1 थिस्सलुनीकी 4:11 - गढवली नयो नियम

¹¹ अर जन हम ल तुम बट्टी बिनती कैरी उन ही शान्ति से जीवन बसर कैरा अर अपड़ा-अपड़ा कामकाज कैरा अर दूसरों का मामलों मा दखल नि द्या, अपड़ा-अपड़ा हथों ल कमै कने कोशिश कैरा।

Garhwali

¹¹ अर जन हमुन तुमतै आज्ञा दे छै, ठिक उन्‍नि तुम एक-दुसरा तैं बिना तकलीफ दियां अपणु जीवन बसर कैरा। अर अपणा-अपणा काम-काजों मा लग्यां रा, अर अपणा हाथोंळ की मेनत खुद कमै कैरिके अपणु जीवन ज्यां।

1 थिस्सलुनीकी 4:11 Referans Kwoze

इफिसुस 4:28

चोरी कन वलो फिर चोरी नि कैर; पर उ मेहनत कैरा कि हथों ल कैरे गै उपयोगी कामों का द्वारा अन्य लुखुं की भि मदद कैरी सका, जौं तैं कै भि किस्मै कि जरुरत च; इलै कि जै तैं मतलब हो, वे तैं दींणु कु कुछ नि हो।

1 पतरस 3:4

तुम्हरी सुंदरता ईं बात पर निर्भर हूंण चयणी च कि तुम हकीकत मा कु छा, यु एक विनम्र अर शान्त बरतौ च, जु कि पिता परमेश्वर कु भौत अनमोल च।

तीतुस 3:14

भस इथग ही न, त्वे तैं विश्वासियों तैं सिखांदी रौंण चयणु च कि अच्छा कामों कु हमेशा मेहनत कना करा कि ऊं लुखुं की जरूरत पूरी कैर साक जै मा उ सब कुछ नि च, जै तैं यांकि जरूरत च। यु विश्वासियों की मदद करलो कि एक उद्देश्य का दगड़ी अपड़ो जीवन जी साका।

1 तीमुथियुस 2:2

राजाओं कु अर ऊं सभि लुखुं कु प्रार्थना कैरा जु अधिकारी छिनी, कि उ हम तैं शान्ति अर सुरक्षित रौंण मा मदद कैरा, कि हम पिता परमेश्वर की आराधना कैरी साका, अर दूसरों का प्रति हमेशा अच्छो बरतौ रखा।

1 कुरिन्थि 4:12

अर अपड़ा ही हथों का परिश्रम का द्वारा काम करदां; लोग बुरो बुल्दींनि, हम ऊं तैं आशीष दींदयां; उ हम तैं सतांदा छिनी, अर हम सौंदा छा।

1 पतरस 4:15

तुम मा बट्टी कुई आदिम हत्यारो या चोर, या कुकर्मी हूंण, या पराया कामों मा हथ डलण का कारण दुःख नि पां।

1 तीमुथियुस 5:13

अर यांका दगड़ी-दगड़ी उ घौर-घौर रीटिके अलकसी हवे जंदींनि, अर भस अलकसी ही न, पर दुसरा लुखुं का बारा मा चुगली करदी अर और का कामों मा दखल दींदिनि, अर इन बात बुल्दींनि जु बुल्ण लैख नि हूंदींनि।

2 कुरिन्थि 5:9

इलै हमारी मन की मनसा य च, कि हम वे दगड़ी स्वर्ग मा रां, जब हम इख धरती पर रां तभि भि हम पिता परमेश्वर तैं खुश करदी रां।

रोमियों 12:11

भौत परिश्रम कैरा अर आलसी नि बणा पूरा उत्साह का दगड़ी पिता परमेश्वर की सेवा करदी रावा।

खास चेलों 20:35

मिल तुम तैं सभि कुछ कैरी के दिखै, कि कनके मेहनत कैरी के कमजोर लुखुं तैं सम्भलण चयणु च, अर प्रभु यीशु की वचन याद रखण जरूरी च, जु कि वेल अफ ही बोलि, “लींण से दींण जादा धन्य च।”

मरकुस 13:34

मि तुम तैं एक मिसाल सुणांदु जु अब मेरा जांणा का बाद मेरा वापिस आंणु कु एक उदाहरण च या वे मनिख कि तरौं दशा च जु परदेश जांदी बगत अपड़ो घौर छोड़ी कै जौं अर अपड़ा नौकरों तैं हक दे द्यो अर हरेक तैं वेका काम बतै द्यो अर फटक का चौकिदार तैं सजग राणो कु आज्ञा द्यो।

रोमियों 15:20

पर मेरा मन कि अभिलाषा या च, कि शुभ सन्देश प्रचार उ ही जगह मा हो, जख यीशु मसीह का बारा मा अभि तक सुंणै नि गै, उख ही शुभ सन्देश प्रचार सुणो; मि वे घौर बनांण वला मिस्त्री का जन छों, जु कै और की बुनियाद पर निर्माण नि करदो।

खास चेलों 18:3

पौलुस ऊं बट्टी मिलणै गै उ वे जन ही तम्बु बनांण वला छा पौलुस ल वेका दगड़ी रै के काम कैरी; इलै उ ऊंका दगड़ा मा रै।