1 तीमुथियुस 4:7 - गढवली नयो नियम

⁷ पर बूढ-बुढ्यों कि बंणि-बणई कथाओं मा अपड़ो बगत खराब नि कर, वां बट्टी अलग रौ अर पिता परमेश्वर की भक्ति कैर।

Garhwali

⁷ पर तू झूठ्‍ठा उपदेस देण वळो बटि अर फालतु की मनगणत कथा से दूर रै, पर परमेस्वर की भक्‍ति करण की आदत डाल दे।

1 तीमुथियुस 4:7 Referans Kwoze

1 तीमुथियुस 1:4

अर ऊं झूठी कथों पर अर सदनी कि वंशावली पर मन लगै के बगत खराब नि कैरा, ज्यां ल झगड़ा हूंदींनि; यु झगड़ा पिता परमेश्वर की योजना मा रुकावट बणद जु भस ऊं लुखुं द्वारा किये जा सकद जु वे पर विश्वास करदींनि।

2 तीमुथियुस 2:16

पर बेकार की बकवास कन से बच्युं रौ, किलैकि इन लोग और भि जादा अधर्मी हवे जाला अर पिता परमेश्वर बट्टी दूर हवे जाला।

तीतुस 2:12

अर ई दया बट्टी पिता परमेश्वर हम तैं सिखांद कि, हम तैं बुरो बरतौ कन बंद कन चयणु च, ज्यां बट्टी पिता परमेश्वर की इज्जत नि हूंदी, अर दुनिया की मोह-माया तैं छोड़ी द्या, अर वे ढंग से बरतौ कैरा की जु पिता परमेश्वर तैं खुश करद।

तीतुस 3:9

पर मूर्खतापूर्ण झगड़ों, वंशावलियों, मूसा की व्यवस्था का झगड़ों अर बखेड़ों से दूर रौ किलैकि उ फैदामन्द नि छिन बल्कि बेकार छिन।

इब्रानी 5:14

ठोस खांणु त ऊं लुखुं कु च जु जवान अर मजबूत छिनी, जु अनुभव का द्वारा सै अर गलत की पछयांण कैरी सकदींनि।

2 तीमुथियुस 2:23

पर मूर्खता, अर अज्ञान का झगड़ो से बच्युं रौ; किलैकि तु जंणदी छै, कि यां बट्टी झगड़ा पैदा हूंदींनि।

2 तीमुथियुस 4:4

अर सचै तैं सुनण नि चाला पर झूठी अर बनि-बणै मिसाल-कहानियों तैं सुनण चाला।

1 तीमुथियुस 6:11

पर हे पिता परमेश्वर का जन तीमुथियुस, तु यूं बातों से दूर रौ, अर धर्म, भक्ति, विश्वास, प्रेम, सब्र अर नम्रता जु ठिक च, भस वे तैं कनु कु हर किस्म की कोशिश कैर।

खास चेलों 24:16

इलै मि खुद भि कोशिश कनु छौं, कि परमेश्वर अर लुखुं कि तरपां बट्टी मेरू मन हमेशा निर्दोष रौ।

1 तीमुथियुस 6:20

हे तीमुथियुस, तू बतौ कि जु पिता परमेश्वर ल त्वे तैं द्ये तू उ ही करदी, अर ऊं लुखुं की नि सुनण जु हमेशा बेकार की बात करदींनि, ज्यां बट्टी पिता परमेश्वर तैं आदर नि मिल्द, अर बेकार मा विरोध करदींनि अर बुल्दींनि कि यु ज्ञान च, पर सच मा यु नि च।

तीतुस 1:14

अर यहूदियों कि बंणि-बणैई मिसाल-कहानियों अर सचै से भटक्यां लुखुं का आज्ञा पर ध्यान नि लगयां।

2 तीमुथियुस 3:12

तू ढंग से जणदी छै, कि लोग ऊं सभियूं तैं सताला जु मसीह यीशु का सेवक का रूप मा जीवन ज्यूंण चयदींनि।

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

1 तीमुथियुस 2:10

यांका बजाय, ऊं तैं दुसरा लुखुं कु भला काम कैरी के अफ तैं सुंदर बनौण चयणु च किलैकि विश्वासी जननों तैं इन कन अच्छो लगद।

1 तीमुथियुस 1:9

अर इन भि जंणदा कि व्यवस्था धर्मी लुखुं कु नि च, बल्कि अधर्मियों कु, बकवास कन वलो कु, भक्ति नि कन वलो कु, पापी लुखुं कु, अर अपवित्र लुखुं कु, अर अशुद्ध मनिख्युं कु, ब्वे-बुबा कि हत्या कन वलो कु, हत्या कन वलो कु,

1 तीमुथियुस 4:8

किलैकि शारीरिक कशरत ल त देह तैं फैदा हूंद, पर भक्ति सभि बातों कु फैदामंद हूंदी, किलैकि तुम वे जीवन तैं पैला, किलैकि यु एक आदिम तैं ईनाम दींण को वादा करद जब उ ईं धरती पर जीवित रौदींनि अर मुरणा का बाद भि।

1 तीमुथियुस 6:3

जु कुई झूठी शिक्षा दींद अर वे उपदेश तैं नि मंणदु जु हमारा प्रभु यीशु मसीह का भक्ति का अनुसार च,

1 तीमुथियुस 6:5

अर ऊं लुखुं कु दिमाग शक की दुष्टता ल भुर्युं च, अर उ लगातार दूसरों दगड़ी झगड़ा करदींनि, अर उन ही जणदींनि की सचै क्य च अर जु इन समझदींनि उ सुचदींनि कि पिता परमेश्वर की सेवा कन अमीर बनणौ को एक ढंग च।

2 तीमुथियुस 3:5

उ इन बरतौ करला जन उ पिता परमेश्वर का सम्मान करदा हो, पर उ पिता परमेश्वर की सामर्थ तैं ऊंका बुरा जीवनों तैं बदलण से इंकार करला; इन लुखुं बट्टी बचा।