1 तीमुथियुस 1:7 - गढवली नयो नियम

⁷ यु झूठा शिक्षक मूसा की व्यवस्था तैं सिखांण वला बनण चंदींनि, पर हकीकत मा उ कुछ भि नि जणदींनि कि उ क्य सिखौंण की कोशिश कना छिनी अर बड़ा आत्मविश्वास का दगड़ा अगनैं आंणा छिनी।

Garhwali

⁷ अर वु लोग नियम-कानूनों तैं सिखौण वळा बणण चनदिन, पर जु कुछ भि वु बुल्दिन वेका बारा मा नि जणदिन। अर जु कुछ भि वु बड़ा बिस्वास से बुल्दिन, ऊं बातों तैं भि नि समझदिन।

1 तीमुथियुस 1:7 Referans Kwoze

रोमियों 1:22

उ अपड़ा आप तैं समझदार जतै कै मूर्ख बंणि गैनी।

2 पतरस 2:12

पर यु झूठा शिक्षक जंगली जानवरों का जन छिनी। यूं जानवरों तैं नि पता कि कन कै सुचण अर यूंको उद्देश्य भस पकड़ै जांण अर मरै जांण च। यु लोग कुछ भि करदींनि जु यूंका मन मा आंद, अर इख तक की यु ऊं चीजों को अपमान करदींनि जु यूं तैं समझ मा नि आंदी। उ जरुर नाश हवे जाला।

1 तीमुथियुस 6:4

त उ भौत घमण्डी छिनी अर कुछ नि जंणदो, बल्कि वे तैं बहस कन कि अर शब्दों पर तर्क कने कि बिमारी च ज्यां ल जलन झगड़ा अर बुरै की बात अर बुरा-बुरा शक पैदा हूंदींनि

गलातियों 3:5

जु तुम तैं पवित्र आत्मा बहुतायत ल दान करदो अर तुम मा चमत्कार का काम करदु, क्य उ यु कारण च कि तुम ल मूसा की व्यवस्था कु पालन कैरी या उ यु कारण च किलैकि तुम ल मसीह का बारा मा शुभ संदेश तैं सूंणि अर वे पर विश्वास कैरी?

2 तीमुथियुस 3:7

उ हमेशा नई चीज सिखणा रौन्दींनि पर उ मसीह का बारा मा सच्ची शिक्षाओं तैं कभी नि समझ सकदींनि।

गलातियों 3:2

मि तैं एक बात बतौ क्य तुम तैं पवित्र आत्मा इलै मिली किलैकि तुम यहूदी मूसा की व्यवस्था कु पालन कना छा या इलै की तुम ल वे शुभ संदेश पर विश्वास कैरी जु हम ल तुम तैं बतै छों?

गलातियों 4:21

अर तुम जु मूसा द्वारा लिखीं परमेश्वर की व्यवस्था का अधीन हूंण चांणा छा! मेरी बात सूंणा! मि तुम तैं बतौलु कि मूसा की व्यवस्था की किताब मा क्य लिख्युं च।

मत्ती 15:14

ऊं तैं जांण द्या उ अंधा बट्टो का बतौंण वला छिन अर जु अंधा तैं बट्टो दिखालो त द्वी गड्डा मा पड़ि जाला।

खास चेलों 15:1

फिर कथग ही मनिख यहूदिया प्रान्त बट्टी ऐ के विश्वासी भैय-बंधों तैं सिखांण लगि गैनी कि जु मूसा की व्यवस्था बट्टी तुम्हरा खतना नि होलो त तुम्हरो उद्धार अर बचाव नि हवे सकदो।

मत्ती 21:27

तब ऊंल यीशु तैं जवाब दे “हम नि जंणदा” यीशु ल ऊंमा बोलि, मि भि तुम तैं नि बतौंणु छौं, कि मि यु काम तैं कैका अधिकार से करदु।

लूका 2:46

अर तीन दिन का बाद ऊंल वे तैं यरूशलेम शहर का मन्दिर का चौक मा उपदेशकों का बीच मा बैठयूं अर ऊंकी सुणद अर ऊं बट्टी सवाल करद पै।

याकूब 3:1

हे विश्वासी भयों, तुम मा बट्टी भौतों तैं विश्वासियों की मण्डलि मा गुरु नि बनण चयणु च, किलैकि तुम जणदां छा, कि हम पिता परमेश्वर का वचन सिखौंण वलो को न्याय और भि कठोरता ल किये जालो।