1 थिस्सलुनीकी 2:12 - गढवली नयो नियम

¹² कि तुमारो चाल-चलण पिता परमेश्वर का लैख हो जु तुम तैं अपड़ा राज्य अर महिमा मा भागिदार हूंणु कु बुलांद।

1 थिस्सलुनीकी 2:12 Referans Kwoze

इफिसुस 4:1

इलै मि जु कैद मा छों किलैकि प्रभु यीशु कि सेवा करदु छों तुम बट्टी बिनती करदु छों, कि जीं बुलाहट का दगड़ी परमेश्वर ल तुम तैं अपड़ी संतान हूंणु कु बुलै, वेका लैख अपड़ा जीवन तैं ज्यां,

1 यूहन्ना 2:6

जु कुई यु बुल्दो, कि पिता परमेश्वर का दगड़ी हमारो सम्बन्ध च, उ खुद भि वे बट्टा पर चल्दो जै पर यीशु चल्दु छो।

1 थिस्सलुनीकी 4:12

कि अविश्वासी, देखा कि तुम हर दिन कन बरतौ करदां, अर तुम्हरो आदर कैरा, अर ज्यां भि चीजों की तुम तैं जरूरत च वां कु तुम तैं कै और पर भि निर्भर नि रौंण पुड़लो।

1 पतरस 5:10

पिता परमेश्वर जु पूरा ढंग से कृपा करद च, वेल हम तैं मसीह यीशु का दगड़ी कठा कना का कारण स्वर्ग मा पिता परमेश्वर की अनन्त महिमा मा सहभागी हूंणु कु हम तैं चुणि। तुम्हरा थोड़ा बगत कु दुःख सौणा का बाद, पिता परमेश्वर तुम तैं अच्छो बणै दयालो कि तुम मा फिर कुई भंगार नि रौ अर उ तुम्हरा दिलों तैं मजबूत करलो अर वे पर तुम्हरा विश्वास तैं हकीकत मा मजबूत बणै दयालो।

1 थिस्सलुनीकी 5:24

तुमारो बुलांण वलो विश्वासयोग्य च, इलै उ तुम तैं पवित्र हूंणु कु बुलांद, त उ तुम तैं पवित्र हूंणा का लैक भि बणालो।

कुलुसी 1:10

हम यु प्रार्थना करदा कि तुम उन ही के जीवन जिया जन प्रभु चांदो च अर प्रभु सभि बातों मा तुम बट्टी खुश हो, अर तुमारा जीवन मा हरेक किस्मै का भला कामों का फल लगुनु अर तुम परमेश्वर की पछयांण मा बढ़दी जावा,

इफिसुस 5:8

किलैकि तुम खुद अंधेरा मा रौंदयां, पर जब बट्टी तुम प्रभु का लोग बंणया, तुम उज्यला छा। इलै तुम तैं ऊं लुखुं का जन जींण चयणु च जु उज्यला मा बट्टी जुड़यां छिनी।

1 पतरस 2:9

पर तुम इन नि छा किलैकि तुम पिता परमेश्वर का चुणयां लोग छा, तुम पिता परमेश्वर का याजक छा, जु राजा च तुम पिता परमेश्वर से जुड़िया लोग छा वेल तुम तैं अंधेरा बट्टी अपड़ी अद्भुत उज्यला मा बुलै, कि तुम पिता परमेश्वर का अद्भुत कामों का बारा मा बतै साका।

1 थिस्सलुनीकी 4:1

हे विश्वासी भयों, हम तुम बट्टी बिनती कना छा अर तुम तैं प्रभु यीशु मा समझौंणा छा कि जन तुम ल हम बट्टी प्रभु का लैख जीवन बसर कन सीखी अर पिता परमेश्वर तैं खुश कन सीखी अर जन तुम ज्यूंदा भि छा, अर हम तुम तैं इन कनु कु और भि प्रोत्साहित करदां।

कुलुसी 2:6

इलै जन तुम ल मसीह यीशु तैं प्रभु मांणी के अपणे, उन ही वे दगड़ी चलदी रावा

इफिसुस 5:2

मसीह का उदाहरण का अनुसरण करद ही, दुसरा का प्रति प्रेम बट्टी भुर्युं जीवन बितावा, जैल तुम बट्टी प्रेम कैरी अर तुमारा पापों तैं उठाणै कु अफ तैं बलिदान कैरी, अर परमेश्वर खुश इलै छों, किलैकि उ बलिदान वेकु खुशबुदार इत्र का जन छों।

गलातियों 5:16

पर मि तुम बट्टी बुल्णु छों, कि तुम पवित्र आत्मा तैं अपड़ा जीवन मा अगुवे कन द्या। तब तुम अपड़ा पापमय शारीरिक लालसाओं का अनुसार जीवन नि जीला।

1 कुरिन्थि 1:9

पिता परमेश्वर इन करलो, किलैकि उ अपड़ा बुल्णा का अनुसार विश्वासयोग्य च, कि उ जु बुल्द उ करद च, अर वेल हम तैं अपड़ा नौंना, हमारा प्रभु यीशु मसीह का दगड़ी एक रिश्ता मा बुल्युं च।

फिलिप्पी 1:27

भस इथग कैरा कि तुमारो चाल-चलन यीशु मसीह का शुभ सन्देश का लैख हो तब चै मि तुम तैं ऐ के देखु, या फिर नि भि औं, पर तुमारा बारा मा इन ही सूंणु कि तुम एक ही मन छा, अर एक ही मनसा रखि के शुभ संदेश का विश्वास कु सदनी मेहनत करदां।

1 पतरस 3:9

बुरै का बदला मा बुरै नि कैरा अर न गल्ली का बदला मा गल्ली द्या; पर यांका विपरीत आशीष ही द्या; पिता परमेश्वर ल तुम तैं बुलै कि तुम दूसरों तैं आशीष दे साका। जु तुम इन करदा त पिता परमेश्वर भि तुम तैं आशीष दयालो।

2 तीमुथियुस 1:9

पिता परमेश्वर ल ही हम तैं बचै के उद्धार प्रदान कैरी, अर हम तैं एक पवित्र जीवन ज्यूंणु कु बुलै, वेल हम तैं इलै नि चुणि किलैकि हम ल अच्छा काम करिनी पर य वेकी दया का अनुसार च, जु शुरुवात बट्टी मसीह यीशु मा हमेशा से हम पर हवे।

रोमियों 8:28

हम जंणदा छा, कि जु लोग परमेश्वर बट्टी प्रेम रखदींनि, मतलब ऊंकु ही जु वेकी ही इच्छा का अनुसार चलदींनि जूं तैं वेको चुणयूं च, ऊं लुखुं कु पिता परमेश्वर सभि बातों कु भलै कु ही करद,

रोमियों 8:30

फिर जौं तैं वेल पैली बट्टी ठैराये, ऊं तैं चुणि भि च, अर जौं तैं चुणयूं च, ऊं तैं धर्मी भि ठैराये, अर जौं तैं धर्मी ठैराये, ऊं तैं अपड़ी बडै मा भि हकदार बंणै।

2 कुरिन्थि 4:6

इलै कि पिता परमेश्वर ल बोलि, “अंधेरा मा बट्टी उज्यलो चमकी” अर पिता परमेश्वर ल उज्यला का जन हमारा मनों मा समझ द्ये, कि हम पिता परमेश्वर की महिमा तैं देख सका जु यीशु मसीह मा प्रगट हूंदी।

2 थिस्सलुनीकी 1:10

या बात तब होलि, जब प्रभु यीशु अपड़ा पवित्र लुखुं मा जु वे पर विश्वास करदींनि महिमा पांणु कु वापिस आलो जु प्रभु बट्टी जुड़यां छिनी; किलैकि तुम ल प्रभु पर विश्वास कैरी छो जैका बारा मा हम ल तुम तैं गव्है द्ये छै।

2 पतरस 1:3

पिता परमेश्वर ल अपड़ी सामर्थ का द्वारा हम तैं उ सब द्ये जु हम तैं एक ईश्वरीय जीवन जींणु कु चयणी च जु पिता परमेश्वर तैं खुश करदी। यु संभव च किलैकि हम पिता परमेश्वर तैं जंणदा छा अर उ, उन ही च जैल हम तैं अपड़ी महिमा अर नैतिक अच्छै का द्वारा अपड़ा लोग हूंणु कु बुलै।

3 यूहन्ना 1:6

ऊंमा बट्टी कुछ लुखुं ल मण्डलि का विश्वासियों का दगड़ी तेरा प्रेम का बारा मा बतै जु तु अपड़ा विश्वासियों बट्टी करदी। अब मि त्वे कु बुल्णु छो, कि तु इन विश्वासी दगड़ियों कि मदद कैरी जु एक जगह बट्टी दुसरी जगह शुभ संदेश कु प्रचार कनु कु यात्रा करदा छिनी, किलैकि इन कन पिता परमेश्वर तैं अच्छो लगद।