1 थिस्सलुनीकी 5:23 - गढवली नयो नियम

²³ अर तुम्हरी आत्मा, प्राण, अर देह तैं अपड़ा प्रभु यीशु मसीह का फिर वापिस आंण का दिन तक पूरा ढंग से निर्दोष अर बचै के रखा; शान्ति दींण वलो पिता परमेश्वर अफी तुम तैं पूरा ढंग से पवित्र कैरो।

Garhwali

²³ हम तुम खुणि प्रार्थना करद्‍यां, कि तुमरि आत्मा, पराण, अर तुमरो सरील हमरा प्रभु यीशु मसीह का औण का दिन तक पूरु निरदोष अर हरेक बुरी बात से बचि के रौ। अर शान्ति देण वळु परमेस्वर तुमतै पूरि तरौं से पवित्र कैरो।

1 थिस्सलुनीकी 5:23 Referans Kwoze

यहूदा 1:24

एकमात्र पिता परमेश्वर ही च जु तुम तैं लमडण बट्टी बचै सकद, अर तुम तैं निर्दोष अर आनन्दित बणै सकद, जब पिता परमेश्वर तुम तैं अपड़ी महिमा मा अपड़ा संमणी खड़ो करद। वेल हम तैं हमारा उद्धारकर्ता प्रभु यीशु मसीह का द्वारा बचै। महिमा, गौरव, सामर्थ अर अधिकार बगत की शुरुआत बट्टी पैली ही वेको ही छो, अब भि वेको ही च, अर हमेशा कु वेको ही रालो। आमीन।

इब्रानी 4:12

किलैकि पिता परमेश्वर कु वचन जीवन, सशक्त अर कै भि द्वी धार वली तलवार बट्टी भि जादा तेज च। व प्राण अर आत्मा तैं, मतलब की ग्रंथियों अर मज्जा का विच्छेद तक पहुचद अर हमारा मन का विचारों तैं परखद।

1 थिस्सलुनीकी 3:13

हम प्रार्थना करदां प्रभु यीशु तुमारा मनों तैं इन मजबूत कैर कि जब हमारो प्रभु यीशु अपड़ा सब पवित्र लुखुं का दगड़ा मा फिर औ त उ हमारा पिता परमेश्वर का संमणी पवित्रता मा निर्दोष ठैरुनु।

1 पतरस 5:10

पिता परमेश्वर जु पूरा ढंग से कृपा करद च, वेल हम तैं मसीह यीशु का दगड़ी कठा कना का कारण स्वर्ग मा पिता परमेश्वर की अनन्त महिमा मा सहभागी हूंणु कु हम तैं चुणि। तुम्हरा थोड़ा बगत कु दुःख सौणा का बाद, पिता परमेश्वर तुम तैं अच्छो बणै दयालो कि तुम मा फिर कुई भंगार नि रौ अर उ तुम्हरा दिलों तैं मजबूत करलो अर वे पर तुम्हरा विश्वास तैं हकीकत मा मजबूत बणै दयालो।

फिलिप्पी 1:10

इलै की तुम जु बात भली छिनी वेको चुनाव कैरी के योग्य बंणि जावा कि मसीह का वापिस आंण तक शुद्ध अर निर्दोष बणयां रावा।

1 पतरस 1:2

पिता परमेश्वर ल भौत पैली ही तुम तैं अपड़ा लोग हूंणु कु अर पवित्र आत्मा का काम का द्वारा तुम तैं पवित्र कनु कु चुणि। वेल इन इलै कैरी कि तुम यीशु मसीह की आज्ञाओं तैं मंणिला अर वेका ल्वे बट्टी शुद्ध हवे सकिला। मि प्रार्थना करदु कि पिता परमेश्वर तुम तैं कृपा अर पूरी शान्ति दयालो।

फिलिप्पी 1:6

मि तैं ईं बात कु पूरो भरोसो च, कि पिता परमेश्वर ल तुम मा भलो काम कन शुरू कैरी, उ ही वे काम तैं मसीह यीशु का औंणा का दिन तक पूरो भि करलो।

2 पतरस 3:14

इलै, हे प्रियों, जबकि तुम वे दिन को जग्वाल करदा जब पिता परमेश्वर दुनिया को न्याय करलो त तुम तैं अपड़ी पूरी कोशिश कन पुड़लो कि उ तुम तैं शुद्ध अर बगैर भंगार का अर अफ दगड़ी शान्ति से पां।

इब्रानी 2:11

किलैकि जु लुखुं तैं ऊंका पापों बट्टी शुद्ध करद अर जु पवित्र किये जयदींनि, द्वी एक ही पिता परमेश्वर की सन्तान छिनी, मतलब कि, परमेश्वर ही ऊंको पिता च, इलै ही प्रभु यीशु विश्वासी लुखुं तैं भैय अर बैंण बुल्ण से नि शर्मांद।

कुलुसी 1:22

पर पिता परमेश्वर अब मसीह शारीरिक देह मा सूली पर मृत्यु का द्वारा तुम्हरो भि मेल कैरेले कि तुम तैं अपड़ा संमणी पवित्र अर बेदाग अर निर्दोष बणै के उपस्थित कैर।

1 कुरिन्थि 14:33

किलैकि पिता परमेश्वर गड़बड़ी कु न, पर शान्ति दींण वलो पिता परमेश्वर च; यु उ नियम च, जु पिता परमेश्वर का लुखुं की मण्डलि मा मणैं जांद।

रोमियों 15:13

मि प्रार्थना करदु, कि पिता परमेश्वर जु आस दींण वलो च, तुम तैं विश्वास कन मा पूरा ढंग से खुशी अर शान्ति बट्टी भोरि द्यो, कि पवित्र आत्मा की सामर्थ बट्टी तुम्हरी आस बढ़दी जौं।

लूका 1:46

तब मरियम ल बोलि, मेरू मन परमेश्वर की बड़ै कनु च।

इब्रानी 13:20

अर अब, शान्ति दींणवलों पिता परमेश्वर, जु हमारा प्रभु यीशु तैं मुर्दों मा बट्टी फिर ज्यूँदो कैरी के ले ऐ, तुम तैं ऊं सभि चीजों बट्टी पूरो कैरो ज्यांकी तुम तैं वेकी इच्छा पूरी कनै की जरूरत च; यीशु मसीह का ल्वे का सामर्थ का द्वारा उ तुम मा उ सभि पैदा कैरो जु वे तैं खुश करदो; यीशु हमेशा की वाचा का द्वारा ढिबरों कु एक महान चरवाहा बंणि गै, जैका द्वारा हमेशा की नई प्रतिज्ञा पर मोहर लगै जांद; वेकी महिमा हमेशा-हमेशा तक हूंदी रौ। आमीन।

रोमियों 15:5

मि प्रार्थना करदु छों, कि धीरज अर हिम्मत कु पिता परमेश्वर तुम तैं मसीह यीशु कु अनुसरण कैरी के एक-दुसरा का दगड़ी शान्ति बट्टी रौंण मा मदद कैरो।

2 थिस्सलुनीकी 3:16

मि प्रार्थना करदु कि प्रभु, जु शान्ति कु स्रोत च उ अफी तुम तैं सदनी हरेक ढंग से शान्ति द्यो; प्रभु तुम सभियूं का दगड़ा मा हमेशा रौ।

फिलिप्पी 4:9

जु तुम ल मि बट्टी सिखिनि, ऊं बातों तैं जु तुम ल मि बट्टी पैनी, अर ऊं उदाहरण तैं जु मिल अपड़ी बातचित अर कामों मा तुम्हरा संमणी रखिनि, तुम तैं ऊं पाठों कु अभ्यास करदी रौंण चयणु च। तब शान्ति कु स्रोत पिता परमेश्वर तुम दगड़ी हमेशा रौलो।

2 कुरिन्थि 5:19

मतलब कि पिता परमेश्वर सभि लुखुं कु एक इन रस्ता बनांणु च कि जु कुछ भि मसीह ल दुनिया मा हम कु कैरी वेका द्वारा परमेश्वर का दगड़ी मेल मिलाप कैर साका, अर लुखुं का पापों कु भंगार ऊं पर नि लगै अर पिता परमेश्वर ल शान्ति का बारा मा वेका शुभ संदेश तैं बांटणो कु काम हम तैं सौंपी द्ये।

खास चेलों 26:18

कि तू ऊंकी आंखा खोल, कि उ अंधेरा बट्टी उज्यला का तरपां, अर शैतान का अधिकार बट्टी पिता परमेश्वर की तरपां फिर; त पिता परमेश्वर ऊंका पापों तैं माफ करलो, अर ऊं लुखुं दगड़ी विरासत मिलो, जु मि पर विश्वास कन से पवित्र किये गैनी’

यूहन्ना 17:19

इन कै लाभ कु मि अफ तैं पवित्र करदु छों कि उ भि सचै का द्वारा पवित्र किये जाला।

यहूदा 1:1

मि यहूदा, जु यीशु मसीह कु एक सेवक अर याकूब कु छुटो भैय तुम तैं य चिठ्ठी लिखणु छो, जै तैं पिता परमेश्वर ल अपड़ा मथि विश्वास कनु कु बुलै। हमारो पिता परमेश्वर तुम बट्टी प्रेम करद अर तुम यीशु मसीह का द्वारा सुरक्षित छा।

1 थिस्सलुनीकी 4:3

पिता परमेश्वर कि मनसा या च कि तुम पवित्र बणा, मतलब कि तुम व्यभिचार नि करयां,

1 कुरिन्थि 1:2

मि य चिठ्ठी पिता परमेश्वर कि वीं विश्वासी मण्डलि कु ज्वा कुरिन्थुस शहर मा छिनी; जु हर जगह हमारा प्रभु अर ऊंका प्रभु मसीह यीशु की स्तुति करदा।

रोमियों 16:20

शान्ति कु पिता परमेश्वर शैतान की शक्तियों तैं नाश कैरी कै वे तैं तुम्हरा अधीन कैरी दयालो। हमारा प्रभु यीशु मसीह की कृपा तुम पर हूंणी रौ।

रोमियों 15:33

मि प्रार्थना करदु, कि पिता परमेश्वर जु शान्ति दींद, तुम सभियूं का दगड़ा मा हो। आमीन।

खास चेलों 20:32

अर अब मि तुम तैं परमेश्वर अर वेकी कृपा का वचन तैं सौंपी दींदो; जु तुम तैं विश्वास मा मजबूत कैरी सकद, अर परमेश्वर तुम तैं उ विरासत दयालो जै तैं दींणो को वादा वेल ऊं सभि लुखुं बट्टी करयूं च जु वेका द्वारा पवित्र किये गैनी।

1 थिस्सलुनीकी 2:19

हमारी य आस या आनन्द या बड़ै कु मुकुट को च? यु तुम ही हवेला जब हमारा प्रभु यीशु मसीह फिर से वापिस आलो।

1 कुरिन्थि 1:30

पर पिता परमेश्वर ल तुम तैं मसीह यीशु का दगड़ी एकजुट कैरी, अर मसीह का द्वारा उ हम तैं अपड़ो ज्ञान दींद। पिता परमेश्वर हम तैं अपड़ी नजर मा धर्मी भि ठैरांद। मसीह का द्वारा हम पवित्र बणयां, अर उ हम तैं पाप बट्टी छुडांद।

1 थिस्सलुनीकी 3:11

“हम प्रार्थना करदां कि हमारा पिता परमेश्वर अर हमारा प्रभु यीशु तुमारा इख आंणु कु हमारो मार्गदर्शन कैरो।”

1 थिस्सलुनीकी 5:22

सब किस्मै कि बुरै बट्टी दूर रावा।

याकूब 1:4

अर अपड़ी अजमैश का बगत यीशु पर अपड़ो विश्वास तैं बणै रखा, कि तुम आत्मिक ढंग बट्टी मजबूत अर पूर्ण अर तुम मा कै भि बात की कमी नि रौ।