2 कुरिन्थि 5:17 - गढवली नयो नियम

¹⁷ इलै, जु कुई मसीह पर विश्वास करद त वेको एक नयो अस्तित्व च; पुरणो स्वभाव बीत गै; देखा, उ सभि नयो हवे गै।

Garhwali

¹⁷ इलै अगर कुई मनखि यीशु मसीह का दगड़ा मा एक ह्‍वेके रौणु च, त यां को मतलब यू च कि वेका सभौ मा सब कुछ नयू च। अर अब वेको जीवन जीण को तरीका पुरणा सभौ का जन नि च, बल्किन मा अब त सब कुछ नयू ही नयू च।

2 कुरिन्थि 5:17 Referans Kwoze

यूहन्ना 3:3

यीशु ल वे तैं जवाब द्ये, कि मि त्वे बट्टी सच-सच बुल्ण छौं जु कुई नया सिरा से नि जन्मो त परमेश्वर का राज्य कु अनुभव नि कैरी सकद।

गलातियों 6:15

किलैकि खतना करौंण अर खतना नि करौंण जरूरी नि च, पर पिता परमेश्वर का पवित्र आत्मा का कामों का द्वारा एक नयो जीवन ज्यूंण जरूरी च।

रोमियों 8:1

यु कारण अब जु मसीह यीशु मा च, ऊं पर दंड की आज्ञा नि च।

इफिसुस 2:10

किलैकि हम तैं परमेश्वर ल बंणै गै; अर मसीह यीशु मा भला काम कनु कु हम तैं नया लुखुं का रूप मा बंणै जै तैं पिता परमेश्वर ल पैली ही बट्टी हम कु तैयार कैरी।

1 कुरिन्थि 1:30

पर पिता परमेश्वर ल तुम तैं मसीह यीशु का दगड़ी एकजुट कैरी, अर मसीह का द्वारा उ हम तैं अपड़ो ज्ञान दींद। पिता परमेश्वर हम तैं अपड़ी नजर मा धर्मी भि ठैरांद। मसीह का द्वारा हम पवित्र बणयां, अर उ हम तैं पाप बट्टी छुडांद।

यूहन्ना 15:5

मि अंगूरों कि लगुली छौं अर तुम फौंकि छा जु मि मा बणयुं रौंदु अर मि वेमा उ भौत फल से फलदो किलैकि मि बट्टी अलग हवे के तुम कुछ भि नि कैरी सकद्यां।

2 कुरिन्थि 5:21

मसीह पाप बट्टी अनजान छो, वे तैं ही पिता परमेश्वर ल हम कु पापी ठैरे, कि हम पिता परमेश्वर की नजर मा धर्मी बंणि जां किलैकि मसीह ल हमारा पापों कु दण्ड अपड़ा मथि लै।

रोमियों 7:6

पर हम वीं व्यवस्था कु मोरि ग्यां जैल एक बार हम तैं बंधि बंणै येलि छों, अब वीं व्यवस्था बट्टी छुटी ग्यां, अब हम पिता परमेश्वर कि सेवा पुरणी रीति बट्टी लिख्यां व्यवस्था का मनणु का द्वारा नि करदां, बल्कि पवित्र आत्मा का द्वारा एक नई रीति मा सेवा करदां।

2 कुरिन्थि 5:16

इलै अब बट्टी हम कै तैं भि सांसारिक नजरिया का ढंग पर न्याय नि कैरा, अर जु हम ल मसीह तैं भि देह का अनुसार जांणि छो, त अब बट्टी वे तैं इन नि जंणुला।

यूहन्ना 3:5

यीशु ल जवाब द्ये, कि मि त्वे बट्टी सच-सच बुल्ण छौं जब तक कुई मनिख पांणी अर पवित्र आत्मा बट्टी नि जन्मो त उ परमेश्वर का राज्य मा प्रवेश नि कैर सकद।

इफिसुस 2:15

सूली पर मसीह कि मृत्यु का कारण, वेल मूसा कि व्यवस्था की पूरी रीति तैं खत्म कैरी दींनि। इन कन मा मसीह कु लक्ष्य द्वी अलग-अलग झुण्ड बट्टी एक नयो झुण्ड बनांणु कु छों जु वे बट्टी जुड़यूं छों,

गलातियों 3:28

मसीह मा, अब न त कुई यहूदी च अर न (यूनानी) अन्यजाति च, न त कुई गुलाम च, अर न आजाद, अर न कुई आदिम च अर न जनन, किलैकि तुम सभि यीशु मसीह मा एक छा।

यूहन्ना 15:2

हर एक डाली जु मि बट्टी च पर फल नि दींदी, त वे तैं तोड़ी डल्द अर जु फल्दी च, वेकी कटाई करदु कि हरेक फलो।

यूहन्ना 17:23

मि ऊंमा अर तु मि मा कि उ सिद्ध हवे की एक हवे जौं अर दुनिया जांणु कि तिल मि तैं भेजि छो, अर जन तिल मि बट्टी प्रेम रखि, उन ही ऊं बट्टी प्रेम रखयां।

यूहन्ना 14:20

जब मि ज्यूँदो हुलु तब तुम जणिल्या कि मि अपड़ा बुबा मा छौं अर तुम मि मा अर मि तुम मा रौंदु छौं।

गलातियों 5:6

जु तुम मसीह यीशु का चेला छा त ईं बात से कुछ फर्क नि पुड़दो कि तुम्हरो खतना हुयुं च या न, पर खास बात य च कि हम मसीह पर विश्वास करदां अर पिता परमेश्वर अर और लुखुं का प्रति प्रेम करदां।

मत्ती 12:33

“जु कुई डालो अच्छो च त वेका फल तैं भि अच्छो ही होलो इलै जु डालो तैं खराब बुलै गै त वेका फल तैं भि खराब बुलेलो किलैकि डालो फल बट्टी ही पैछांणे जांदु।”

मत्ती 24:35

आसमान अर धरती टळि जालि पर मेरी बोलि बात कभि भि नि टळदि।

1 कुरिन्थि 13:11

यु मनिख का विकास का जन च; जब मि एक छुटो नौंनो छो, त मि एक छुटा बच्चों का जन बात करदु छों, सुचद छो अर विचार करदु छों। पर जब मि बड़ो हवे ग्यों त मिल अपड़ा बचपना बंद कैरी करदींनि।

2 कुरिन्थि 5:19

मतलब कि पिता परमेश्वर सभि लुखुं कु एक इन रस्ता बनांणु च कि जु कुछ भि मसीह ल दुनिया मा हम कु कैरी वेका द्वारा परमेश्वर का दगड़ी मेल मिलाप कैर साका, अर लुखुं का पापों कु भंगार ऊं पर नि लगै अर पिता परमेश्वर ल शान्ति का बारा मा वेका शुभ संदेश तैं बांटणो कु काम हम तैं सौंपी द्ये।

2 कुरिन्थि 12:2

मि एक इन आदिम तैं जंणदु छो, जु मसीह पर विश्वास रखद, मसीह तैं चौदह साल पैली स्वर्ग मा उठै गै जख पिता परमेश्वर रौंद। मि नि जंणदु की उ अपड़ा देह मा छो, या भस आत्मा मा छो, यु भस पिता परमेश्वर ही जंणद।

फिलिप्पी 4:21

यीशु मसीह मा सभि पवित्र लुखुं तैं मेरू प्रणाम बोला, जु विश्वासी भैय मि दगड़ी छिन उ तुम सभियूं कु प्रणाम बुल्णा छिनी।

रोमियों 16:7

अन्द्रुनीकुस अर यूनियास तैं जु मेरा दगड़िया यहूदी छिनी, अर मि दगड़ी जेलखना मा कैद हवे छा, अर प्रेरित ऊं तैं अच्छा ढंग से जणदींनि, अर मि बट्टी पैली मसीह का चेला बंणि गै छा, मेरू प्रणाम।

रोमियों 16:11

मेरा कुटुम्बी हेरोदियोन तैं प्रणाम। नरकिस्सुस का परिवार तैं जु लोग मसीह पर विश्वास करदींनि, ऊं तैं प्रणाम।

रोमियों 16:3

प्रिस्किल्ला भुल्ली अर वीं का आदिम अक्विला तैं जु यीशु मा मेरू दगड़िया च, मेरू प्रणाम।

रोमियों 16:9

उरबानुस तैं, जु मसीह मा हमारो सहकर्मी च, अर मेरू प्रिय इस्तखुस तैं, प्रणाम।

रोमियों 16:10

अपिल्लेस तैं, परखे जांण का बाद भि जैको विश्वास मसीह मा सचो निकली, प्रणाम। अरिस्तुबुलुस का परिवार तैं, प्रणाम।

लूका 5:38

पर नई दाखरस नई चमड़ा कि थैलि मा भुरदिन।