1 थिस्सलुनीकी 4:17 - गढवली नयो नियम

¹⁷ वेका बाद हम जु ज्यून्दा छा अर बचयां रौला, ऊंका दगड़ा मा प्रभु बट्टी मिलुणु कु बादलों पर मथि उठै जौला, अर वे बगत बट्टी हम सदनी प्रभु का दगड़ा मा रौला।

Garhwali

¹⁷ तब वेका बाद जु हम वे बगत पर ज्यून्दा अर बच्यां रौला, त ऊंका दगड़ा मा बादळु मा मथि उठये जौला, ताकि प्रभु बटि हम आसमान मा मिली सैका अर तब सदनि खुणि हम प्रभु का दगड़ा मा रौला।

1 थिस्सलुनीकी 4:17 Referans Kwoze

1 कुरिन्थि 15:52

यु अचानक होलो, इथग जल्दी जथग तेजी से कुई अपड़ी आँख तैं झपकांद; जब आखरी तुरै बजै जाली, त जु लोग मोरि गैनी उ हमेशा कु जीवन जींणु कु दुबारा ज्यून्दा किये जाला अर हम जु ज्यून्दा छा, हमारी देह बदली जाली।

दिब्य दरस 11:12

यांका बाद, ऊं द्वी ल स्वर्ग बट्टी एक बुल्ण वला तैं बुल्ण सूंणि, जैल ऊं तैं जोर से धै लगै के बोलि, “इख मथि आ!” जब ऊंका दुश्मनो ल देखि, तब उ एक बादल बट्टी लिपटै के मथि स्वर्ग मा चलि गैनी।

यूहन्ना 14:3

मेरा जांण अर तैयारी कना का बाद तुम कु जगह तैयार करुलु कि फिर तुम मा ऐ के तुम मि दगड़ी रौंणु कु लिजौलु की जख मि रौलु उखि तुम भि रैल्या।

1 थिस्सलुनीकी 4:15

हम प्रभु यीशु का वचन का अनुसार तुम मा इन बुल्दा, कि हम जु ज्यून्दा छा, अर जब तक प्रभु यीशु फिर से वापिस आलो बचयां रौला अर उ विश्वासी जु पैली ही मोरि गैनी, हम बट्टी पैली प्रभु यीशु तैं मिलला।

दिब्य दरस 1:7

सूंणा, उ बादलों का दगड़ी आंण वलो च; अर हर एक आदिम वे तैं दिखलो, इख तक कि जैल मसीह तैं भाला ल छेदी छो उ भि मसीह तैं आंद दिखला, अर धरती का सभि लोग ऊंची आवाज मा रवाला जब उ मसीह तैं दिखला। हाँ, इन ही होलो! आमीन।

खास चेलों 1:9

इन बोलि के देखदी-दिखद पिता परमेश्वर ल यीशु तैं स्वर्ग मा ले लींनि अर एक बादल का कारण उ यीशु तैं और नि देख सकिनि।

यूहन्ना 17:24

हे परमेश्वर, मि चांदु छों की जौं तैं तिल मि तैं दियुं च, जख मि छो, उखि उ भि मि दगड़ी हों की उ मेरा वे महिमा तैं देखा जु तिल मि तैं दीं च, किलैकि तिल दुनिया की उत्पत्ति बट्टी पैली मि बट्टी प्रेम रखि।

यूहन्ना 12:26

जु कुई मेरी सेवा कैर, त उ मेरा चेला बण मेरा पिछनैं चलो, तब जख मि छों उख मेरा सेवक भि होलो जु कुई मेरी सेवा करद, त बुबा वेको आदर करलो।

खास चेलों 8:39

जब उ पांणी बट्टी भैर ऐनी, तब पिता परमेश्वर की आत्मा फिलिप्पुस तैं उठै के ली गै; खजांची ल वे तैं फिर दुबरा नि देखि, पर पिता परमेश्वर ल वे तैं बचै लियेले ईं बात का कारण खुश हवे के उ अपड़ा देश कु वापिस चलि गै।

मत्ती 26:64

यीशु ल वेमा बोलि, “तिल अफी बोलेलि बल्कि मा मि तुम मा इन भि बुल्णु छौं कि अब बट्टी तुम मि मनिख कु नौंनो तैं सर्वशक्तिमान परमेश्वर कि दैंणि तरपां बैठयूं अर आसमान बट्टी बादलों मा सामर्थ का दगड़ी औंण देखि ल्या।”

दिब्य दरस 12:5

तब वीं जनन ल एक लड़का तैं जन्म द्ये पर वे तैं अजगर नि खै साक किलैकि वे तैं तुरंत ही छीनि येल छो अर पिता परमेश्वर अर वेका सिंहासन पर लये गै। उ लड़का एक लूहा की सिटगी का दगड़ी सभि जातियों का लुखुं पर राज्य करलो।

2 कुरिन्थि 5:8

इलै हम निश्चित रौंदियां, अर जब हम मुरुला त प्रभु का दगड़ी रौंण और भि उत्तम समझदियां।

मरकुस 14:62

यीशु ल बोलि, “हां मि छौं” अर तुम मि मनिख कु नौंनो तैं सर्वशक्तिमान परमेश्वर कि दैंणि तरपां बैठयूं अर आसमान बट्टी बादलों मा सामर्थ का दगड़ी औंण देखि ल्या।

फिलिप्पी 1:23

अर मि यूं द्वी का बीच नि जंणदु की कै तैं चुणु, ज्यू त इन बुल्णु च कि मोरि जौं अर सदनी कु यीशु मसीह का दगड़ा मा रौं, किलैकि यु त भौत ही अच्छो च

2 पतरस 3:13

पर हम विश्वासी नया आसमान अर नई धरती को इन्तेजार कना छा जैको पिता परमेश्वर ल वादा कैरी, जख हरेक जगह का लोग पिता परमेश्वर की इच्छा का अनुसार राला।

1 थिस्सलुनीकी 3:13

हम प्रार्थना करदां प्रभु यीशु तुमारा मनों तैं इन मजबूत कैर कि जब हमारो प्रभु यीशु अपड़ा सब पवित्र लुखुं का दगड़ा मा फिर औ त उ हमारा पिता परमेश्वर का संमणी पवित्रता मा निर्दोष ठैरुनु।

1 थिस्सलुनीकी 4:18

इलै यूं बातों बट्टी एक हैंका तैं तसल्ली दिया कैरा।

1 थिस्सलुनीकी 5:10

प्रभु यीशु हम कु इलै मोरि, कि हम चै ज्यून्दा रावा चै मोरि भि जावा, जब प्रभु यीशु ओ त हम सब मिली के वेका दगड़ा मा जीवन पां।