2 कुरिन्थि 10:18 - गढवली नयो नियम

¹⁸ किलैकि जु अपड़ी बड़ै करद, उ न, पर जै की बड़ै प्रभु करद, उ पिता परमेश्वर का द्वारा सचो कैरी के स्वीकार किये जालो।

Garhwali

¹⁸ किलैकि जु कुई अपणी तारीफ खुद करदु वेतैं स्वीकार नि किये जान्दु, मगर जैकी बडै प्रभु कि तरफा बटि किये जान्दी वेकी बात स्वीकार किये जान्दी।

2 कुरिन्थि 10:18 Referans Kwoze

लूका 16:15

यीशु ल वेमा बोलि, “तुम त लुखुं का संमणी अफ तैं धर्मी दिखण पसंद करदयां पर परमेश्वर तुमारा मन तैं जंणदु च किलैकि ज्वा चीज मनिख्युं कि नजर मा महान च उ परमेश्वर का नजीक तुच्छ च।”

1 कुरिन्थि 4:5

इलै प्रभु का वापिस आंण तक कै तैं भि नि परखा, उ पूरा ढंग से ऊं सभि विचारों तैं बतालो जु लोग सुचदींनि, ज्यांका बार मा कुई भि नि जंणद, त अंधेरा मा छिपी बातों तैं उज्यला मा दिखालो, अर मांणा के उद्देश्यों तैं प्रगट करलो, तब पिता परमेश्वर का तरपां बट्टी हर एक की प्रशंसा होली।

रोमियों 2:29

एक सचो यहूदी उ च, जैको मन पिता परमेश्वर का दगड़ी जुड़यूं च, अर सचो खतना भस मूसा कि व्यवस्था कु पालन कन ही नि च; बल्कि यु मन कु बदलाव च, जु परमेश्वर कि आत्मा का द्वारा ही पैदा हूंद। इन मनिख लुखुं बट्टी न, बल्कि परमेश्वर बट्टी बड़ै पांदो।

2 कुरिन्थि 10:12

किलैकि हम तैं य हिम्मत नि च कि हम अपड़ा आप तैं ऊं दगड़ी गिंणा, या ऊं बट्टी अफ तैं मिलां, जु अपड़ी बढ़ै करदींनि, अर अपड़ा आप तैं आपस मा नाप तोली के एक दुसरा बट्टी तुलना कैरी के अपड़ा आप तैं मूर्ख ठैरौदींनि।

यूहन्ना 12:43

मनिख्युं कि प्रशंसा वेकी परमेश्वर की प्रशंसा बट्टी जादा प्रिय लगदि छै।

1 पतरस 1:7

यूं मुसिबतों कु उद्देश्य यु दिखांण च कि क्य तुम सच मा पिता परमेश्वर पर विश्वास करदा छा। यीशु मसीह मा तुम्हरो विश्वास सोना बट्टी भि जादा कीमती च। जन नाश हूंण वला सोना तैं आग मा परखै जांद अर शुद्ध किये जांद, उन ही तुम जु तुम्हरो विश्वास आग की अजमैशों का द्वारा परखै जांणा का बाद भि मजबूत रांदो, त यु वे दिन तुम तैं भौत प्रशंसा अर महिमा अर सम्मान दिलालो जब यीशु मसीह फिर से आलो।

2 कुरिन्थि 13:7

अर हम अपड़ा पिता परमेश्वर बट्टी प्रार्थना करदा, कि तुम कुई बुरै नि कैरा; हम या प्रार्थना करदा, यु दिखांणु कु न कि तुम्हरा बीच मा हमारी सेवकाई सफल रौ, बल्कि इलै कि हम चांदा छा कि तुम ठिक काम कैरा चाहे हम खुद असफल ही हवे जां।

2 कुरिन्थि 6:4

पर हर बात मा हम यु साबित करदा, कि हम पिता परमेश्वर का सच्चा सेवक छा; धैर्य ल क्लेशों, दरिद्रता अर संकट तैं सै के,

रोमियों 14:18

जु कुई यु ढंग से मसीह की सेवा करद, उ पिता परमेश्वर तैं खुश करद अर लोग भि वेका बारा मा अच्छो बुल्दींनि।

2 तीमुथियुस 2:15

तु जथग जादा मेहनत कैरी सकदी उथग कैर, कि पिता परमेश्वर त्वे तैं एक इन सेवक का रूप मा पूरा ढंग ल स्वीकार कैर, जु अपड़ा कामों का कारण शर्मिंदा नि हूंद, अर जु सच्चा संदेश तैं ठिक ढंग से सिखांद।

2 कुरिन्थि 5:12

हम फिर भि अपड़ी बड़ै तुम्हरा संमणी नि करदा पर हम अपड़ा बारा मा तुम तैं घमण्ड कनु कु मौका दींदयां, कि तुम ऊं तैं जवाब दे साका, जु मन मा न, पर भैरा का दिखावा पर घमण्ड करदींनि।

2 कुरिन्थि 3:1

क्य हम दुबरा अपड़ी बढ़ै कना रां? या कुछ अन्य आदमियों का जन सिफारिश की चिठ्ठी तुम मा लांण या तुम मा बट्टी लींण चयणी च? बिल्कुल भि न।

1 कुरिन्थि 11:19

हाँ, यु सच च कि तुम्हरा बीच बंटवरो हूंण जरूरी च कि उ, जु पिता परमेश्वर द्वारा चुणयां छिनी, उज्यला मा ऐ जां।

रोमियों 16:10

अपिल्लेस तैं, परखे जांण का बाद भि जैको विश्वास मसीह मा सचो निकली, प्रणाम। अरिस्तुबुलुस का परिवार तैं, प्रणाम।

खास चेलों 2:22

“हे इस्राएलियों यु बातों तैं कि नासरत वासी यीशु एक मनिख छो जु परमेश्वर की तरपां बट्टी हूंणु का प्रमाण ऊं सामर्थ का कामों अर चमत्कार का काम अर चिन्हों बट्टी प्रगट च, जु परमेश्वर ल तुमारा बीच वेका द्वारा कैरी के दिखै जै तैं तुम अफ ही जंणदा छा।