2 कुरिन्थि 1:13 - गढवली नयो नियम

^13-14 हम तुम कु भस उ ही लिखदयां जै तैं तुम पढ़ी अर समझी सकदियां। अर मि तैं आस च कि अन्त तक भि मणदी रैला। जबकि अब तुम हम तैं पूरा ढंग से नि समझदींनि, मि तैं आस च कि तुम हम तैं पूरा ढंग से समझी सकला, कि हमारा प्रभु यीशु का दुबरा आंण पर तुम हम पर उन ही गर्व करला जन हम तुम पर गर्व करदां।

Garhwali

¹³ अर जु चिठ्‍ठी मिन तुम खुणि लिखिनी ऊंमा मिन साफ-साफ लिखी, ताकि जब तुम ऊंतैं पैढा त तुम मेरी बात तैं आसानी से समझि सैका।

2 कुरिन्थि 1:13 Referans Kwoze

2 कुरिन्थि 4:2

पर हम ल शर्मनाक अर गुप्त कामों तैं छोड़ी येले, अर न चालाकी ल चलद्यां, अर न पिता परमेश्वर का वचन मा कुछ मिलावट करदा, पर हम पिता परमेश्वर का संमणी भस सच सिखौदियां, अर हर कुई आदिम गव्है दे सकद कि य बात सच च।

फिलेमोन 1:6

मि प्रार्थना करदु की विश्वासियों का दगड़ा मा तेरी जु प्रार्थना की संगति च, व बढ़दी जौं, तेरु उ सभि अच्छी चीजों तैं जनण का द्वारा जु पिता परमेश्वर ल हम तैं दीं च। यु सभि मसीह की बड़ै कु हो।

2 कुरिन्थि 13:6

पर मेरी आस च, कि तुम जांणि ल्या, हम निकम्मा नि छा।

2 कुरिन्थि 5:11

इलै प्रभु की डौर मांणी के हम सत्य पर विश्वास कनु कु लुखुं बट्टी बिनती करदा अर पिता परमेश्वर हम तैं पूरा ढंग से जंणदु च; अर मेरी आस य च, कि तुम्हरो विवेक हम तैं अच्छा ढंग से जंणदु च।

खास चेलों 27:39

अर जब सुबेर हवे त तब उ वीं जगह तैं नि पछयांणी सकिनि पर ऊं तैं एक खाड़ी दिखै जैको बल्लो वलो तट छो, अर ऊंल तय कैरी कि जु हवे साको त जहाज तैं यु ही छाला खड़ो कैरी दींदयां।

1 कुरिन्थि 1:8

पिता परमेश्वर तुम तैं अंत तक विश्वास मा मजबूत करलो, कि तुम हमारा प्रभु यीशु मसीह का वापिस लौटणा का दिनों तक निर्दोष ठैरा।