2 कुरिन्थि 13:11 - गढवली नयो नियम

¹¹ हे विश्वासी भयों, खुश रावा; सिद्ध बणदी जावा; मेरी सलाह सूंणा; एक ही मन रावा; मेल से रावा, अर प्रेम अर शान्ति कु दाता पिता परमेश्वर तुम दगड़ी होलो।

Garhwali

¹¹ हे मेरा भै-बैंणो, अब मि आखिरी मा तुमकु इन बोन्‍न चान्दु कि तुम खुश रा, अर अपणा-अपणा चाल-चलन मा हरेक दिन सुधार ला, अर जु-जु काम करणु कू मिन तुमकु बोलि ऊंतैं पूरु कैरा। अर एक-दुसरे की बात तैं स्वीकार कैरा अर एकजुट ह्‍वेके रा, अर एक-दुसरा का दगड़ा मा शान्ति से रा। अर पिता परमेस्वर तुमतै एक-दुसरा का दगड़ा प्यार करण मा, अर शान्ति से जीवन जीण मा पूरि मदद करलु।

2 कुरिन्थि 13:11 Referans Kwoze

इब्रानी 12:14

सभियूं बट्टी मेल मिलाप रखा, अर पवित्र हूंणु कु हर ढंग से कोशिश कैरा जैका बगैर कुई भि प्रभु तैं कभी भि नि देख सकलो।

1 कुरिन्थि 1:10

हे मेरा विश्वासी भयों, मि तुम बट्टी हमारा प्रभु यीशु मसीह का नौं बट्टी बिनती कनु छौं, कि तुम सब तैं एक दुसरा दगड़ी सहमत हूंण चयणु च, कि तुम मा फूट नि हो, पर एक ही मन हवे के एक दुसरा दगड़ी मेल-मिलाप कैरी के रा।

रोमियों 12:16

एक दुसरा कु उथग ही ध्यान रखा जथग अपड़ो रखद्यां; घमण्ड नि कैरा पर सीधा लुखुं का दगड़ा मा संगति रखा; अर अपड़ी नजर मा बुद्धिमान नि हो।

रोमियों 15:33

मि प्रार्थना करदु, कि पिता परमेश्वर जु शान्ति दींद, तुम सभियूं का दगड़ा मा हो। आमीन।

रोमियों 12:18

जख तक हवे साको, तुम पूरी कोशिश ल सभि मनिख्युं का दगड़ी मेल-मिलाप रखा।

मरकुस 9:50

लूंण त खूब च पर जु वेको स्वाद बितड़ि जौं त वे तैं क्य ल ल्युणणो करिल्या? अफ मा लूंण जन गुण रखा अर आपस मा मेल मिलाप से रावा।

1 पतरस 3:11

वे तैं निश्चय ही उ कन बंद कैरी दींण चयणु च जु बुरो च। यांका बदला, वे तैं उ ही कन चयणु च जु अच्छो च। दूसरों का दगड़ी शान्ति से रौंणो की कोशिश कैरा।

2 कुरिन्थि 13:14

प्रभु यीशु मसीह की कृपा अर पिता परमेश्वर कु प्रेम अर पवित्र आत्मा की सहभागिता तुम सभियूं का दगड़ी हूंदी रौ।

2 कुरिन्थि 13:9

जब हम कमजोर छा, अर तुम विश्वास मा तागतबर छा, त हम खुश हूंदियां, अर य प्रार्थना भि करदा, कि तुम विश्वास मा सिद्ध हवे जावा।

1 पतरस 5:10

पिता परमेश्वर जु पूरा ढंग से कृपा करद च, वेल हम तैं मसीह यीशु का दगड़ी कठा कना का कारण स्वर्ग मा पिता परमेश्वर की अनन्त महिमा मा सहभागी हूंणु कु हम तैं चुणि। तुम्हरा थोड़ा बगत कु दुःख सौणा का बाद, पिता परमेश्वर तुम तैं अच्छो बणै दयालो कि तुम मा फिर कुई भंगार नि रौ अर उ तुम्हरा दिलों तैं मजबूत करलो अर वे पर तुम्हरा विश्वास तैं हकीकत मा मजबूत बणै दयालो।

1 पतरस 3:8

अंत मा, मि तुम बट्टी बुल्णु छो, कि तुम विश्वासी बंणि के आपस मा एकजुट रवा, अर एक-दुसरा की चिन्ता किया कैरा, अर एक ही परिवार का सदस्यों का जन प्रेम कैरा, दूसरों पर दया कैरा, एक दुसरा का दगड़ी नम्र बणा।

याकूब 1:4

अर अपड़ी अजमैश का बगत यीशु पर अपड़ो विश्वास तैं बणै रखा, कि तुम आत्मिक ढंग बट्टी मजबूत अर पूर्ण अर तुम मा कै भि बात की कमी नि रौ।

2 थिस्सलुनीकी 2:16

हम अफी हमारा प्रभु यीशु मसीह बट्टी अर हमारा पिता परमेश्वर बट्टी प्रार्थना करदा जु हम बट्टी प्रेम करदींनि अर जैल अपड़ी दया बट्टी हम तैं अनन्त प्रोत्साहन अर मजबूत आस द्ये।

1 थिस्सलुनीकी 4:1

हे विश्वासी भयों, हम तुम बट्टी बिनती कना छा अर तुम तैं प्रभु यीशु मा समझौंणा छा कि जन तुम ल हम बट्टी प्रभु का लैख जीवन बसर कन सीखी अर पिता परमेश्वर तैं खुश कन सीखी अर जन तुम ज्यूंदा भि छा, अर हम तुम तैं इन कनु कु और भि प्रोत्साहित करदां।

फिलिप्पी 4:9

जु तुम ल मि बट्टी सिखिनि, ऊं बातों तैं जु तुम ल मि बट्टी पैनी, अर ऊं उदाहरण तैं जु मिल अपड़ी बातचित अर कामों मा तुम्हरा संमणी रखिनि, तुम तैं ऊं पाठों कु अभ्यास करदी रौंण चयणु च। तब शान्ति कु स्रोत पिता परमेश्वर तुम दगड़ी हमेशा रौलो।

फिलिप्पी 1:27

भस इथग कैरा कि तुमारो चाल-चलन यीशु मसीह का शुभ सन्देश का लैख हो तब चै मि तुम तैं ऐ के देखु, या फिर नि भि औं, पर तुमारा बारा मा इन ही सूंणु कि तुम एक ही मन छा, अर एक ही मनसा रखि के शुभ संदेश का विश्वास कु सदनी मेहनत करदां।

रोमियों 16:20

शान्ति कु पिता परमेश्वर शैतान की शक्तियों तैं नाश कैरी कै वे तैं तुम्हरा अधीन कैरी दयालो। हमारा प्रभु यीशु मसीह की कृपा तुम पर हूंणी रौ।

रोमियों 15:13

मि प्रार्थना करदु, कि पिता परमेश्वर जु आस दींण वलो च, तुम तैं विश्वास कन मा पूरा ढंग से खुशी अर शान्ति बट्टी भोरि द्यो, कि पवित्र आत्मा की सामर्थ बट्टी तुम्हरी आस बढ़दी जौं।

दिब्य दरस 22:21

मि प्रार्थना करदु कि प्रभु यीशु पिता परमेश्वर का लुखुं पर कृपा कैरो। आमीन।

इब्रानी 13:20

अर अब, शान्ति दींणवलों पिता परमेश्वर, जु हमारा प्रभु यीशु तैं मुर्दों मा बट्टी फिर ज्यूँदो कैरी के ले ऐ, तुम तैं ऊं सभि चीजों बट्टी पूरो कैरो ज्यांकी तुम तैं वेकी इच्छा पूरी कनै की जरूरत च; यीशु मसीह का ल्वे का सामर्थ का द्वारा उ तुम मा उ सभि पैदा कैरो जु वे तैं खुश करदो; यीशु हमेशा की वाचा का द्वारा ढिबरों कु एक महान चरवाहा बंणि गै, जैका द्वारा हमेशा की नई प्रतिज्ञा पर मोहर लगै जांद; वेकी महिमा हमेशा-हमेशा तक हूंदी रौ। आमीन।

2 तीमुथियुस 2:22

इलै, ऊं पापी इच्छाओं बट्टी बच जु जवान लुखुं तैं आकर्षित करदींनि, अर जु लोग शुद्ध मन से प्रभु को नौं लिंदिनि ऊं दगड़ी धार्मिकता विश्वास प्रेम अर शान्ति अर मेल मिलाप को पीछा कैर।

2 थिस्सलुनीकी 3:16

मि प्रार्थना करदु कि प्रभु, जु शान्ति कु स्रोत च उ अफी तुम तैं सदनी हरेक ढंग से शान्ति द्यो; प्रभु तुम सभियूं का दगड़ा मा हमेशा रौ।

1 थिस्सलुनीकी 5:23

अर तुम्हरी आत्मा, प्राण, अर देह तैं अपड़ा प्रभु यीशु मसीह का फिर वापिस आंण का दिन तक पूरा ढंग से निर्दोष अर बचै के रखा; शान्ति दींण वलो पिता परमेश्वर अफी तुम तैं पूरा ढंग से पवित्र कैरो।

1 थिस्सलुनीकी 5:16

सदनी खुश रावा।

1 थिस्सलुनीकी 5:13

जु कुछ उ तुम दगड़ी करदींनि, यु कारण ऊंको भौत आदर कैरा और ऊं तैं भौत प्रेम कैरा, तुम सब एक हैंका दगड़ी मेल से रावा।

1 थिस्सलुनीकी 4:18

इलै यूं बातों बट्टी एक हैंका तैं तसल्ली दिया कैरा।

फिलिप्पी 4:4

प्रभु मा सदनी खुश रावा; मि फिर बुल्णु छौं कि खुश रावा।

फिलिप्पी 4:2

मि यूओदिया अर सुन्तुखे द्वी बैंणों बट्टी बिनती करदु, कि उ प्रभु मा एक मन रौनु।

फिलिप्पी 3:16

इलै हम तैं सचै ल जींण चयणु च जै तैं पिता परमेश्वर ल हम पर प्रगट कैरी।

इफिसुस 6:23

मि हमारा पिता परमेश्वर बट्टी अर प्रभु यीशु मसीह बट्टी प्रार्थना करदु कि उ तुम विश्वासियों तैं शान्ति द्यां, उ इन कैरा कि तुम एक दुसरा बट्टी प्रेम कैरा अर मसीह पर हमेशा विश्वास करदी रावा।

2 कुरिन्थि 1:4

पिता परमेश्वर हमारी सब मुसिबतों मा हम तैं तसल्ली दींद; कि हम वे तसल्ली का कारण जु पिता परमेश्वर हम तैं दींद, ऊं तैं भि तसल्ली दे साक, जु हर ढंग की मुसिबत मा पुड़यां हूंनु।

खास चेलों 23:30

अर अब मि तैं बतैये गै, कि उ यु आदिम तैं मरण चांणा छिनी, इलै मिल वे तुरंत त्वे मा भेजि दींनि, अर उन यहूदियों तैं जौला वे पर भंगार लग्युं च आज्ञा दींनि, कि तेरु संमणी वे पर भंगार लगौनु।

खास चेलों 18:21

पर इन बोलि के ऊं बट्टी विदा हवे “कि जु परमेश्वर चालो त मि तुम मा फिर से औलु।” तब इफिसुस शहर बट्टी जहाज खोलि के चलि गै;

खास चेलों 15:29

कि तुम वे मांस तैं नि खये जै तैं लुखुं ल मूर्तियों तैं बलिदान चढ़ायूं च अर ल्वे बट्टी अर गोला घुटयां वलो का मांस बट्टी अर व्यभिचार बट्टी दूर रावा। यूं बट्टी दूर रावा त तुम्हरो भलो होलो अगनैं बधै।”

यूहन्ना 17:23

मि ऊंमा अर तु मि मा कि उ सिद्ध हवे की एक हवे जौं अर दुनिया जांणु कि तिल मि तैं भेजि छो, अर जन तिल मि बट्टी प्रेम रखि, उन ही ऊं बट्टी प्रेम रखयां।

लूका 9:61

एक हैंका ल भि बोलि, हे प्रभु मि तेरा पिछनैं औलु पर पैली मि तैं जांण दे कि अपड़ा घौर का लुखुं से विदा ल्यो।

मरकुस 10:49

जब यीशु ल वे कि आवाज तैं सूंणि त रुकि के अमणी-संमणी का लुखुं तैं बोलि, “वे तैं मि मा ल” अर लोग वे अंधा तैं वे मा लैनि अर वेकु बोलि, “ढाडस बांध उठ उ त्वे तैं बुलांणु च।”

मत्ती 5:48

इलै तुम तैं ऊं बट्टी प्रेम कन चयणु च जु तुम बट्टी प्रेम नि करदा अर इन के तुम सिद्ध बंणि के जन तुमारो स्वर्गीय बुबा जु स्वर्ग मा च अर सिद्ध च बणा।”

मत्ती 1:23

देखा, “कि एक अणबिवाक गर्भवती होलि व एक नौंना तैं जन्म दयाली अर वेको नौं इम्मानुएल रखे जालो जै को मतलब च कि परमेश्वर हमारा दगड़ी च।”

इफिसुस 4:3

यु काम मा अपड़ा सभियूं कु अच्छो कनै की कोशिश कैरा, कि तुम हमेशा मेल मिलाप मा बंणयां रावा, किलैकि तुम परमेश्वर कि आत्मा का द्वारा एक किये ग्यां छा।

रोमियों 14:19

इलै हम ऊं बातों की कोशिश नि कैरा, जु लुखुं तैं शान्ति का दगड़ी रौंणो कु कारण बंणौंदींनि अर एक दुसरो कु विश्वास मजबूत कन मा मदद कैरा।

इफिसुस 4:12

वेल लुखुं तैं यु योग्यता इलै दींनि, कि उ पिता परमेश्वर का लुखुं तैं वे कु काम कनु कु तैयार कैरी अर मसीह का देह की रूप मा मजबूत अर पक्का हूंदा जावा।

1 थिस्सलुनीकी 3:10

हम लगातार भौत प्रार्थना करदी रौंदा, कि तुम दगड़ी हम फिर से मिल सका अर जु तुम कु जरूरी च उ तुम तैं सिखै साका, कि तुम पूरा ढंग से प्रभु यीशु पर विश्वास कैरी साका।

2 थिस्सलुनीकी 3:1

आखिर मा, हे विश्वासी भयों, हम कु प्रार्थना कना रावा, कि हम जल्द ही हर जगह मा प्रभु यीशु मसीह का बारा मा संदेश तैं फैला सैका अर लोग यु पर उन ही विश्वास कैरा जन तुम ल कैरी छो।