़ा अर एक घौर जन छा, जै तैं पिता परमेश्वर बणद अर उ वेको ही च।

1 पतरस 4:10

हर एक आदिम तैं पिता परमेश्वर की तरपां बट्टी वरदान मिल्युं च अर ऊं तैं वे वरदान को इस्तेमाल दुसरा लुखुं की मदद कनु कु कन चयणु च। ऊं तैं पिता परमेश्वर का अच्छा सेवकों का रूप मा अपड़ा वरदानों को इस्तेमाल अच्छा ढंग से कन चयणु च जु पिता परमेश्वर ल ऊं तैं कृपा का दगड़ी द्ये।

गलातियों 2:21

मि ईं बातों कु इन्कार नि कैरी सकदु कि पिता परमेश्वर ल हमारा प्रति दया का कारण हम तैं बचै। किलैकि जु लोग मूसा की व्यवस्था कु पालन कैरी कै धर्मी बंणि सकदींनि, त मसीह तैं मुरण नि पुड़दो।

इब्रानी 12:25

चौकस रावा, अर पिता परमेश्वर की बात सुनण से मना नि कैरा, किलैकि इस्राएल का लोग जब ऊंल मूसा की बात नि मांणी त पिता परमेश्वर ल ऊं तैं ईं बात की सजा दींनि, इलै यु हम कु और भि बुरो होलो जु हम पिता परमेश्वर तैं सुनण से इंकार करदां जु हम तैं स्वर्ग बट्टी चेतावनी दींद।

रोमियों 12:1

इलै हे विश्वासी भयों, मि तुम बट्टी परमेश्वर कि दया याद दिलै के बिनती कनु छौं, कि अपड़ा जीवन तैं ज्यूँदो, अर पवित्र, अर पिता परमेश्वर तैं अच्छो लगण वलो बलिदान कैरी के चढ़ावा; अर यु ही पिता परमेश्वर की आराधना, सेवा कनु को सै ढंग च।

गलातियों 3:4

विश्वासी बनांण का बाद हम ल भौत दुःख उठै। मि सच मा आशा करदु छों की या दुःख बेकार नि छों।

खास चेलों 14:3

पौलुस अर बरनबास भौत दिन तक उखी रैनी, अर प्रभु का भलै का बारा मा हिम्मत का दगड़ी बात करदा छा; अर प्रभु ऊं बट्टी चमत्कार अर अद्भुत काम करवै के साबित कैरी कि ईं दया का बारा मा ऊंको संदेश सचो छो।

तीतुस 2:11

पिता परमेश्वर ल हरेक का उद्धार कु कैरी कै दिख्यालै कि उ कथग दयालु च।

मत्ती 23:37

“हे यरूशलेम शहर का लुखुं तु परमेश्वर का तरपां बट्टी बुल्ण वलो तैं मारि डलदि अर जु त्वे मा भिजे गैनी ऊं पर ढुंग्यो करदी। कथग बगत मिल चै कि जन मुर्गी अपड़ा बच्चों तैं अपड़ा पंखों का तौला सुरक्षित करदा उन ही मि भि तेरा नौंनो तैं कठ्ठा कैरी दियूं पर तुम ल इन नि चै।

2 कुरिन्थि 10:1

मि उ ही पौलुस छों जु तुम्हरा संमणी डरपोक छो, पर तुम बट्टी दूर जांण पर हिम्मत वलो हवे जांदु; तुम तैं मसीह की नम्रता, अर कोमलता का कारण निवेदन करदु।

खास चेलों 11:23

बरनबास ल उख पौंछि के, उख लुखुं पर पिता परमेश्वर की दया देखि के खुश हवे गै, अर ऊं सभियूं तैं उपदेश द्ये कि तुम पूरा मन से पिता परमेश्वर पर विश्वास कनु कु मजबूत रावा।

1 थिस्सलुनीकी 3:5

यु कारण से जब मि परेशान छो अर जब मि यूं जांणि बगैर रै नि साको कि तुम कन छा त मिल तीमुथियुस तैं तुमारा विश्वास कु हाल समाचार जनणु कु भेजि, किलैकि हम डरदा छा कि कखी इन नि हो, कि अजमैश कन वला शैतान तुम्हरी अजमैश कैरी हो, अर हमारी मेहनत बेकार हवे गै हो।

इब्रानी 4:1

पिता परमेश्वर ल हम बट्टी वादा कैरी कि हम विश्राम की जगह मा जौला, इलै विश्राम की जगह मा प्रवेश कनु कु वादा अब भि च। त हम तैं भौत चौकस रौंण चयणु च; अर तुम म बट्टी कै तैं भि वे विश्राम की जगह पर जांण कु मौका नि छुड़ण चयणु च।