2 कुरिन्थि 4:5 - गढवली नयो नियम

⁵ किलैकि हम अपड़ो न, पर मसीह यीशु कु प्रचार करदा, कि यीशु मसीह ही प्रभु च; अर हम यीशु का कारण ही तुम्हरा सेवक छा।

Garhwali

⁵ अर हम लोग अपणु परचार नि कना छां, बल्किन मा हम त यू परचार कना छां कि यीशु मसीह ही प्रभु च। अर हम भि वेकी आज्ञा को पालन कैरिके दीन बणयां, ताकि हम तुमरि सेवा कैरी सैका।

2 कुरिन्थि 4:5 Referans Kwoze

2 कुरिन्थि 1:24

यु न, कि हम विश्वास का बारा मा तुम पर प्रभुता जतांण चदयां; पर तुम्हरा आनन्द मा मददगार छा किलैकि तुम विश्वास बट्टी ही मजबूत हूंणा छा।

1 कुरिन्थि 1:23

पर हम त वे सूली पर चढ़यां मसीह कु प्रचार करदां, जु यहूदियों का बीच ठोकर कु कारण, अर अन्यजातियों का बीच मूर्खता च।

गलातियों 5:13

हे विश्वासी भयों, तुम तैं पिता परमेश्वर का द्वारा आजाद हूंणु कु बुलै गै छो अर इलै अब तुम तैं मूसा की व्यवस्था तैं मनणै की जरूरत नि च; पर यूं तैं अपड़ी पापमय शारीरिक इच्छाओं तैं पूरो कनु कु मौका नि बणा, बल्कि एक-दुसरा बट्टी प्रेम कैरा अर एक-दुसरा की सेवा कैरा।

फिलिप्पी 2:11

अर पिता परमेश्वर कि बड़ै कु सभि लोग अंगीकार कैरो कि यीशु मसीह ही प्रभु च।

फिलिप्पी 1:15

कुछ लोग त जलन रखि के अर कुछ झगड़ा कन वला लुखुं का बानौं, मसीह का बारा मा शुभ संदेश कु प्रचार अर कुछ त भली मनसा से यु काम तैं करदींनि।

2 पतरस 2:3

यु शिक्षक लालची होला, अर उ बनि-बणै मिसाल सुणै के तुम तैं धोखा दीला कि पैसा कमै साका। पिता परमेश्वर ल भौत बगत पैली ही फैसला कैरेले छो की उ ऊं तैं दण्ड दयालो अर उ यूं कनु कु तैयार च। उ निश्चित रूप मा ऊं तैं नाश कैरी दयालो।

तीतुस 1:11

यूं लुखुं तैं शिक्षा दींण की अनुमति नि दींण चयदींनि, किलैकि यु परिवारों का विश्वास तैं नाश कैरी दींदीनी, उ इन इलै करदींनि कि उ धन कमै साका।

2 तीमुथियुस 2:10

इलै मि ऊं लुखुं का फैदा कु, दुःख सौणु छो, जौं तैं पिता परमेश्वर ल चुणि, कि उ भि यीशु मसीह पर विश्वास कैरा अर उद्धार का द्वारा बचै जै सैका, अर वीं महिमा तैं पां जु हमेशा बंणि रौ।

1 कुरिन्थि 12:3

इलै मि तुम तैं चांदु छों कि तुम जणिल्या, कि जु कुई पिता परमेश्वर कि आत्मा कि अगुवाई बट्टी बुल्दो च, उ नि बुल्दो कि यीशु श्रापित च; पर पवित्र आत्मा ही च, अर पवित्र आत्मा का द्वारा ही उ बोलि सकद की “यीशु ही प्रभु च।”

1 कुरिन्थि 2:2

किलैकि मिल यु ठांणेलि छो, कि मि यीशु मसीह अर सूली पर वेकी मौत का अलावा कै भि और बात तैं नि जांणु।

खास चेलों 10:36

तुम तैं यु सन्देश पता च, जु पिता परमेश्वर ल हम कु मतलब इस्राएलियों तैं दीं च; वेल शान्ति का बारा मा शुभ सन्देश प्रचार सुणै जु लुखुं तैं यीशु मसीह पर विश्वास कना का द्वारा मिल सकदी च; उ सभि लुखुं कु प्रभु च।

खास चेलों 5:31

वे तैं ही पिता परमेश्वर ल प्रभु अर उद्धारकर्ता का रूप मा अपड़ा दैंणा हथ का तरपां सर्वश्रेष्ठ जगह मा ऊंचो कैरी कि उ इस्राएलियों तैं अपड़ा बुरी सोच विचार अर बट्टों बट्टी पिता परमेश्वर की तरपां मुड़ा अर वेका द्वारा अपड़ा पापों की माफी पां।

खास चेलों 2:36

इलै इस्राएलियों जांणि ल्या कि पिता परमेश्वर ल यु ही यीशु तैं जै तैं तुम ल सूली पर चड़ै प्रभु और मसीह द्वी वे ठैरे।”

यूहन्ना 7:18

जु अपड़ी तरपां बट्टी कुछ बोलु उ अपड़ी ही बड़ै चांद पर जु अपड़ा भिजण वला कि बड़ै चांद उ ही ईमानदार च अर वेमा बेमानी नि च।

मत्ती 23:8

पर तुम अफ तैं गुरु नि समझयां किलैकि तुमारो एक ही गुरु च अर तुम सभि विश्वासी भयों जन छा।

मत्ती 3:11

मि त तुम तैं पापों बट्टी पछतावा कैरी के मन फिरावा इलै मि तुम तैं पांणी ल बपतिस्मा दींदो अर यु प्रचार करदु छो, “कि मेरा बाद उ औंण वलो च, जु मि से भि जादा महान अर शक्तिशाली च मि त ये लैख भि नि छौं कि वेको दास बंणि के झुकि के वेका जुतों का तंणखा खोलु, मिल त तुम तैं पांणी ल बपतिस्मा दींनि पर उ तुम तैं पवित्र आत्मा ल अर आग ल बपतिस्मा दयालो।

2 कुरिन्थि 1:19

किलैकि पिता परमेश्वर कु नौंनो यीशु मसीह जैको हमारा द्वारा मतलब कि मेरा अर सिलवानुस अर तीमुथियुस का द्वारा तुम्हरा बीच मा प्रचार हवे; जु एक बगत मा हाँ अर बाद मा न नि छै।

1 कुरिन्थि 15:47

पैलो आदिम आदम छो, जु धरती मतलब की माटा ल बणयूँ छो मसीह जु कि दुसरो आदिम छो, स्वर्ग बट्टी ऐ।

1 कुरिन्थि 4:15

चाहे मसीह मा तुम्हरा मार्गदर्शन कनु कु हजारों अगुवा किलै नि हों, पर मि ही एक पिता का जन छों, किलैकि मि पैली आदिम छों, जु तुम मा शुभ सन्देश ले के औं, जैका द्वारा तुम ल मसीह यीशु पर विश्वास कैरी।