1 थिस्सलुनीकी 3:13 - गढवली नयो नियम

¹³ हम प्रार्थना करदां प्रभु यीशु तुमारा मनों तैं इन मजबूत कैर कि जब हमारो प्रभु यीशु अपड़ा सब पवित्र लुखुं का दगड़ा मा फिर औ त उ हमारा पिता परमेश्वर का संमणी पवित्रता मा निर्दोष ठैरुनु।

Garhwali

¹³ अर हम तुम खुणि इन्‍नि भि प्रार्थना करद्‍यां, कि प्रभु यीशु तुमरा मनों तैं मजबूत कैरो, ताकि जब उ अपणा पवित्र लोगु का दगड़ा मा अऽ, त तुम हमरा पिता परमेस्वर का समणि वेकी नजर मा पवित्र अर निरदोष ठैरा।

1 थिस्सलुनीकी 3:13 Referans Kwoze

1 थिस्सलुनीकी 5:23

अर तुम्हरी आत्मा, प्राण, अर देह तैं अपड़ा प्रभु यीशु मसीह का फिर वापिस आंण का दिन तक पूरा ढंग से निर्दोष अर बचै के रखा; शान्ति दींण वलो पिता परमेश्वर अफी तुम तैं पूरा ढंग से पवित्र कैरो।

कुलुसी 1:22

पर पिता परमेश्वर अब मसीह शारीरिक देह मा सूली पर मृत्यु का द्वारा तुम्हरो भि मेल कैरेले कि तुम तैं अपड़ा संमणी पवित्र अर बेदाग अर निर्दोष बणै के उपस्थित कैर।

इफिसुस 5:27

मसीह ल इन इलै कैरी कि उ हम सभि विश्वासी लुखुं की मण्डलि तैं एक इन महिमामय झुण्ड बंणै साका जु वे बट्टी जुड़यां छिनी, इन लोग जु मा कुई कमी नि हो, बल्कि उ पूरी रीति पवित्र हों जब उ हम तैं अपड़ा संमणी कठ्ठा करदु।

1 थिस्सलुनीकी 2:19

हमारी य आस या आनन्द या बड़ै कु मुकुट को च? यु तुम ही हवेला जब हमारा प्रभु यीशु मसीह फिर से वापिस आलो।

यहूदा 1:14

अर हनोक जु आदम बट्टी (जु पैलो छो) सातवीं पीढ़ी मा पैदा हवे, यूं लुखुं का बारा मा भविष्यवाणी कैरी छै, जब वेल बोलि, देखा प्रभु निश्चित रूप बट्टी अपड़ा पवित्र स्वर्गदूतों की भौत बड़ी संख्या का दगड़ी आलो

यहूदा 1:24

एकमात्र पिता परमेश्वर ही च जु तुम तैं लमडण बट्टी बचै सकद, अर तुम तैं निर्दोष अर आनन्दित बणै सकद, जब पिता परमेश्वर तुम तैं अपड़ी महिमा मा अपड़ा संमणी खड़ो करद। वेल हम तैं हमारा उद्धारकर्ता प्रभु यीशु मसीह का द्वारा बचै। महिमा, गौरव, सामर्थ अर अधिकार बगत की शुरुआत बट्टी पैली ही वेको ही छो, अब भि वेको ही च, अर हमेशा कु वेको ही रालो। आमीन।

1 थिस्सलुनीकी 4:15

हम प्रभु यीशु का वचन का अनुसार तुम मा इन बुल्दा, कि हम जु ज्यून्दा छा, अर जब तक प्रभु यीशु फिर से वापिस आलो बचयां रौला अर उ विश्वासी जु पैली ही मोरि गैनी, हम बट्टी पैली प्रभु यीशु तैं मिलला।

1 थिस्सलुनीकी 3:11

“हम प्रार्थना करदां कि हमारा पिता परमेश्वर अर हमारा प्रभु यीशु तुमारा इख आंणु कु हमारो मार्गदर्शन कैरो।”

फिलिप्पी 1:10

इलै की तुम जु बात भली छिनी वेको चुनाव कैरी के योग्य बंणि जावा कि मसीह का वापिस आंण तक शुद्ध अर निर्दोष बणयां रावा।

2 थिस्सलुनीकी 2:1

हे विश्वासी भयों, अब हम अपड़ा प्रभु यीशु मसीह का फिर वापिस आंणा का अर वे बगत का बारा मा कुछ लिखणा छा, जब हम वे दगड़ी मिलुला।

2 थिस्सलुनीकी 1:10

या बात तब होलि, जब प्रभु यीशु अपड़ा पवित्र लुखुं मा जु वे पर विश्वास करदींनि महिमा पांणु कु वापिस आलो जु प्रभु बट्टी जुड़यां छिनी; किलैकि तुम ल प्रभु पर विश्वास कैरी छो जैका बारा मा हम ल तुम तैं गव्है द्ये छै।

रोमियों 16:25

अब जै शुभ सन्देश कु मि प्रचार करदु, मतलब यीशु मसीह का बारा मा प्रचार का अनुसार जु तुम तैं विश्वास मा मजबूत बणांद, वे भेद का प्रकाश का अनुसार जु हमेशा बट्टी छिप्युं रै।

रोमियों 14:4

इलै तुम तैं कैका दास कु न्याय नि कन चयणु च; चाहे उ भलो कैरो या बुरो कैरो, यु वेका मालिक की जिम्मेदारी च। पर उ भलो ही करलो, किलैकि प्रभु भलो कन मा वेकी मदद करदो।

1 पतरस 5:10

पिता परमेश्वर जु पूरा ढंग से कृपा करद च, वेल हम तैं मसीह यीशु का दगड़ी कठा कना का कारण स्वर्ग मा पिता परमेश्वर की अनन्त महिमा मा सहभागी हूंणु कु हम तैं चुणि। तुम्हरा थोड़ा बगत कु दुःख सौणा का बाद, पिता परमेश्वर तुम तैं अच्छो बणै दयालो कि तुम मा फिर कुई भंगार नि रौ अर उ तुम्हरा दिलों तैं मजबूत करलो अर वे पर तुम्हरा विश्वास तैं हकीकत मा मजबूत बणै दयालो।

1 कुरिन्थि 15:23

पर हर आदिम एक ठिक ढंग से ज्यूँदो किये जालो; मसीह पैलो आदिम छो, जै तैं ज्यूँदो किये गै; फिर जब मसीह वापिस आलो त उ सभि जु वे पर विश्वास करदींनि ऊं तैं दुबारा ज्यूँदो किये जालो।

मत्ती 25:31

जब मि मनिख कु नौंनो अपड़ी महिमा मा आलो अर सब स्वर्गदूत वे दगड़ी आला त उ अपड़ी महिमा का सिंहासन पर विराजमान होलो।

मरकुस 8:38

जु कुई यु व्यभिचारी अर पापी जाति का बीच मा मि अर मेरी बातों सै शर्मालो मि मनिख कु नौंनो भि जब उ पवित्र स्वर्गदूत का दगड़ा मा अपड़ा बुबा बड़ी महिमा का प्रकाश मा आलो त तब उ भि ऊंको इन्कार कैरी दयालो।”

लूका 1:6

अर उ द्वी परमेश्वर का संमणी धर्मी छा अर प्रभु कि सभि आज्ञा अर विधियों पर निर्दोष चलदा छा। अर ऊंकी कुई सन्तान नि छै

गलातियों 1:4

हमारा परमेश्वर अर पिता की मनसा का अनुसार मसीह यीशु ल अपड़ा आप तैं हमारा पापों का कारण बलिदान कैरी दींनि, कि उ हम तैं ऊं बुरी शक्तियों बट्टी छुड़ो जु आज दुनिया मा काम कनी छिनी।

1 थिस्सलुनीकी 3:2

अर हम ल तीमुथियुस कु जु मसीह का शुभ सन्देश मा हमारो भैय, अर पिता परमेश्वर कु सेवक च, वे तैं तुम मा भेजि, कि उ तुम तैं मजबूत कैरो; अर तुम्हरा विश्वास का बारा मा तुम तैं मदद कैरो।

1 थिस्सलुनीकी 4:17

वेका बाद हम जु ज्यून्दा छा अर बचयां रौला, ऊंका दगड़ा मा प्रभु बट्टी मिलुणु कु बादलों पर मथि उठै जौला, अर वे बगत बट्टी हम सदनी प्रभु का दगड़ा मा रौला।

2 थिस्सलुनीकी 1:7

अर तुम तैं क्लेश की पिड़ा मा रौंण नि दयालो; यु तब होलो जबकि प्रभु यीशु अपड़ा सामर्थी स्वर्गदूतों का दगड़ा मा धधकीं आग मा घिरयूं स्वर्ग मा बट्टी प्रगट होलो।

याकूब 5:8

उन ही तुम भि सब्र रखा, अर उम्मीद नि छोड़ा किलैकि प्रभु को औंणो वलो दिन नजदीक च।