1 तीमुथियुस 5:17 - गढवली नयो नियम

¹⁷ मण्डलि का जु पुरणा अगुवा अच्छो प्रबंध करदींनि, खास कैरी कै ऊंको जु प्रचार अर शिक्षा दींण कु काम करदींनि, ऊंको दुगनो आदर करे जौं।

Garhwali

¹⁷ अर बिस्वासी समुदाय का अध्यक्ष जु की समुदाय मा अच्छी सेवा करदिन, खास कैरिके वु लोग जु की वचन को परचार करण मा अर वेतैं सिखौण खुणि कठिन मेनत करदिन, हाँ ऊंतैं और भि जादा आदर-सम्मान मिलण चयेणु।

1 तीमुथियुस 5:17 Referans Kwoze

इब्रानी 13:17

अपड़ा अगुवों की बात मांणा; अर ऊंका अधीन रावा, किलैकि उ तुम्हरा आत्मा तैं बचांणु कु सुचणा छिनी, कि तुम भटकी नि जावा; अर ऊं तैं पिता परमेश्वर तैं अपड़ी सेवकाई का बारा मा लेखा दींण पुड़लो, कि उ यु कामों तैं खुश हवे के करा, यु काम तैं उदासी ल नि कैरा, किलैकि उदास हवे के सेवकाई कन से कुई फैदा नि हूंद।

गलातियों 6:6

यु जरूरी च कि जु लोग पिता परमेश्वर का वचन तैं सिखांदींनि, ऊं तैं सिखण वला लुखुं बट्टी भौतिक मदद मिलण चयणी च।

लूका 10:7

वे ही घौर मा रावा अर जु कुछ ऊं बट्टी मिलो उ ही खयां अर पियां किलैकि मजदूर तैं अपड़ी मजूरी मिलण चयणी च अर घौर-घौर नि फिरयां।

इब्रानी 13:7

जु तुम्हरा अगुवा छा, अर जैल तुम्हरा पिता परमेश्वर कु वचन सुणै, ऊं तैं याद रखा; अर ध्यान रखा कि ऊंल अपड़ो जीवन कन कै जिये अर यु भि कि उ मुरण तक भि वफादार रैनी, इलै ही हम तैं ऊंका विश्वास का अनुसार चलि कै पिता परमेश्वर पर उन ही विश्वास कन चयणु च जन ऊंल कैरी छो।

2 तीमुथियुस 2:6

जु जिमदार मेहनत करदो, फसल को हिस्सा वे तैं पैली मिलण चयणु।

फिलिप्पी 2:29

इलै तुम प्रभु मा वे बट्टी भौत खुशी से मिल्यां, अर तुम वेको अर वेका जन लुखुं कु आदर कना रयां।

रोमियों 12:8

जु प्रोत्साहित कनु कु उपदेशक हो, उ उपदेश दींण मा लग्यूं रौ; जु दूसरों की जरूरतों तैं पूरो कनु कु वरदान हों, त उदारता ल द्ये; या जु अगुवाई कनु कु वरदान हो, त वे तैं पूरा ढंग बट्टी कैरा अर जु दया कैरो, उ खुश हवे के कैरो।

खास चेलों 28:10

ऊंल हमारी खूब इज्जत खातिर कैरी अर तीन मैना बाद जब हम जांणु कु तैयार छा त उख बट्टी जहाज मा बैठी ग्यां त जु कुछ हम तैं चयणु छो उ ऊंल जहाज मा रखि दींनि।

2 कुरिन्थि 6:1

हम जु पिता परमेश्वर का सहकर्मी छा यु भि तुम बट्टी बिनती करदा, कि पिता परमेश्वर की दया जु तुम पर हवे, बेकार नि रैणी द्या।

रोमियों 16:12

त्रूफेना अर त्रूफोसा बैणयूं तैं जु प्रभु मा मेहनत करदींनि, प्रणाम। प्रिय पिरसिस बैंण तैं जींल प्रभु मा भौत मेहनत कैरी, प्रणाम।

रोमियों 15:27

ऊंल यु खुशी ल कैरी, अर उ ऊंका कर्जदार भि छिनी, किलैकि अन्यजातियों ल यरूशलेम शहर का रौंण वला विश्वासियों बट्टी शुभ संदेश की आत्मिक आशीष पैनी, इलै ऊं तैं लगदो कि यांका बदला मा उ कम से कम ऊंकी आर्थिक मदद कैरी सकदा छिनी।

फिलिप्पी 4:3

हे मेरा सच्चा दगड़िया सुन्तुखे, मि त्वे बट्टी बिनती कनु छौं, कि तु ऊं जननों कि आपस मा मेल-मिलाप कन मा मदद कैर, किलैकि ऊंल मि दगड़ी शुभ सन्देश प्रचार का काम मा, क्लेमेन्स अर मेरा और दगड़ियों दगड़ी भौत मदद कैरी, जौं का नौं जीवन कि किताब मा लिख्यां छिन।

1 कुरिन्थि 16:16

इलै मि तुम बट्टी बिनती करदु, कि इन अगुवों की आज्ञाओं तैं मांणा कैरा बल्कि हर एक की जु इन सच्ची भक्ति का दगड़ी सेवा करदींनि।

खास चेलों 11:30

ऊंल इन कैरी; अर बरनबास अर शाऊल का हथ अर विश्वासियों का पुरणा अगुवों का हथ दान भेजि।

2 तीमुथियुस 4:2

कि तू पिता परमेश्वर का वचन को प्रचार कु तैयार रौ, जब लोग त्वे बट्टी सुनण चदींनि अर जब लोग त्वे बट्टी नि भि सुनण च तब भि, जब तु देखि की लोग बुरै कना छिनी, अर पाप मा लगयां छिनी, पर त्वे तैं ऊं तैं बड़ा सब्र रखि के शिक्षा दे के झिड़क अर समझौण चयणु च।

1 तीमुथियुस 4:16

यु बारा मा चौकस रौ, कि तू कन कै रौंदी, अर क्य सिखांदी; यूं बातों पर ठिक रौ, किलैकि तु जु इन कनि रैलि, त तू अपड़ा अर अपड़ा सुनण वलो कु भि न्याय का दिन बचांणों कु कारण हवेलि।

1 तीमुथियुस 3:5

किलैकि जब कुई अपड़ा ही परिवार कु प्रबंध कन नि जंणदु हो, त उ पिता परमेश्वर कि मण्डलि कि देख-भाल कनके करलो?

फिलिप्पी 2:16

कि मसीह का फिर से औंणा का दिन मि तैं घमंड कनु कु कारण हो कि मेरी कोशिश अर मेरी मेहनत बेकार नि रौ।

मत्ती 24:25

पर तुम चकडैति से रयां मिल सभि घटनाओं तैं तुम तैं पैली बट्टी बतयले।

इब्रानी 13:24

अपड़ा सभि अगुवों अर सभि पवित्र लुखुं तैं प्रणाम बोला; इटली देश बट्टी भि विश्वासी भैय तुम तैं प्रणाम बुल्णा छिनी।

1 तीमुथियुस 4:10

किलैकि यु जीवन तैं पांणु कु हम मेहनत अर हरेक किस्मै कि कोशिश इलै ही करदां, कि हमारी आस वे ज्यूंदा पिता परमेश्वर पर च जु सभि मनिख्युं को अर खास कैरी कै विश्वासियों कु उद्धारकर्ता च।

1 कुरिन्थि 15:10

पर पिता परमेश्वर की कृपा ल मि प्रेरित छौं; अर वेकी दया मेरा जीवन मा प्रभावशाली च; पर मिल दुसरा कै भि प्रेरित बट्टी बढ़ि मेहनत भि कैरी तब भि य मेरी तरपां बट्टी नि हवे, पर पिता परमेश्वर की दया ल मि तैं वेको काम कना का लैक बणै।

खास चेलों 20:35

मिल तुम तैं सभि कुछ कैरी के दिखै, कि कनके मेहनत कैरी के कमजोर लुखुं तैं सम्भलण चयणु च, अर प्रभु यीशु की वचन याद रखण जरूरी च, जु कि वेल अफ ही बोलि, “लींण से दींण जादा धन्य च।”

यूहन्ना 4:38

मिल तुम तैं उ पुगड़ो लौंणु कु भेजि जै मा तुम ल मेहनत नि कैरी दूसरों ल मेहनत कैरी तुम वे फसल तैं कठ्ठा कैरा जैकु ऊंल मेहनत कैरी।

लूका 12:42

प्रभु ल बोलि, उ भरोसो का लैख अर बुद्धिमान सेवक कु च जै तैं स्वामि ल अपड़ा नौकर-चाकरों पर मुखिया ठैरे कि बगत पर ऊं तैं खांणु द्यो?

1 तीमुथियुस 5:3

ऊं विधवाओं का प्रति आदर दिखौ, जूं मा ऊंकी जरूरत पूरी कनु कु अर ऊं की देखभाल कनु कु कुई नि च।

1 तीमुथियुस 4:6

जु तू विश्वासी भयों अर बणौं तैं हमेशा याद दिलौणु रौ, कि ज्वा शिक्षा मिल त्वे तैं द्ये अर तिल मांणी भि छिनी, तू विश्वास का संदेश अर अच्छी शिक्षा का द्वारा मजबूत किये गै, त तू मसीह यीशु कु एक अच्छो सेवक छै अर यां बट्टी तेरु पालन-पोषण हमेशा हूंणु रौ।

1 कुरिन्थि 3:9

किलैकि हम पिता परमेश्वर कु काम कन वला छा, अर कुरिन्थ का विश्वासियों तुम एक सगोड़ा अर एक घौर जन छा, जै तैं पिता परमेश्वर बणद अर उ वेको ही च।

1 तीमुथियुस 4:14

वे वरदान ल जु त्वे मा च, अर भविष्यवाणी का द्वारा पुरणा अगुवों का हथ रखण बगत त्वे तैं मिली छो लापरवाह नि रौ।

1 तीमुथियुस 5:19

एक पुरणा अगुवा का विरोध मा पाप कना का भंगार तैं तब त नि सूंणि जब तक द्वी या तीन लोग वे पर एक ही बात कु भंगार नि लगा।