2 कुरिन्थि 1:12 - गढवली नयो नियम

¹² किलैकि हम तैं गर्व च कि हमारो विवेक साफ च, कि दुनिया मा अर खास कैरी के तुम्हरा बीच हमारो चरित्र जु पिता परमेश्वर की तरपां बट्टी आंद इन पवित्रता अर सचै का दगड़ी च, हम ऊं विचारों का अनुसार नि ज्यूंदयां, जु ऊं लुखुं का द्वारा ज्ञानवान समझे जांद पर पिता परमेश्वर की कृपा का द्वारा छो।

Garhwali

¹² अर हमतै ईं बात पर गर्व च अर हमरु जमीर भि ईं बात की गवै देन्दु, कि ईं दुनियां मा खास कैरिके तुमरा बीच मा हमरु सभौ पिता परमेस्वर का लैख पवित्र अर सच्‍चु छौ। अर यू सब हमुन ईं दुनियां से मिलण वळा ज्ञान का मुताबिक नि कैरी, बल्किन मा पिता परमेस्वर की किरपा पर भरोसा रखी के कैरी।

2 कुरिन्थि 1:12 Referans Kwoze

1 कुरिन्थि 2:13

अर इलै हम यूं बातों तैं दुसरा लुखुं तैं बतौंदयां, त हम यूं शब्दों कु इस्तेमाल नि करदा, जु मनिख्युं का ज्ञान से मिल्दा, पर हम ऊं शब्दों कु इस्तेमाल करदा जु पिता परमेश्वर की आत्मा का द्वारा मिल्दा, जु आत्मिक ज्ञान का द्वारा आत्मिक बातों तैं समझद।

2 कुरिन्थि 2:17

किलैकि हम ऊं भौतों का समान नि छा, जु धन कमौण कु पिता परमेश्वर कु वचन कु प्रचार करदा; पर हम पिता परमेश्वर का वचन कु प्रचार सचै अर मसीह का अधिकार का दगड़ी करदा, यु जांणि के कि पिता परमेश्वर हम तैं दिखणु च।

1 थिस्सलुनीकी 2:10

तुम अफी गवाह छा, अर पिता परमेश्वर भि गवाह च कि तुम सभि विश्वासियों का बीच मा हमारो बरतौ कन सचो, अर धार्मिक अर निर्दोष रै।

1 पतरस 3:21

पुरणा बगत मा ऊंको उद्धार अब हमारा उद्धार या बचाव कु एक उदाहरण च जै पांणी मा हम बपतिस्मा लीदां, उ हमारी देह बट्टी मैल दूर नि करदो, पर यु एक चिन्ह च कि हम ल पिता परमेश्वर बट्टी माफी मांगी कि अगनैं हमारो मन परेशान नि रौ। हम तैं माफ किये जै सकद किलैकि यीशु मसीह मौत का बाद फिर से ज्यून्दो हवे।

इब्रानी 13:18

हम कु प्रार्थना करदी रावा, किलैकि हम तैं भरोसा च कि हमारो विवेक शुद्ध च; अर हम जु भि काम करदा ऊं सभियूं मा पिता परमेश्वर कु सम्मान कन चांदा छा।

2 कुरिन्थि 8:8

मि आज्ञा की रीति पर त न, पर दुसरों का उत्साह बट्टी तुम्हरा प्रेम की सचै तैं परखणु कु बुल्णु छो।

2 कुरिन्थि 4:2

पर हम ल शर्मनाक अर गुप्त कामों तैं छोड़ी येले, अर न चालाकी ल चलद्यां, अर न पिता परमेश्वर का वचन मा कुछ मिलावट करदा, पर हम पिता परमेश्वर का संमणी भस सच सिखौदियां, अर हर कुई आदिम गव्है दे सकद कि य बात सच च।

1 कुरिन्थि 15:10

पर पिता परमेश्वर की कृपा ल मि प्रेरित छौं; अर वेकी दया मेरा जीवन मा प्रभावशाली च; पर मिल दुसरा कै भि प्रेरित बट्टी बढ़ि मेहनत भि कैरी तब भि य मेरी तरपां बट्टी नि हवे, पर पिता परमेश्वर की दया ल मि तैं वेको काम कना का लैक बणै।

खास चेलों 24:16

इलै मि खुद भि कोशिश कनु छौं, कि परमेश्वर अर लुखुं कि तरपां बट्टी मेरू मन हमेशा निर्दोष रौ।

खास चेलों 23:1

पौलुस ल महासभा जनै एकटक लगै के देखि, अर बोलि, “हे विश्वासी भयों मिल, आज तक परमेश्वर कु सच्चा मन बट्टी अपड़ो जीवन बसर कैरी।”

1 तीमुथियुस 1:5

मेरी तुम तैं आज्ञा दींणु को कारण यु च कि तुम एक हैंका बट्टी शुद्ध मन अच्छा विवेक अर निष्कपट विश्वास बट्टी प्रेम कैरा।

फिलिप्पी 1:10

इलै की तुम जु बात भली छिनी वेको चुनाव कैरी के योग्य बंणि जावा कि मसीह का वापिस आंण तक शुद्ध अर निर्दोष बणयां रावा।

इफिसुस 6:14

इलै परमेश्वर कि सचै तैं अपड़ी कमर बैल्ट का जन बंदधिल्या, अर तुमारो बरतौ धार्मिकता कु हो, जु एक झीलम पैरण का जन च।

गलातियों 6:4

तुम मा बट्टी हर एक तैं अपड़ा कामों की जाँच कन चयणी च। जु यु अच्छो च त जु कुछ तुम ल कैरी वे पर तुम बड़ो मोन कैरी सकदियां, पर कै और दगड़ी अपड़ा काम की तुलना नि कैरा।

2 कुरिन्थि 11:3

पर मि डरदु छो कि जन के शैतान ल, एक गुरो का रूप मा चालाकी ल पैली जनन हव्वा तैं बहकै, उन के ही तुम लुखुं का मन भि बहकै दिये जौं अर आप मसीह का प्रति अपड़ी निष्कपट अर सच्ची भक्ति ख्वे द्यो।

2 कुरिन्थि 1:17

इलै जु मिल इन इच्छा रखि त क्य मिल कुछ चंचलता दिखै? या जु मि कन चांदु क्य दुनिया का लुखुं का जन कन चांदु, कि मि एक बगत मा हाँ अर बाद मा न बुल्दो?

1 कुरिन्थि 5:8

इलै मि बुल्दो कि, हम तैं हमेशा पिता परमेश्वर का पवित्र लुखुं का जन बरतौ कन चयणु च; हम तैं बुरा ढंग ल अपड़ो जीवन नि जींण चयणु च, जन कि हम ल मसीह पर विश्वास कन से पैली कैरी छो, यांका बजाय, हम तैं पिता परमेश्वर की आज्ञाओं तैं मनण चयणु च अर हमेशा ईमानदार अर सचो हूंण चयणु च।

1 कुरिन्थि 4:4

किलैकि मेरू जमीर भि मि तैं कै भि बात मा भंगारी नि ठैरांद, पर ईं बात से मि निर्दोष नि ठैरदु, किलैकि मेरू जांच कन वलो प्रभु च।

रोमियों 9:1

मि मसीह तैं गव्हा मांणी कै सच बुल्णु छौं। जैको पवित्र आत्मा अर मेरू विवेक गव्है दींणु च की यु झूठ नि च।

याकूब 4:6

पर पिता परमेश्वर जु हम तैं और भि जादा अनुग्रह दींद कि हम बुरी इच्छा का खिलाफ खड़ा हवे साका; इलै पिता परमेश्वर का वचन मा लिख्युं च, “पिता परमेश्वर घमण्ड़ियों को विरोध करदो, पर नम्र लुखुं पर कृपा करदो।”

तीतुस 2:7

सब बातों मा तु अफ तैं भला कामों को नमूना बंणौ; जब तू विश्वासियों का पिता परमेश्वर का बार मा सिखाैंदी छै, त त्वे तैं अच्छा उद्देश्यों का दगड़ी सिखांण चयणु च, अर इन जु आदर का योग्य हो,

1 कुरिन्थि 1:17

किलैकि मसीह ल मि तैं बपतिस्मा दींणु कु न बल्कि शुभ संदेश सुणौंणु कु भेजि, जब मि शुभ सन्देश प्रचार सुणांदु, त मि बुल्ण मा अपड़ी निपुर्णता कु इस्तेमाल नि करदु। नथरी, लोग मि तैं भस मेरी निपुर्णता का कारण ही मणदा, अर उ सूली पर मसीह की मौत की सामर्थ तैं नि जणदींनि।

1 कुरिन्थि 12:8

पवित्र आत्मा एक मनिख तैं बुद्धि का द्वारा संदेश बुल्णु कु वरदान दींद, अर ऊई पवित्र आत्मा दुसरा मनिख तैं ज्ञान का द्वारा संदेश बुल्णु कु वरदान दींद।