1 तीमुथियुस 6:4 - गढवली नयो नियम

⁴ त उ भौत घमण्डी छिनी अर कुछ नि जंणदो, बल्कि वे तैं बहस कन कि अर शब्दों पर तर्क कने कि बिमारी च ज्यां ल जलन झगड़ा अर बुरै की बात अर बुरा-बुरा शक पैदा हूंदींनि

Garhwali

⁴ त उ हर बात मा बड़ु मोन करण वळु च, अर वेतैं कुछ भि पता नि च। अर वु एक शब्द की वजै से की वेको मतलब क्या च भौत बहसबाजी करदु हो, अर इन कैरिके उ जलन रखदु, लड़ै-झगड़ा करदु, अर दुसरा लोगु का बारा मा गळत बुल्दु, अर सक करदु।

1 तीमुथियुस 6:4 Referans Kwoze

2 तीमुथियुस 2:23

पर मूर्खता, अर अज्ञान का झगड़ो से बच्युं रौ; किलैकि तु जंणदी छै, कि यां बट्टी झगड़ा पैदा हूंदींनि।

2 तीमुथियुस 3:4

विश्वासघात कन वला, ढीट, घमण्डी, अर पिता परमेश्वर का ही न बल्कि सुख विलास बट्टी प्रेम चाहण वला हवे जाला।

1 तीमुथियुस 3:6

फिर यु भि कि उ नयो-नयो विश्वासी चेला नि बणयुं हो, कखि इन नि हो कि उ घमंड कैरी कै उन ही दंड पां जन शैतान तैं दण्ड मिली छो।

यहूदा 1:10

पर उ ईश्वररहित लोग कै भि इन बात कु खण्डन कनु कु अपमान वली भाषा कु इस्तेमाल करदींनि जु ऊं तैं समझ मा नि आंदी; अर जब उ जंगली जानवरों का जन बरतौ करदींनि अर जौं कामों तैं उ जणदींनि ऊं तैं उ बगैर सोचि-समझी के करदींनि, त उ पिता परमेश्वर का तरपां बट्टी दण्ड भुगतला।

2 पतरस 2:12

पर यु झूठा शिक्षक जंगली जानवरों का जन छिनी। यूं जानवरों तैं नि पता कि कन कै सुचण अर यूंको उद्देश्य भस पकड़ै जांण अर मरै जांण च। यु लोग कुछ भि करदींनि जु यूंका मन मा आंद, अर इख तक की यु ऊं चीजों को अपमान करदींनि जु यूं तैं समझ मा नि आंदी। उ जरुर नाश हवे जाला।

2 तीमुथियुस 2:14

यूं बातों तैं, विश्वासियों तैं बार-बार सिखौ, अर प्रभु का संमणी ऊं तैं चितै दे, कि शब्दो पर तर्क-वितर्क नि कना रौनु, जौं बट्टी कुछ फैदा नि हूंद, बल्कि यु ऊं लुखुं का विश्वास तैं नुकसान पहूंचो दींनि जु यु तैं सुणदींनि।

यहूदा 1:16

यु लोग जु पिता परमेश्वर की आराधना नि करदींनि अर ऊं बातों का विरुद्ध बुरा शब्दों को इस्तेमाल करदींनि जु ऊं तैं समझ मा नि आंदी; अर जब उ जंगली जानवरों का जन बरतौ करदींनि अर जौं कामों तैं उ जंणदा छिनी ऊं तैं उ बगैर सोच-समझी के करदींनि, त उ पिता परमेश्वर की तरपां बट्टी दण्ड भुगतला।

2 पतरस 2:18

जब उ लुखुं तैं शिक्षा दींदिनि, त उ बेकार अर घमण्ड से भुरयां शब्दों को इस्तेमाल करदींनि। उ लुखुं तैं बतौंदींनि कि उ ऊं शर्मनाक कामों तैं कैरी सकदींनि जु ऊंकी देह कन चांदी अर उ ऊं लुखुं तैं दुबरा पाप कनु कु भरमै दींदिनि जु अभि-अभि इन दुष्टता का जीवन बट्टी बची के निकलयां छिनी।

1 तीमुथियुस 1:7

यु झूठा शिक्षक मूसा की व्यवस्था तैं सिखांण वला बनण चंदींनि, पर हकीकत मा उ कुछ भि नि जणदींनि कि उ क्य सिखौंण की कोशिश कना छिनी अर बड़ा आत्मविश्वास का दगड़ा अगनैं आंणा छिनी।

1 तीमुथियुस 1:4

अर ऊं झूठी कथों पर अर सदनी कि वंशावली पर मन लगै के बगत खराब नि कैरा, ज्यां ल झगड़ा हूंदींनि; यु झगड़ा पिता परमेश्वर की योजना मा रुकावट बणद जु भस ऊं लुखुं द्वारा किये जा सकद जु वे पर विश्वास करदींनि।

याकूब 1:19

हे मेरा विश्वासी भयों, ईं बात तैं तुम जणिल्या हर एक आदिम तैं पिता परमेश्वर का वचन सुनणु कु तैयार रौंण वलो अर बुल्ण मा धीरज रखण वलो अर जल्दी गुस्सा कन वलो नि हूंण चयणु च।

तीतुस 3:9

पर मूर्खतापूर्ण झगड़ों, वंशावलियों, मूसा की व्यवस्था का झगड़ों अर बखेड़ों से दूर रौ किलैकि उ फैदामन्द नि छिन बल्कि बेकार छिन।

खास चेलों 15:2

जब पौलुस अर बरनबास को ऊंका दगड़ा मा भौत झगड़ा अर बैहस हवे त तब ठैरे गै की पौलुस अर बरनबास अर अन्ताकिया का कुछ विश्वासी यरूशलेम शहर जां अर प्रेरितों अर पुरणा अगुवों का दगड़ी बातचित कैरा।

दिब्य दरस 3:17

तू बुल्दी छै कि तू धनवान छै अर त्वे मा उ सब कुछ च जै की त्वे तैं जरूरत च, पर सचै य च कि तू अंधा जन छै, तू नि जणदी कि तू हकीकत मा कन छै। त्वे पर तरस आंण चयणु। किलैकि तू गरीब छै, यांको मतलब यो च कि त्वे मा विश्वास की कमी च तू ऊं लुखुं का जन छै जौं मा कपड़ा नि छिनी।

2 थिस्सलुनीकी 2:4

उ परमेश्वर को अर ऊं सभि मूर्तियों को अर सभि चीजों को विरोध करलो ज्यांकी लोग आराधना करदींनि अर उ अपड़ा आप तैं यूं सभियूं बट्टी महान ठैरालो कि उ पिता परमेश्वर का यरूशलेम शहर का मन्दिर मा बैठ के अपड़ा आप तैं पिता परमेश्वर प्रगट करदो।

कुलुसी 2:18

कुई भि मनिख झूठी दीनता, अर स्वर्गदूतों की आराधना कैरी कै, तुम तैं तुम्हरी दौड़ कु प्रतिफल ल्योंणु कु भरमै नि द्यो, कखि तुम अपड़ा फल नि पै सैका। किलैकि इन मनिख दिखीं बातों मा लग्युं रौंदो अर अपड़ी शारीरिक समझ पर बेकार मा बड़ो मोन करदो।

फिलिप्पी 2:14

सब काम बगैर बबड़य्यां अर बगैर झगड़ा ल कैरा करा;

फिलिप्पी 2:3

घमण्ड या अहंकार कु कुछ नि कैरा पर दीनता से एक हैंका तैं अफ से अच्छो समझा।

फिलिप्पी 1:15

कुछ लोग त जलन रखि के अर कुछ झगड़ा कन वला लुखुं का बानौं, मसीह का बारा मा शुभ संदेश कु प्रचार अर कुछ त भली मनसा से यु काम तैं करदींनि।

गलातियों 6:3

जु कुई सुचद कि उ एक महान आदिम च, जबकि हक्कीकत मा उ छैं नि च, त उ अपड़ा आप तैं धोखा दींणु च।

गलातियों 5:26

हम तैं बड़ो मोन नि कन चयणु च, अर हम तैं एक-हैंका बट्टी जलन भि नि कन चयणी च।

गलातियों 5:15

पर जु तुम लगातार एक-हैंका बट्टी लड़दी रौंदा अर एक-हैंका तैं परेशान करदां त चौकस रावा, इन कै तुम एक-हैंका तैं नाश कैरी दीला।

2 कुरिन्थि 11:20

किलैकि जब तुम तैं कुई नौकर बणै लींद, या उ सभि कुछ ले लींद जु तुम मा च, या तुम तैं धोखा दींद, या अपड़ा आप तैं सुचद कि उ तुम बट्टी जादा बढ़िया च, या तुम्हरा गिचा पर थप्पड़ मरद, त तुम सै लींदियां।

1 कुरिन्थि 11:18

किलैकि पैली मि यु सुणदु छो, कि जब तुम मण्डलि मा पिता परमेश्वर की आराधना कनु कु कठ्ठा हुन्दा, त तुम मा मतभेद हुन्दींनि अर मि तैं विश्वास च की ऊं की कुछ बुलीं बात सच छिनी।

1 कुरिन्थि 11:16

पर जु कुई सुचद कि जु कुछ मि बुल्णु छों उ गलत च, त यु जांणो कि न हमारी अर न पिता परमेश्वर की मण्डलि मा कुई रिवाज नि च।

1 कुरिन्थि 3:18

जु तुम मा बट्टी कुई इन सोच कि तुम दुनिया का लुखुं मा भौत ज्ञानी छा, त तुम तैं ईं दुनिया का लुखुं मा मूर्ख बंणि जांण चयणु च, कि तुम पिता परमेश्वर की नजर मा अपड़ा आप तैं ज्ञानी बणै सका।

1 कुरिन्थि 3:3

किलैकि तुम अब भि अपड़ा पापी स्वभाव का अनुसार ही अपड़ो जीवन जींणा छा; इलै जब तुम मा जलन अर लड़ै-झगड़ा हूंदींनि, त क्य यु साबित नि हूंद कि तुम अपड़ा पापी स्वभाव का कब्जा मा छा? क्य तुम ईं दुनिया का लुखुं का जन ही जीवन नि जींणा छा?

रोमियों 14:1

जु विश्वासी भैय विश्वास मा कमजोर च, वेकी मान्यताओं का बारा मा कै भि शक अर बगैर जांच के वे तैं अपणैयला, वेका दगड़ी बहस नि कैरा की क्य कन चयणु च या क्य नि कन चयणु च।

रोमियों 13:13

आवा हम अपड़ा चाल-चलन तैं ठिक कन शुरू कैरी द्यां, ऊं लुखुं का जन जु उज्यला मा रौंदींनि अर अंधेरा मा न; न की लीला-क्रीडा, अर न पियक्कड़पन, न व्यभिचार, अर लुचापन मा, अर न झगड़ा, अर न जलन मा।

रोमियों 12:16

एक दुसरा कु उथग ही ध्यान रखा जथग अपड़ो रखद्यां; घमण्ड नि कैरा पर सीधा लुखुं का दगड़ा मा संगति रखा; अर अपड़ी नजर मा बुद्धिमान नि हो।

रोमियों 2:8

पर जु कुई भि स्वार्थी छिनी अर सच तैं नि मणदींनि, बल्कि कुकर्म कु पालन करदींनि, ऊं पर पिता परमेश्वर अपड़ो गुस्सा अर प्रकोप दिखालो।

खास चेलों 18:15

पर जब यु बैहस शब्दों, नौं अर तुम्हरी अपड़ी व्यवस्था का बारा मा च त तुम ही समझा किलैकि मि यूं बातों को न्यायी नि बनांण चांणु छौं।”

खास चेलों 8:9

यु नगर मा शमौन नौं को एक आदिम रौंदो छो, जु अपड़ा जादु-टोणा ल सामरिया प्रान्त का अन्य-जाति लुखुं तैं चकित कनु छो अर उ दावा करदो छो कि उ एक बड़ो आदिम छों।