1 तीमुथियुस 1:9 - गढवली नयो नियम

⁹ अर इन भि जंणदा कि व्यवस्था धर्मी लुखुं कु नि च, बल्कि अधर्मियों कु, बकवास कन वलो कु, भक्ति नि कन वलो कु, पापी लुखुं कु, अर अपवित्र लुखुं कु, अर अशुद्ध मनिख्युं कु, ब्वे-बुबा कि हत्या कन वलो कु, हत्या कन वलो कु,

Garhwali

⁹ अर हम यू भि जणद्‍यां, कि परमेस्वर का नियम-कानून धरमी लोगु खुणि नि दिये गैनी, पर ऊं लोगु खुणि दिये गैनी जु लोग नियम-कानूनों तैं नि मणदिन, अर अधिकारी लोगु की बात नि मणदिन, परमेस्वर को आदर-सम्मान नि करदिन, पाप करदिन, दुष्‍ट जीवन जीण वळा छिन, अर परमेस्वर की बातों तैं नि मणदिन, अर ब्वे-बबों तैं जान से मरण वळा, अर हत्या भि करदिन।

1 तीमुथियुस 1:9 Referans Kwoze

गलातियों 3:19

त फिर पिता परमेश्वर ल कै उद्देश्य बट्टी इस्राएल का लुखुं तैं मूसा की व्यवस्था द्ये? पिता परमेश्वर ल मूसा की व्यवस्था इलै द्ये, कि लोग जांण साका की पाप क्य च? मूसा की व्यवस्था अब्राहम का वे वंश तक बणयूं रौंण छो, जैका बारा मा पिता परमेश्वर ल करार कैरी छै। परमेश्वर ल व्यवस्था मूसा तैं स्वर्गदूतों का द्वारा द्ये, जु पिता परमेश्वर अर लुखुं का बीच जुड़ण वलो छों।

1 पतरस 4:18

जन कि पिता परमेश्वर को वचन बुल्द, “इख तक कि अच्छा लुखुं तैं पैली दुःख सौण चयणु च, अर वेका बाद ही ऊं तैं बचाव अर उद्धार मिललो, अर यां से भि जादा पापी लुखुं तैं दुःख होलो अर जु लोग पिता परमेश्वर का अधीन नि हूंदींनि!”

रोमियों 5:20

परमेश्वर ल व्यवस्था इलै दींनि कि लोग अर जादा पाप कैरा, जब लुखुं ल जादा से जादा पाप कैरी, पिता परमेश्वर ल जु दया दिखै उ जादा से जादा हवे,

गलातियों 5:23

नम्रता अर सयंम च; इन कुई भि व्यवस्था नि च जु यूं बातों का विरोध करदी हो।

तीतुस 3:3

किलैकि हम भि पैली बगत मा न समझ अर पिता परमेश्वर की आज्ञा नि मणन वला, अर भरम मा पोड़्य्यां छा, अर बनि-बनि किस्मै कि अभिलाषाओं मा अर सुख विलास कि गुलामी मा छा, अर हम घृणित लोग छा; हर कुई हम बट्टी घीणांदु छो अर हम एक दूसरों बट्टी बैर रखदा छा।

रोमियों 6:14

तब तुम पर पाप कु कुई अधिकार नि होलो, किलैकि अब तुम मूसा की व्यवस्था का अधीन नि छा पर पिता परमेश्वर की दया का अधीन जीवन ज्यून्दा।

रोमियों 1:30

गपशप कन वला, निंदा कन वला, परमेश्वर बट्टी घृणा कन वला, हिंसक, बड़ा मौनया, डींगमार, बुरी-बुरी बात बनांण वला, ब्वे-बुबा कि आज्ञा कु उल्लंघन कन वला,

दिब्य दरस 22:15

पर उ जु बुरा काम करदींनि, टूणा, व्यभिचारी, हत्यारा, मूर्ति पुजण वला, हर एक झूठ तैं चांण वला अर उ जु झूठ बुल्दींनि, उ कभी भि शहर मा प्रवेश नि कैर सकदींनि।

दिब्य दरस 21:8

पर जु मि पर विश्वास नि रखदींनि, ऊं तैं जोर जबरदस्ती ल गन्धक ल जलांण वली वीं झील मा शामिल किये जालो, जु कि दुसरी मौत च अर यु ही परिणाम ऊंको भि होलो, जु लुखुं का संमणी मि तैं स्वीकार कन से डरदींनि, बुरा काम करदींनि, जु हत्यारा छिनी, यौन रूप बट्टी अनैतिक छिनी, जादु-टूणा करदींनि अर मूर्तियों की पूजा करदींनि अर झूठ बुल्दींनि।”

तीतुस 1:16

यु झूठा शिक्षक इन बुल्दींनि, कि हम पिता परमेश्वर तैं जंणदा छा, पर अपड़ा कामों से वेको इंकार करदींनि, किलैकि उ बुल्युं नि मणन वला छिन, अर पिता परमेश्वर ऊं बट्टी घृणा करद, अर उ कै भि भला काम का लैख नि छिन।

1 पतरस 3:20

यु ऊं लुखुं की आत्माएँ छिनी जौन भौत बगत पैली पिता परमेश्वर की आज्ञाओं कु उल्लंघन कैरी छो। जब नूह अपड़ो जहाज तैं बनांणु छो, त पिता परमेश्वर धीरज से इन्तेजार कनु छो कि देखो क्य उ लोग पछतौ करला। पर भस जहाज मा प्रवेश कन वला आठ लुखुं तैं वीं भयानक बाड़ मा डुबण से बचये गै।

इब्रानी 11:31

विश्वास बट्टी ही राहाब वेश्या पिता परमेश्वर की आज्ञा कु उल्लंघन कन वलो का दगड़ी नाश नि हवे; किलैकि वीं शान्ति का दगड़ी ऊं इस्राएली गुप्तचरों कु स्वागत कैरी जु छिपी के यरीहो शहर कु भेद लींणु कु ऐ छा।

2 थिस्सलुनीकी 2:8

तब उ दुष्ट आदिम प्रकट हवे जालो, पर बाद मा, जब प्रभु यीशु आलो, त प्रभु अपड़ा मुक की फूंक से वे तैं मारि दयालो अर अपड़ा आंणा का तेज से वे तैं भस्म कैरी दयालो।

रोमियों 4:13

पिता परमेश्वर ल अब्राहम अर वेका वंशजों बट्टी करार कैरी छै कि उ ऊं तैं या दुनिया दयालो। यु वादा इलै नि कैरी किलैकि अब्राहम व्यवस्था कु पालन कैरी, पर पिता परमेश्वर ल वेका विश्वास का कारण वे तैं धर्मी मंणै गै छो।

मत्ती 10:21

भैय, अपड़ा भैय तैं, अर बुबा नौंना तैं, मरणु कु द्याला, अर नौंना बाला ब्वे-बुबा का विरोध मा उठि के ऊं तैं मरवै डलला।

1 पतरस 2:7

यु ढुंगो तुम कु भौत कीमत च जु यीशु मसीह पर विश्वास करदींनि। पर जु लोग वे पर विश्वास नि करदींनि, ऊंका बारा मा पिता परमेश्वर कु वचन बुल्द कि, “राजमिस्त्रियों ल जै ढुंगो कु इस्तेमाल कन से मना कैरी दींनि, वीं इमारत की नींव मा सबसे जरूरी ढुंगो बंणि गै।”

इब्रानी 12:16

इन नि हो, कि कुई आदिम व्यभिचारी, या अब्राहम का नाति, एसाव जन दुष्ट अर अधर्मी नि हो, किलैकि उ पैलो नौंनो छो, अर वे तैं पैलो नौंनो हूंणो कु अधिकार छो; पर वेल वे अधिकार को सम्मान नि कैरी अर इलै वेल अपड़ा छुटा भैय याकूब मा एक बार का खांणु कु अपड़ो जेठो नौंनो हूंण कु सब अधिकारों तैं बेचि दींनि।

गलातियों 5:21

एक-हैंका का प्रति जलन रखदींनि, उ पियक्कड़ (नशा मा) हवे जयदींनि, उ, ऊं दावतों मा जंदींनि जख लोग अपड़ी भूख तैं अपड़ा काबू मा नि रखि सकदींनि, अर उ इन कै दुसरा सभि बुरा काम करदींनि। मि तुम तैं चितांणु छो जु मिल तुम तैं पैली भि चितै छो, कि इन-इन कामों तैं कन वला पिता परमेश्वर का राज्य का वारिस नि होला।

गलातियों 5:18

अर जु तुम पवित्र आत्मा का अनुसार जीवन ज्यून्दियां त तुम मूसा की व्यवस्था का अधीन नि छा।

1 तीमुथियुस 4:7

पर बूढ-बुढ्यों कि बंणि-बणई कथाओं मा अपड़ो बगत खराब नि कर, वां बट्टी अलग रौ अर पिता परमेश्वर की भक्ति कैर।

1 तीमुथियुस 6:20

हे तीमुथियुस, तू बतौ कि जु पिता परमेश्वर ल त्वे तैं द्ये तू उ ही करदी, अर ऊं लुखुं की नि सुनण जु हमेशा बेकार की बात करदींनि, ज्यां बट्टी पिता परमेश्वर तैं आदर नि मिल्द, अर बेकार मा विरोध करदींनि अर बुल्दींनि कि यु ज्ञान च, पर सच मा यु नि च।

2 तीमुथियुस 2:16

पर बेकार की बकवास कन से बच्युं रौ, किलैकि इन लोग और भि जादा अधर्मी हवे जाला अर पिता परमेश्वर बट्टी दूर हवे जाला।

2 तीमुथियुस 3:2

किलैकि लोग भस अफ बट्टी प्रेम कन वला, लोभि, डींगमार, घमण्डी, बुरै कन वला, ब्वे-बुबा को आज्ञा टलण वला, अन्यो कैरी कै धन कमौण वला, अपवित्र, मतलबी

तीतुस 1:6

अगुवा तैं निर्दोष हूंण चयणु च, अर अपड़ी जनन का प्रति वफादार, जौं का नौंना बाला विश्वासी हूंनु, अर देह की इच्छाओं पर नि चलणवला, पर ब्वे-बुबा को आदर कन वलो हो।

तीतुस 1:10

मि यु इलै बुल्णु छों किलैकि, भौत सा लोग जु सही शिक्षा कु विरोध करला, उ जु क्रूरता की बकवास कन अर दुसरो तैं धोखा दींण, खास कैरी कै यहूदी लोग जु विश्वासी बंणि गैनी जु उद्धार कु खतना पर जोर दींदिनि,

यहूदा 1:15

कि सभि लुखुं को न्याय कनु कु अर सभि अधर्मी लुखुं पर ऊंका द्वारा किया अनैतिक अर बुरा कामों का कारण भंगार लगांणु कु अर ऊं सभि चोट पहुंचांण वली बातों का कारण जु पापी लुखुं ल ऊंका विरुद्ध मा नि बोलि।