1 थिस्सलुनीकी 2:19 - गढवली नयो नियम

¹⁹ हमारी य आस या आनन्द या बड़ै कु मुकुट को च? यु तुम ही हवेला जब हमारा प्रभु यीशु मसीह फिर से वापिस आलो।

Garhwali

¹⁹ अर फिर हमरि आस को कारण तुम ही त छाँ, किलैकि प्रभु यीशु का औण तक अगर जु तुम बिस्वास मा बणयां रैल्या त वेका समणि हिम्मत से खड़ा ह्‍वेल्या। तब तुम ही हम खुणि वु इनाम ह्‍वेल्या जौं तैं देखि के हमतै बड़ु गर्व होलु, अर तब हमरि खुशी को कुई ठिकाणु नि होलु।

1 थिस्सलुनीकी 2:19 Referans Kwoze

फिलिप्पी 4:1

मेरा प्रिय विश्वासी भयों जौं बट्टी मि प्रेम करदु, मि तैं तुम लुखुं बट्टी मिलणै की भौत इच्छा च, जु मेरू आनन्द अर मुकुट हो, हे विश्वासी प्रिय भयों, प्रभु मा इन ही कै विश्वास मा मजबूत बंणयां रावा।

1 थिस्सलुनीकी 3:13

हम प्रार्थना करदां प्रभु यीशु तुमारा मनों तैं इन मजबूत कैर कि जब हमारो प्रभु यीशु अपड़ा सब पवित्र लुखुं का दगड़ा मा फिर औ त उ हमारा पिता परमेश्वर का संमणी पवित्रता मा निर्दोष ठैरुनु।

फिलिप्पी 2:16

कि मसीह का फिर से औंणा का दिन मि तैं घमंड कनु कु कारण हो कि मेरी कोशिश अर मेरी मेहनत बेकार नि रौ।

1 थिस्सलुनीकी 5:23

अर तुम्हरी आत्मा, प्राण, अर देह तैं अपड़ा प्रभु यीशु मसीह का फिर वापिस आंण का दिन तक पूरा ढंग से निर्दोष अर बचै के रखा; शान्ति दींण वलो पिता परमेश्वर अफी तुम तैं पूरा ढंग से पवित्र कैरो।

1 कुरिन्थि 15:23

पर हर आदिम एक ठिक ढंग से ज्यूँदो किये जालो; मसीह पैलो आदिम छो, जै तैं ज्यूँदो किये गै; फिर जब मसीह वापिस आलो त उ सभि जु वे पर विश्वास करदींनि ऊं तैं दुबारा ज्यूँदो किये जालो।

मत्ती 16:27

जब मि मनिख कु नौंनो अपड़ा स्वर्गदूतों का दगड़ी अपड़ा बुबा कि महिमा मा आलो वे बगत उ हर एक तैं वेका कामों का अनुसार प्रतिफल दयालो।

1 यूहन्ना 2:28

इलै हे नौंनो, मसीह का दगड़ी एकता मा हमेशा बणयां रावा, कि जब उ फिर से प्रगट होलो, त हम तैं हिम्मत हो, अर हम वेका आंण पर वेका संमणी लज्जित नि हो।

दिब्य दरस 22:12

“तब प्रभु यीशु ल बोलि; मि जल्द ही औलु; अर लुखुं ल जु-जु काम करिनि, मि ऊं तैं ऊंका कामों तैं देख के ईनाम अर सजा दयुलु।”

दिब्य दरस 1:7

सूंणा, उ बादलों का दगड़ी आंण वलो च; अर हर एक आदिम वे तैं दिखलो, इख तक कि जैल मसीह तैं भाला ल छेदी छो उ भि मसीह तैं आंद दिखला, अर धरती का सभि लोग ऊंची आवाज मा रवाला जब उ मसीह तैं दिखला। हाँ, इन ही होलो! आमीन।

तीतुस 2:13

हम इन बरतौ कैरा, जब हम आस का दगड़ी वे महान दिन का जुगाल करदां जब यीशु मसीह, जु हमारा महान पिता परमेश्वर अर उद्धारकर्ता च, अपड़ी सैरी महिमा का दगड़ी धरती पर वापिस आलो।

1 थिस्सलुनीकी 4:15

हम प्रभु यीशु का वचन का अनुसार तुम मा इन बुल्दा, कि हम जु ज्यून्दा छा, अर जब तक प्रभु यीशु फिर से वापिस आलो बचयां रौला अर उ विश्वासी जु पैली ही मोरि गैनी, हम बट्टी पैली प्रभु यीशु तैं मिलला।

यहूदा 1:24

एकमात्र पिता परमेश्वर ही च जु तुम तैं लमडण बट्टी बचै सकद, अर तुम तैं निर्दोष अर आनन्दित बणै सकद, जब पिता परमेश्वर तुम तैं अपड़ी महिमा मा अपड़ा संमणी खड़ो करद। वेल हम तैं हमारा उद्धारकर्ता प्रभु यीशु मसीह का द्वारा बचै। महिमा, गौरव, सामर्थ अर अधिकार बगत की शुरुआत बट्टी पैली ही वेको ही छो, अब भि वेको ही च, अर हमेशा कु वेको ही रालो। आमीन।

1 पतरस 5:4

जब यीशु मसीह, जु कि हमारो प्रधान चरवाहा च, दुबरा वापिस आलो, तब तुम तैं एक ईनाम दिये जालो जु कभी भि अपड़ी चमक तैं नि खोलो।

2 थिस्सलुनीकी 1:7

अर तुम तैं क्लेश की पिड़ा मा रौंण नि दयालो; यु तब होलो जबकि प्रभु यीशु अपड़ा सामर्थी स्वर्गदूतों का दगड़ा मा धधकीं आग मा घिरयूं स्वर्ग मा बट्टी प्रगट होलो।

1 कुरिन्थि 4:5

इलै प्रभु का वापिस आंण तक कै तैं भि नि परखा, उ पूरा ढंग से ऊं सभि विचारों तैं बतालो जु लोग सुचदींनि, ज्यांका बार मा कुई भि नि जंणद, त अंधेरा मा छिपी बातों तैं उज्यला मा दिखालो, अर मांणा के उद्देश्यों तैं प्रगट करलो, तब पिता परमेश्वर का तरपां बट्टी हर एक की प्रशंसा होली।

1 थिस्सलुनीकी 2:20

हमारी बड़ै अर खुशी तुम ही छा।

मरकुस 8:38

जु कुई यु व्यभिचारी अर पापी जाति का बीच मा मि अर मेरी बातों सै शर्मालो मि मनिख कु नौंनो भि जब उ पवित्र स्वर्गदूत का दगड़ा मा अपड़ा बुबा बड़ी महिमा का प्रकाश मा आलो त तब उ भि ऊंको इन्कार कैरी दयालो।”

यूहन्ना 21:22

यीशु ल वेको बोलि, “जु मि चौं कि उ मेरा लौटण तक ज्यूँदो रौ, त त्वे तैं क्य? तु मेरू चेला बंणि रै।”

2 थिस्सलुनीकी 1:4

इलै हम पिता परमेश्वर कि मण्डलियों मा विश्वासियों का बारा मा घमण्ड करदां, कि जथग दुःख अर क्लेश तुम सिणा छा, फिर भि तुम यु तैं बड़ा धीरज का दगड़ी लगातार सहन करदां अर यीशु मसीह पर विश्वास पर विश्वास करदां।

2 थिस्सलुनीकी 2:1

हे विश्वासी भयों, अब हम अपड़ा प्रभु यीशु मसीह का फिर वापिस आंणा का अर वे बगत का बारा मा कुछ लिखणा छा, जब हम वे दगड़ी मिलुला।

याकूब 5:7

इलै हे विश्वासी भयों, प्रभु का औंण वला दिन तक सब्र रखा, जन किसान खेती की मूल्यवान फसल तैं कन जुगल्णु रौंदो अर पैली अर आखिर बरखा तक सब्र रखदो; कि फसल बढ़ौ अर कटणु कु तैयार हो।

याकूब 5:8

उन ही तुम भि सब्र रखा, अर उम्मीद नि छोड़ा किलैकि प्रभु को औंणो वलो दिन नजदीक च।

2 पतरस 1:16

जब हम प्रेरितों ल तुम तैं हमारा प्रभु यीशु मसीह की सामर्थ अर वापिस आंणा का बारा मा प्रचार कैरी, त हम तुम तैं चालाकी ल कुछ बंणि बणै मिसाल नि बतांणा छा। बल्कि, हम ल मसीह का प्रताप तैं खुद भि देखि।

2 पतरस 3:4

अर उ बुलला, मसीह को आंणो को वादा सच नि च! उ कभी नि आलो किलैकि जु शुरुवाती बगत मा हमारा अगुवा छा, उ सब मोरि गैनी पर फिर भि कुछ भि नि बदली। चीज उन ही के हूंदी जन उ तब बट्टी हूंदी ऐनी जब पिता परमेश्वर ल दुनिया की सृष्टि कैरी।