2 कुरिन्थि 2:17 - गढवली नयो नियम

¹⁷ किलैकि हम ऊं भौतों का समान नि छा, जु धन कमौण कु पिता परमेश्वर कु वचन कु प्रचार करदा; पर हम पिता परमेश्वर का वचन कु प्रचार सचै अर मसीह का अधिकार का दगड़ी करदा, यु जांणि के कि पिता परमेश्वर हम तैं दिखणु च।

Garhwali

¹⁷ अर हम ऊं ठगों की तरौं नि छां जु कि अपणा फैदा खुणि परचार को काम करदिन, पर हम त शुभ समाचार तैं बड़ी इमानदारी से सुणौन्द्‍यां, अर यीशु मसीह का द्‍वारा दियां अधिकार से परमेस्वर का वचन को परचार करद्‍यां। अर यू सब हम इन जाणि के करद्‍यां कि पिता परमेस्वर हमतै दिखणु च।

2 कुरिन्थि 2:17 Referans Kwoze

2 कुरिन्थि 4:2

पर हम ल शर्मनाक अर गुप्त कामों तैं छोड़ी येले, अर न चालाकी ल चलद्यां, अर न पिता परमेश्वर का वचन मा कुछ मिलावट करदा, पर हम पिता परमेश्वर का संमणी भस सच सिखौदियां, अर हर कुई आदिम गव्है दे सकद कि य बात सच च।

2 कुरिन्थि 1:12

किलैकि हम तैं गर्व च कि हमारो विवेक साफ च, कि दुनिया मा अर खास कैरी के तुम्हरा बीच हमारो चरित्र जु पिता परमेश्वर की तरपां बट्टी आंद इन पवित्रता अर सचै का दगड़ी च, हम ऊं विचारों का अनुसार नि ज्यूंदयां, जु ऊं लुखुं का द्वारा ज्ञानवान समझे जांद पर पिता परमेश्वर की कृपा का द्वारा छो।

दिब्य दरस 2:20

पर मि तैं तेरा बारा मा कुछ शिकैत च, कि तुम वीं जनन इजेबेल तैं झूठी शिक्षा फैलांण दींदयां। उ अपड़ा आप तैं पिता परमेश्वर का तरपां बट्टी बुल्ण वली बुल्द, पर अपड़ी शिक्षाओं बट्टी व मेरा लुखुं तैं व्यभिचार का पापों मा शामिल हूंण कु अर मूर्तियों तैं चढ़ै जांणवला बलिदान का खांणु कु भरमांदी।

यहूदा 1:4

मि तुम तैं लिखणु छो किलैकि कुछ ईश्वररहित लोग जु गलत सिद्धांत सिखौंदींनि, उ हमारी जानकारी का बगैर हमारा बीच मा छिपी के ऐ गैनी। यु उ लोग छिनी जौका बारा मा पिता परमेश्वर ल कई पीढ़ियों पैली अपड़ा वचन मा बोलि छो, कि उ ऊं तैं दण्ड दयालो। उ पिता परमेश्वर की दया का बारा मा हमारा संदेश तैं बिगड़दींनि, कि यौन सम्बन्धी दुष्ट बरतौ कनु को बहाना बणै साका। उ हमारा एकमात्र स्वामी अर प्रभु यीशु मसीह तैं भि अस्वीकार करदींनि।

तीतुस 1:11

यूं लुखुं तैं शिक्षा दींण की अनुमति नि दींण चयदींनि, किलैकि यु परिवारों का विश्वास तैं नाश कैरी दींदीनी, उ इन इलै करदींनि कि उ धन कमै साका।

1 कुरिन्थि 5:8

इलै मि बुल्दो कि, हम तैं हमेशा पिता परमेश्वर का पवित्र लुखुं का जन बरतौ कन चयणु च; हम तैं बुरा ढंग ल अपड़ो जीवन नि जींण चयणु च, जन कि हम ल मसीह पर विश्वास कन से पैली कैरी छो, यांका बजाय, हम तैं पिता परमेश्वर की आज्ञाओं तैं मनण चयणु च अर हमेशा ईमानदार अर सचो हूंण चयणु च।

मत्ती 24:24

किलैकि झूठा मसीह अर परमेश्वर कु संदेश दींणवला झूठा लोग आला अर चिन्ह अर शैतान का झूठा चमत्कार दिखाला कि हवे साको त परमेश्वर का चुणयां लुखुं तैं भि भरमै द्याला।

1 यूहन्ना 4:1

हे प्रियों, हरेक जु पिता परमेश्वर की पवित्र आत्मा बट्टी बुल्णो को दावा करदींनि; ऊंमा बट्टी हरेक पर विश्वास नि करयां, पर आत्माओं तैं परखा, कि उ आत्मा पिता परमेश्वर की तरपां बट्टी च कि न; किलैकि भौत सारा झूठा संदेश दींणवला छिनी जु बुल्दींनि की हम पिता परमेश्वर कि तरपां बट्टी बुल्दियां दुनिया मा ऐ गैनी।

खास चेलों 20:20

मि जु-जु बात तुम्हरा फैदा की छै तुम तैं बतांण मा, अर लुखुं का संमणी अर घौर-घौर सिखांण मा कभि भि नि झिजक्यूं।

दिब्य दरस 19:20

अर उ दुसरो जानवर अर वेका दगड़ी उ झूठो संदेश दींण वलो जु अफ तैं पिता परमेश्वर का तरपां बट्टी बुल्ण वलो बुल्द पकड़ै गै, वेल जानवर का तरपां बट्टी झूठा चमत्कार दिखै अर ऊं सभि लुखुं तैं भरमै, जौनु जानवर की छाप अपड़ा कपाल पर लगै छै अर जु वेकी मूर्ति की आराधना करदा छा, यु द्वी ज्यूंदा ही वीं आग की झील मा, जु गन्धक ल जल्दींनि डलै गैनी।

दिब्य दरस 12:9

यु बड़ो अजगर, उ ही च जु भौत बगत पैली गुरो का रूप मा दिखै छो, जै तैं शैतान या भंगार लगांण वलो भि बुल्दींनि। यु उ ही च जु ईं दुनिया का लुखुं तैं धोखा दींद अर अपड़ा दुष्टदूतों का दगड़ी धरती पर पटकी गै।

खास चेलों 20:27

किलैकि मेरू तुम तैं उ सब कुछ बतयूं च जु परमेश्वर चांदु च कि तुम जांणा छा कि मेरू तुम बट्टी कुछ भि नि छुपयूं च।

इब्रानी 11:27

विश्वास बट्टी ही राजा का गुस्सा बट्टी नि डैरी के वेल मिस्र देश तैं छुड़ण मा इस्राएली लुखुं की अगवै कैरी, किलैकि उ समझी गै छो कि यु मांणा इन च जन वेल पिता परमेश्वर तैं देखि, जु अदृश च।

2 कुरिन्थि 1:18

पिता परमेश्वर पर विश्वास किये जै सकद अर इलै तुम हम पर भि विश्वास कैरी सकदा, जबकि हम तुम मा आंणो कु वादा कना छा।

2 कुरिन्थि 6:7

सत्य का वचन मा, पिता परमेश्वर की सामर्थ मा। हम दैंणा हथ मा धार्मिकता का हथियारों तैं हमला कनु कु अर बैं हथ मा रक्षा कनु कु इस्तेमाल करदा।

2 कुरिन्थि 11:11

मिल तुम्हरा रूपया किलै नि लींनि? क्य मिल इन इलै कैरी किलैकि मि तुम बट्टी प्रेम नि करदु? पिता परमेश्वर जंणदु च कि मि तुम बट्टी प्रेम करदु छो।

2 कुरिन्थि 12:19

तुम अभि तक समझणा होला कि हम तुम्हरा संमणी जवाब दींण होला, पर हम पिता परमेश्वर की मौजूदगी मा मसीह का द्वारा हमेशा सचै दगड़ी बात करदा, अर हे प्रियों, यु सभि बात तुम तैं विश्वास मा मजबूत कनु कु बुल्णा छा।

गलातियों 1:6

मि तैं ईं बात बट्टी हैरानी हूंदू, कि पिता परमेश्वर ल तुम तैं मसीह की दया मा रौंणु कु बुलै, अर वे पिता परमेश्वर तैं छोड़ी के तुम ल नया ही शुभ सन्देश पर विश्वास कन शुरू कैरेले।

1 थिस्सलुनीकी 2:4

पिता परमेश्वर ल हम तैं योग्य समझी के शुभ सन्देश द्ये। इलै हम मनिख्युं कु न, बल्कि हमारा दिल तैं परखणवला पिता परमेश्वर तैं खुश कनु कु उपदेश दींदयां।

1 पतरस 4:11

उदाहरण कु, जु तुम मा प्रचार कनु को वरदान च, त तुम तैं पिता परमेश्वर का संदेशों तैं प्रचार कन चयणु च, जु तुम मा दुसरा लुखुं की मदद कनु को वरदान च, त यु वे सामर्थ का दगड़ी कैरा जु पिता परमेश्वर तुम तैं दींद। त फिर जु कुछ भि तुम करला उ यीशु मसीह का द्वारा पिता परमेश्वर तैं महिमा दयालो। सैरी महिमा अर सामर्थ हमेशा-हमेशा कु पिता परमेश्वर की ही हो! आमीन।