1 तीमुथियुस 1:11 - गढवली नयो नियम

¹¹ य शिक्षा वे शुभ सन्देश पर जुड़ीं च जु वीं महिमा का बारा मा जु धन्य पिता परमेश्वर बट्टी जुड़यां छिनी, पिता परमेश्वर ल मि तैं यु शुभ संदेश दूसरो तैं बतौंणु कु दियुं च।

Garhwali

¹¹ अर या अच्छी शिक्षा वे शुभ समाचार बटि औन्दी, जु आसीस तैं देण वळा महान परमेस्वर को च। अर मितैं वेको परचार करण की जबाबदारी दिईं च।

1 तीमुथियुस 1:11 Referans Kwoze

गलातियों 2:7

पर अगुवा समझी गैनी, कि जन पिता परमेश्वर ल मि तैं अधिकार दींनि, कि यहूदी लुखुं कु शुभ सन्देश कु प्रचार कनु कु काम पतरस तैं सौंपी दींनि, उन ही मि तैं अन्यजातियों कु जु खतनारहित छिनी ऊंकु शुभ सन्देश कु प्रचार कन सौंपे गै।

तीतुस 1:3

पर ठिक बगत पर, पिता परमेश्वर ल यु शुभ संदेश तैं हमारा संमणी प्रगट कैरी, अर हम यांको प्रचार सभियूं का संमणी करदां। पिता परमेश्वर अर हमारा उद्धारकर्ता यीशु मसीह ल या आज्ञा जिम्मेदारी का दगड़ी मि तैं द्ये, कि वेको यु काम कैरो।

1 तीमुथियुस 6:15

पिता परमेश्वर, जु एकमात्र राजा च, जु तारीफ का काबिल च, राजाओं कु राजा अर प्रभुओं कु प्रभु च, उ ही मसीह तैं ठिक बगत पर प्रगट करलो,

2 कुरिन्थि 4:4

अर ईं दुनिया का ईश्वर शैतान ल ऊं अविश्वासियों की बुद्धि तैं अंधो कैरेले, कि उ शुभ सन्देश बट्टी मसीह की महिमा का बारा मा आंण वला उज्यला तैं नि देख सका, जु दिखांद कि पिता परमेश्वर कन च।

रोमियों 2:16

जै दिन पिता परमेश्वर वे शुभ सन्देश जै कु मि प्रचार करदु छों, का अनुसार यीशु मसीह का द्वारा मनिख्युं कि गुप्त बातों कु न्याय करलो।

2 तीमुथियुस 2:2

अर जु बात तिल भौत सैरा गवाहों का संमणी मि बट्टी सुंणिनि ऊं तैं विश्वास का लैख लुखुं मा सौंपी दे जु दुसरों तैं भि सिखौंण मा काबिल हूंनु।

2 तीमुथियुस 1:14

वीं सचै की रखवली कैर जु पवित्र आत्मा की सामर्थ का द्वारा त्वे तैं दिए गै, अर जु हमारा भितर रौंदो भि च।

2 तीमुथियुस 1:11

इलै, पिता परमेश्वर ल मि तैं शुभ सन्देश को प्रचारक अर एक प्रेरित हूंणु कु ठैरे, अर लुखुं तैं उपदेश दींणु कु चुणयूं च।

1 तीमुथियुस 6:20

हे तीमुथियुस, तू बतौ कि जु पिता परमेश्वर ल त्वे तैं द्ये तू उ ही करदी, अर ऊं लुखुं की नि सुनण जु हमेशा बेकार की बात करदींनि, ज्यां बट्टी पिता परमेश्वर तैं आदर नि मिल्द, अर बेकार मा विरोध करदींनि अर बुल्दींनि कि यु ज्ञान च, पर सच मा यु नि च।

1 तीमुथियुस 2:7

इलै, पिता परमेश्वर ल मि तैं शुभ संदेश को प्रचारक अर एक प्रेरित हूंणु कु ठैरा, वेल मि तैं अन्यजातियों तैं विश्वास कु सचो संदेश सिखांणु कु चुणि; मि झूठ नि बुल्णु छो; मि सच बुल्णु छो।

1 थिस्सलुनीकी 2:4

पिता परमेश्वर ल हम तैं योग्य समझी के शुभ सन्देश द्ये। इलै हम मनिख्युं कु न, बल्कि हमारा दिल तैं परखणवला पिता परमेश्वर तैं खुश कनु कु उपदेश दींदयां।

कुलुसी 1:25

पिता परमेश्वर ल मि तैं तुम कु वेको शुभ संदेश पूरा ढंग ल समझौण कु नियुक्त कैरी, अर इलै मि मण्डलि कु सेवक बंणि के पिता परमेश्वर का आदेशों तैं पूरो कैरी साको।

इफिसुस 3:10

कि अब मण्डलि का द्वारा, परमेश्वर कि अनन्त बुद्धि ऊं प्रधानों अर अधिकारियों पर प्रगट किये जालो, जु अनदेखा दायरों कु जख आत्मा राज्य करदींनि प्रगट किये जौं।

इफिसुस 2:7

पिता परमेश्वर ल इन इलै कैरी कि आंण वला दिनों मा उ दुनिया का लुखुं तैं मिसाल दिखै साको कि ऊंको अनुग्रह कथग महान च। जु कुछ वेल हम कु कैरी हम तैं या दया दिखै गै जु मसीह यीशु का दगड़ी एकता मा छा।

इफिसुस 1:12

पिता परमेश्वर ल इन इलै कैरी कि हम यहूदी, जु कि मसीह मा आस रखण वला पैली लोग छा, वेकी महिमा, स्तुति कैरा।

इफिसुस 1:6

कि ऊं की निराली दया कि बड़ै हो, जु वेल हम तैं मुफ्त मा दे द्या किलैकि हम वेका प्यारा नौंना का दगड़ी जुड़यां छा।

2 कुरिन्थि 4:6

इलै कि पिता परमेश्वर ल बोलि, “अंधेरा मा बट्टी उज्यलो चमकी” अर पिता परमेश्वर ल उज्यला का जन हमारा मनों मा समझ द्ये, कि हम पिता परमेश्वर की महिमा तैं देख सका जु यीशु मसीह मा प्रगट हूंदी।

1 कुरिन्थि 9:17

जु मि यु काम अपड़ी मर्जी से करदु त फिर मि तैं ईनाम मिललो। पर जु पिता परमेश्वर ल मि तैं य जिम्मेदारी दीं च, त मि ईनाम मा क्य उम्मीद कैरी सकदु? मि कै भि ईनाम की उम्मीद नि कैरी सकदु।

लूका 2:14

सबसे ऊंचो, “स्वर्ग मा परमेश्वर की बड़ै अर धरती मा ऊं मनिख्युं मा जौं बट्टी उ खुश च शान्ति हो।”