2 कुरिन्थि 5:7 - गढवली नयो नियम

⁷ जब हम अभि ईं दुनिया मा रौंणा छा, हम अपड़ा विश्वास का द्वारा प्रभु का पिछनै चलणा छा, न कि वे तैं देखि के।

Garhwali

⁷ अर हम दुनियां की बातों का मुताबिक ना, बल्किन मा यीशु मसीह पर बिस्वास कैरिके अपणु जीवन जीण छां।

2 कुरिन्थि 5:7 Referans Kwoze

2 कुरिन्थि 4:18

अर हम त दिखीं चीजों तैं न पर अणदिखीं चीजों तैं दिखदी रौंदयां, किलैकि दिखीं चीज त थोड़ा ही दिनों की छिनी, पर अणदिखीं चीज सदनी बंणि रौंदींनि।

1 पतरस 1:8

तुम ल यीशु मसीह तैं कभी नि देखि, पर फिर भि तुम मसीह बट्टी प्रेम करदा अर वे पर विश्वास भि करदा। इलै, तुम आनन्द अर महिमा बट्टी भौत खुश छा जै तैं शब्दों द्वारा नि बतये जै सकद।

इब्रानी 10:38

अर मेरू धर्मी जन विश्वास ल ज्यूँदो रालो, पर जु ऊंमा बट्टी कुछ मि तैं अस्वीकार कैरी दयाला, त मि हकीकत मा ऊं बट्टी खुश नि रौलु।”

गलातियों 2:20

मि मसीह का दगड़ी सूली पर चड़ैये ग्यों अर मि नि रौं जु अब भि ज्यूंदों च, बल्कि उ मसीह च जु मि मा ज्यूंणु च। अर जन के मि ज्यूंणु छों अब मि पिता परमेश्वर का नौंना पर विश्वास कैरी कै ज्यूँदो छौं, जु मि बट्टी इथग प्रेम करदो कि वेल मेरा खातिर अपड़ी जान दे दींनि।

1 पतरस 5:9

तुम तैं अपड़ा मजबूत विश्वास का दगड़ी वेको विरोध कन चयणु च, याद रखा की विश्वासी भैय-बैंण जु पूरा दुनिया मा रौंणा छिनी, इन ही के दुखों तैं सौणा छिनी जन तुम सौणा छा।

1 कुरिन्थि 13:12

यु जीवन मा हम सब कुछ पूरा ढंग से नि समझदां। यु कै चीज तैं अप्रत्यक्ष रूप मा शीशा मा दिखण जन च। पर जब हम स्वर्ग मा जौला, त हम सब कुछ स्पष्ट रूप मा समझुला। यु कै बट्टी अमणी-संमणी बात कन जन होलो। अब हम सब कुछ जंणदा छा जु पिता परमेश्वर हम तैं सिखांण चांद। तब हम सब कुछ पूरा ढंग से जांणि जौला, जन पिता परमेश्वर हम तैं पूरा ढंग से जंणदु च।

2 कुरिन्थि 1:24

यु न, कि हम विश्वास का बारा मा तुम पर प्रभुता जतांण चदयां; पर तुम्हरा आनन्द मा मददगार छा किलैकि तुम विश्वास बट्टी ही मजबूत हूंणा छा।