1 तीमुथियुस 3:15 - गढवली नयो नियम

¹⁵ कि जु मेरा औंण मा देर हवे जौं त तु इन जांणि जै कि परमेश्वर का कुटुंब जु कि ज्यूंदा परमेश्वर कि मण्डलि च, अर यु विश्वासी उन ही सच्ची शिक्षाओं का समर्थन करदींनि अर ऊं तैं बणै रखदींनि जन नींव अर खम्बा कै घौर तैं सहारा दींद अर वे तैं मजबूत करदींनि।

Garhwali

¹⁵ किलैकि अगर जु मेरा औण मा देर ह्‍वे जालि त त्वेतै इन पता होण चयेणु, कि परमेस्वर का परिवार मा एक मनखि तैं कनकै रौण चयेणु। किलैकि यू त ज्यून्दा परमेस्वर को बिस्वासी समुदाय च अर यू बिस्वासी लोग शुभ समाचार की सच्‍चै को एक खम्बा अर बुनियाद का जन छिन।

1 तीमुथियुस 3:15 Referans Kwoze

1 थिस्सलुनीकी 1:9

किलैकि उ लोग दूसरों तैं बतौंदींनि कि जब तक तुम दगड़ा मा छा त तुम ल कन कै हमारो स्वागत कैरी छो अर तुम कनके मूर्तियों बट्टी हटि कै पिता परमेश्वर कि तरपां फिरयां कि ज्यून्दा अर सच्चा पिता परमेश्वर की सेवा कैरा।

गलातियों 2:9

जु मनिख मण्डलि का अगुवा का रूप मा जंणै जांदा छा मतलब याकूब, पतरस जै कु कैफा भि बुलै जांद अर यूहन्ना ऊंल दया कु उ वरदान जांणि जु मि तैं मिल्युं च। ऊंल मि तैं अर बरनबास तैं अपड़ो दगड़िया समझी कै हमारी मदद कैरी। उ ईं बात कु राजी हवीनि कि हम अन्यजातियों मा जु खतनारहित छिनी शुभ संदेश सुणौंणु कु जावा अर उ यहूदियों मा।

रोमियों 3:2

एक यहूदी हूंणो कु भौत फैदा च। सबसे खास यु कि परमेश्वर कु वचन ऊं तैं सौंप्ये गै।

मत्ती 16:16

शमौन पतरस ल जवाब दींनि “तु ज्यूँदो परमेश्वर कु नौंनो मसीह छै।”

रोमियों 9:26

अर जैं जगह मा पिता परमेश्वर ल बोलि, तुम मेरा लोग नि छा, उखि मा ज्यूँदो परमेश्वर ऊं तैं अपड़ी सन्तान बुललो।”

खास चेलों 1:2

पर यांसे पैली की यीशु स्वर्ग मा पिता परमेश्वर का द्वारा उठै जांदु वेल अपड़ा बारह प्रेरितों तैं पवित्र आत्मा का सामर्थ ल आज्ञा द्ये जौं तैं वेल चुणि छो।

यूहन्ना 14:6

यीशु ल वेकु बोलि, “बाटु अर सचै मि ही छों अर जीवन भि मि छों बगैर मेरा द्वारा कुई पिता परमेश्वर मा नि पौंछि सकदु।

मत्ती 18:18

“मि तुम मा सच बुल्णु छौं कि जु कुछ तुम धरती मा बन्धिल्या उ स्वर्ग मा बंधे जालो अर जु कुछ तुम धरती मा खोलिल्या उ स्वर्ग मा खुलै जालो।

इब्रानी 12:22

तुम सिय्योन डांडा पर अयां छा, जख स्वर्गीय यरूशलेम शहर च, जु ज्यून्दा परमेश्वर कु शहर च; अर जख लाखों स्वर्गदूत आनन्द-उत्सव मणौंदींनि,

इब्रानी 3:12

हे विश्वासी भयों, चौकस रावा, कि तुम मा इन बुरो अर अविश्वासी मन नि हो, अर पिता परमेश्वर जु ज्यूँदो च वेका अनुसरण कन से मना नि कैरा।

1 तीमुथियुस 6:16

भस उ ही एकमात्र च जु हमेशा कु ज्यूँदो च, अर उ इथग चमकदार रोशनी मा रौंदो च कि कुई भि वेका नजदीक नि ए सकद, अर न वे तैं कै मनिख ल देखि अर न ही कभि देखि सकदु। वेकी महिमा अर सामर्थ जुग-जुग तक राली। आमीन।

1 तीमुथियुस 4:10

किलैकि यु जीवन तैं पांणु कु हम मेहनत अर हरेक किस्मै कि कोशिश इलै ही करदां, कि हमारी आस वे ज्यूंदा पिता परमेश्वर पर च जु सभि मनिख्युं को अर खास कैरी कै विश्वासियों कु उद्धारकर्ता च।

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

1 तीमुथियुस 3:2

इलै जरूरी च, कि अध्यक्षों तैं निर्दोष हूंण चयणु च, अर वेकी एक ही जनन हो, अर सब्र रखण वलो, समझदार, इज्जतदार, अर खातिरदारि कन वलो, अर पिता परमेश्वर का वचन तैं सिखांण म निपुण हो।

कुलुसी 1:5

तुम्हरो यु विश्वास अर प्रेम वीं आस का कारण च जु तुम कु स्वर्ग मा रखि, तुम ल पैली बट्टी ही यांका बार मा सुणयूं च। जब पैली बार लोग तुम मा एनि अर तुम तैं यीशु मसीह का बार मा शुभ सन्देश सुणै, जु कि पिता परमेश्वर कु सचो संदेश च।

इफिसुस 4:21

जु कुछ तुम ल यीशु मसीह का बारा मा सूंणि अर कुछ हमारा शिक्षकों ल तुम तैं सिखयूं च, उ निश्चित रूप बट्टी मसीह कु सच्चो शुभ संदेश च।

गलातियों 3:1

हे गलातियों शहर का विश्वासी लुखुं क्य तुम न समझ छा, कैल तुम तैं भरमै? मिल तुम तैं ठिक से समझै की जब यीशु मसीह तैं सूली पर चढ़ै गै, त वेल कै काम तैं पूरो कैरी।

2 कुरिन्थि 6:16

अर मूर्तियों कु पिता परमेश्वर का मन्दिर मा कुई जगह नि च; किलैकि हम त ज्यून्दा पिता परमेश्वर का मन्दिर छा; जन परमेश्वर ल अपड़ा वचन मा बोलि; “मि यूं लुखुं दगड़ी रौलु अर ऊंमा चलणु-फिरणु रौलु; अर मि ऊंको पिता परमेश्वर हुलु, अर उ मेरा लोग होला।”

खास चेलों 14:15

“हे लुखुं, तुम क्य कना छा? हम भि त तुम जन दुख-सुख भुगण वला आदिम छा, अर तुम तैं शुभ सन्देश प्रचार सुनांणा छा, कि तुम यूं बेकार की चीजों बट्टी दूर हवे के ज्यून्दा पिता परमेश्वर की तरपां आ। वेल ही आसमान अर धरती अर जु कुछ वां मा च सभि कुछ बणये।

यूहन्ना 6:69

अर हम ल विश्वास कैरी अर जांणि भि ग्यां कि तु एक पवित्र जन छै जै तैं पिता परमेश्वर ल भेजि।

यूहन्ना 1:17

मूसा का द्वारा लिखीं परमेश्वर की व्यवस्था दिये गै, पर परमेश्वर ल यीशु मसीह का द्वारा दया अर सचै दिखै।

इब्रानी 9:14

जरा सोचि के देखा, कि मसीह कु ल्वे हमारा दिलों तैं ऊं कामों बट्टी कथग शुद्ध करलो जु मौत का तरपां लिजांदी, कि हम जीवित पिता परमेश्वर की आराधना कैरी साका; किलैकि हमेशा की आत्मा की सामर्थ का द्वारा, मसीह ल हमारा पापों कु अपड़ा आप तैं एक सिद्ध बलिदान का रूप मा पिता परमेश्वर तैं भेंट का रूप मा चढ़ै।

2 तीमुथियुस 2:20

कै भि बड़ा घौर मा न भस सोना-चाँदी का ही बल्कि काठ अर माटा का भांडा भि हूंदींनि कुई आदर अर कुई अनादर पांणु कु।

1 तीमुथियुस 3:5

किलैकि जब कुई अपड़ा ही परिवार कु प्रबंध कन नि जंणदु हो, त उ पिता परमेश्वर कि मण्डलि कि देख-भाल कनके करलो?

2 कुरिन्थि 6:7

सत्य का वचन मा, पिता परमेश्वर की सामर्थ मा। हम दैंणा हथ मा धार्मिकता का हथियारों तैं हमला कनु कु अर बैं हथ मा रक्षा कनु कु इस्तेमाल करदा।

2 कुरिन्थि 3:3

यु प्रगट च, कि तुम मसीह की तरपां बट्टी एक चिठ्ठी का जन छा अर य चिठ्ठी हमारी सेवकाई कु सबूत च; जु स्याही ल न, या ढुंगा की पटियों पर न, पर ज्यून्दा पिता परमेश्वर का आत्मा का द्वारा मनिख्युं का दिल की पटियों पर लिखै गै।

यूहन्ना 18:37

पिलातुस ल ऊंकु बोलि, “त क्य तु राजा छै” यीशु ल जवाब दे, “तु बुल्णी छै, कि मि राजा छौं; मेरू जन्म लींण अर जगत मा आंणो कु कारण यु च की मि सचै का बारा मा सिखै साको। सचै कु पालन कन वला सब मेरी बातों तैं मणदा छिन।”

1 कुरिन्थि 3:16

सच मा तुम जंणदा छा, कि तुम पिता परमेश्वर कु मन्दिर छा, अर पिता परमेश्वर कु पवित्र आत्मा तुम मा रौंदो च।

1 कुरिन्थि 10:32

मि सभियूं तैं खुश कने की कोशिश करदु, मि अपड़ी भलै का बारा मा नि सुचणु छो, बल्कि सभियूं का भलै का बारा मा सुचणु छो, कि उ बची के उद्धार पै साका। उन ही के तुम भि इन के रा कि यहूदियों या यूनानी अन्यजाति या पिता परमेश्वर का विश्वासियों की मण्डलि कु कुई परेशानी या कुई ठेस पैदा नि हो।

1 तीमुथियुस 3:14

मि त्वे मा जल्दी औंणै कि आस रखण का बावजूद भि त्वे कु यूं बातों तैं इलै लिखणु छौं,

2 तीमुथियुस 2:19

पिता परमेश्वर का लोग एक बुनियाद का जन छिनी, जु हिलदी नि च, यांका बारा मा “प्रभु जंणदु च कि वेका लोग कु छिनी” अर यु भि की “जु कुई पिता परमेश्वर की आराधना करद वे तैं बुरै कन बंद कैर दींण चयणु च।”

इब्रानी 10:21

अर किलैकि हमारो एक महान याजक च जु पिता परमेश्वर का स्वर्गीय मन्दिर पर राज्य करद।

1 पतरस 4:17

किलैकि न्याय कनु को बगत ऐ गै, कि पैली पिता परमेश्वर का लुखुं को न्याय किये जालो, अर जबकि उ पैली हम विश्वासियों को न्याय करलो, इलै ऊं भयानक चीजों का बारा मा सोचा जु ऊं लुखुं का दगड़ी होलो जु वे शुभ सन्देश तैं नि मणौंदींनि जु वेका तरपां बट्टी औंदी।