2 कुरिन्थि 11:9 - गढवली नयो नियम

⁹ अर जब तुम्हरा दगड़ी छो, अर मि तैं धन की कमी छै, त मिल कै पर भि बोझ नि डाली, किलैकि विश्वासी भयों ल, मकिदुनिया प्रान्त बट्टी ऐ के मेरी घटि तैं पूरो कैरी; अर मिल हर बात मा अपड़ा आप तैं कै भि ढंग ल तुम कु मुसिबत बनण ल बचु, अर मि भविष्य मा भि तुम पर बोझ नि बणलु।

Garhwali

⁹ अर जब मि तुमरा बीच मा छौ त वे बगत मितैं भौत चीजों की जरुरत छै, मगर मिन तुम लोगु तैं जरा भि परेसान नि कैरी। अर जब मकिदुनिया मुलक बटि कुछ बिस्वासी लोग ऐनी, त वे बगत ऊंन मेरी जरुरतों तैं पूरु कैरी। अर वे बगत मिन पूरि कोसिस कैरी कि मि तुम पर बोझ नि बणु अर अगनै भि मेरी इन्‍नि कोसिस राली कि मि तुम पर बोझ नि बणु।

2 कुरिन्थि 11:9 Referans Kwoze

1 थिस्सलुनीकी 2:9

हे विश्वासी भयों, तुम हमारी मेहनत अर हमारी मुसिबतों तैं याद रखद्यां, कि हम ल रात दिन कामकाज कैरी कै तुम्हरा बीच मा पिता परमेश्वर कु शुभ सन्देश प्रचार कैरी, कि तुम तैं हमारी जरूरतों कु ध्यान नि रखण पोडो।

1 थिस्सलुनीकी 2:6

हम मनिख्युं बट्टी आदर नि चदयां, अर न तुम बट्टी, न और कै हैंका बट्टी अर जबकि मसीह का प्रेरित हूंण का कारण हमारो तुम बट्टी मदद पांण अधिकार छो।

इब्रानी 11:37

ऊंमा बट्टी कुछ विश्वासियों तैं ढुगलयो कैरी के मरै गै; अर कुछों तैं द्वी हिस्सों मा कटे गै, ऊं तैं तलवार ल मौत का घाट उतारे गै। उ गरीब छा, ऊं तैं सतै गै अर ऊं दगड़ी बुरो बरतौ किये गै; उ ढिबरो-बखरों की खालो तैं ओढ़ी के इने-उनै भटकदी रैनी।

फिलिप्पी 2:25

मिल इपफ्रुदीतुस तैं तुम मा भिजण जरूरी समझी। उ मेरू भैय, अर ऊं शुभ संदेश कु विरोध कन वला लुखुं का विरुद्ध मा मि दगड़ी एक योद्धा का जन खड़ो छो जु तुम्हरो संदेश मि तैं पौछांण वलो एक प्रेरित च, अर जरूरी बातों मा मेरी सेवा कन वलो च

2 कुरिन्थि 9:12

किलैकि यु सेवा तैं पूरो कन से, न भस पवित्र लुखुं की कमी पूरी हूंदी, पर लुखुं कि तरपां बट्टी पिता परमेश्वर कु भि भौत धन्यवाद हूंद।

2 कुरिन्थि 6:4

पर हर बात मा हम यु साबित करदा, कि हम पिता परमेश्वर का सच्चा सेवक छा; धैर्य ल क्लेशों, दरिद्रता अर संकट तैं सै के,

खास चेलों 20:33

मिल कैका सोना चांदी या कपड़ोंं को लोभ नि कैरी।

खास चेलों 18:3

पौलुस ऊं बट्टी मिलणै गै उ वे जन ही तम्बु बनांण वला छा पौलुस ल वेका दगड़ी रै के काम कैरी; इलै उ ऊंका दगड़ा मा रै।

खास चेलों 18:5

जब सिलास अर तीमुथियुस मकिदुनिया प्रान्त बट्टी एनि, तब वेल तम्बू बनांण बंद कैरी दींनि अर अपड़ो सैरो बगत परमेश्वर का वचन सुनांण मा लगै दींनि। अर पौलुस यहूदियों तैं गव्है दींद छो कि यीशु ही मसीह च।

रोमियों 15:26

किलैकि मकिदुनिया प्रान्त अर अखाया प्रान्त का लुखुं तैं इन कन एक अच्छी बात लगि, कि जु यरूशलेम शहर मा पिता परमेश्वर का लोग जु गरीब छिनी ऊंकु कुछ दान द्या।

1 कुरिन्थि 16:17

अर मि स्तिफनुस अर फूरतूनातुस अर अखइकुस का औंण से खुश छों, किलैकि उ मेरी मदद कना छिनी, जु तुम नि कैरी सकणा छा।