1 तीमुथियुस 2:5 - गढवली नयो नियम

⁵ किलैकि भस एक ही पिता परमेश्वर च अर वेका अर मनिख्युं का बीच मा भि भस एक ही जुड़ण वलो च, यानि मसीह यीशु जु कि मनिख का रूप मा पैदा हवे।

Garhwali

⁵ किलैकि परमेस्वर एक ही च, अर वेका अर मनखियों का बीच मा एक ही बिचलु च, अर वु यीशु मसीह च।

1 तीमुथियुस 2:5 Referans Kwoze

गलातियों 3:20

जब द्वी लुखुं का बीच समझौता हूंद, तब जुड़ण वले की जरूरत हूंद। पर पिता परमेश्वर एक ही च, अर जब वेल अब्राहम बट्टी वादा कैरी त ऊंका बीच मा कुई भि जुड़ण वलो नि छों।

इब्रानी 9:15

इलै ही मसीह ल लुखुं का दगड़ी जुड़ण वली एक नई प्रतिज्ञा तैं बांधि, कि उ लोग जु पिता परमेश्वर का द्वारा बुलै गै छा, ऊं अनन्त आशीषों तैं पै साका जौको वादा पिता परमेश्वर ल कैरी छो; यु इलै हवे सकद किलैकि मसीह ऊं तैं ऊंका पापों का दण्ड बट्टी छुडांणु कु मरै गै जु ऊंल पैली वाचा का अधीन रै के कैरी छो।

इब्रानी 7:25

इलै की जु यीशु का द्वारा पिता परमेश्वर का संमणी औंदींनि उ, ऊं लुखुं कु पूरो-पूरो बचाव अर उद्धार कैरी सकद, किलैकि यीशु लुखुं कु पिता परमेश्वर बट्टी बिनती कनु कु हमेशा जीवित अर उपस्थित च।

इब्रानी 12:24

तुम यीशु मा अयां जु पिता परमेश्वर अर लुखुं तैं जुड़ण वली नई प्रतिज्ञा, अर छिड़कौ का वे ल्वे मा, जु हाबिल का ल्वे जन न्याय कु रूण का बजाय माफी की बात करद।

यूहन्ना 1:14

अर वचन देहधारी हवे अर दया अर सचै बट्टी पूरो हवे के हमारा बीच मा डेरो कैरी और वेकी महिमा इन छै जन बुबा (परमेश्वर) कि तरपां बट्टी अयां एकलौता नौंना की महिमा।

रोमियों 10:12

यहूदियों अर यूनानी अन्यजाति लुखुं मा कुई फर्क नि च, इलै की पिता परमेश्वर ऊं सभियूं कु प्रभु च; अर जु वे बट्टी प्रार्थना करदींनि ऊंकु दयालु भि च।

यूहन्ना 17:3

अनन्त जीवन यु च की लोग त्वे तैं पैछणदो बल्कि भस एकमात्र सच्चो परमेश्वर तैं, अर यु की उ मि तैं जंणदु पैछणदो, बल्कि, यीशु मसीह तैं जै तैं तिल भेजि।

इब्रानी 8:6

पर जु याजक की सेवा कु काम हमारा महायाजक यीशु मसीह तैं मिली, उ वे काम से कई जादा बड़ो च जु दुसरा याजकों तैं दिये गै छो, किलैकि यीशु उ ही च जु नई प्रतिज्ञा का आधार पर, पिता परमेश्वर का संमणी हम कु एक भौत उत्तम वाचा तैं जुड़ण वलो च।

इफिसुस 4:6

अर एक ही पिता परमेश्वर च जु सभि लुखुं कु बुबा च, उ हम सब पर राज्य करद, उ हम सभियूं का द्वारा काम करद, अर उ हम सभियूं मा रांदो।

1 कुरिन्थि 8:4

त फिर, मि तैं मूर्तियों का संमणी चढ़यूं बलि का खांणु का बारा मा पुछयां सवालों कु जवाब दींण चयणु च; हम जंणदा छा कि भस एक ही ज्यूँदो पिता परमेश्वर च अर ईं दुनिया मा मूर्तियां बेजान छिनी।

मत्ती 1:23

देखा, “कि एक अणबिवाक गर्भवती होलि व एक नौंना तैं जन्म दयाली अर वेको नौं इम्मानुएल रखे जालो जै को मतलब च कि परमेश्वर हमारा दगड़ी च।”

दिब्य दरस 1:13

अर ऊं दिवडों का बीच एक मनिख का नौंना का जन कुई दिखै, उ लंबा कपड़ा पैरयूं छो जु वेका खुट्टों तक पौंछदो छो। वेल अपड़ी छती पर एक सोना को कमरबन्द पैरयूं छो।

मत्ती 1:1

या यीशु मसीह की पूर्वजों की नौं की सूचि च, उ जु अब्राहम को वंशज छो, उ राजा दाऊद को वंशज छो।

खास चेलों 4:12

यीशु का अलावा कै और दुसरा का द्वारा उद्धार अर बचाव नि च किलैकि आसमान का तौला अर मनिख्युं मा और कुई हैंको नौं नि दिये गै जैका द्वारा हम मुक्ति पै सैका।

रोमियों 1:3

यु शुभ सन्देश वेका नौंना, हमारा प्रभु यीशु मसीह का बारा मा च वेको जन्म राजा दाऊद का वंशज का परिवार मा हवे छो।

1 तीमुथियुस 6:13

मि त्वे तैं इन आज्ञा दींणु छौं, कि पिता परमेश्वर को गवाह बंणि कै, जु हरेक को जीवनदाता च, अर दगड़ा मा मसीह यीशु कु भि गवाह बंणि कै, जैल मजबूत हवे के सच बोलि जब वे तैं पुन्तियुस, पिलातुस का समणी मुकदमा कु लये गै

1 यूहन्ना 2:1

मेरा प्रिय नौंनो, मि यूहन्ना यूं बातों तैं तुम कु इलै लिखणु छौं, कि तुम पाप नि कैरा; पर जु कुई पाप कैरो त पिता परमेश्वर मा हमारो एक मददगार यीशु मसीह च, जु धर्मी च अर हमारा पापों कि माफी कु पिता परमेश्वर बट्टी प्रार्थना करदो।

लूका 14:22

नौकर ल फिर बोलि, हे स्वामि जी जन तुम ल बोलि छो उन ही करे गै अर फिर भि जगह बचिं च।