1 थिस्सलुनीकी 2:11 - गढवली नयो नियम

¹¹ जन तुम जंणदा छा, कि जन बुबा अपड़ा नौंनो का दगड़ी बरतौ करदो उन ही हम भि तुम मा बट्टी हरेक तैं तसल्ली दींद छा अर उपदेश दींद छा अर समझौंदा छा।

Garhwali

^11-12 तुम अच्छी तरौं से ही जणद्‍यां कि जन बुबा अपणा नौनो तैं हिम्मत अर दिलासा देन्दु, ठिक उन्‍नि प्यारु व्यौहार हम भि तुमरा दगड़ा मा रखद्‍यां, ताकि तुमरो चाल-चलन परमेस्वर तैं पसन्द औण वळु हो। अर वु ही च जु कि तुमतै अपणा राज को सदस्य बणाणु खुणि अर अपणी महानता को भागी होणु खुणि बुलान्दु।

1 थिस्सलुनीकी 2:11 Referans Kwoze

इब्रानी 13:22

हे मेरा विश्वासी भयों, मि तुम बट्टी बिनती करदु, कि ईं चिठ्ठी का संदेश की बातों तैं धीरज ल सुणदी रावा, जु मिल तुम तैं प्रोत्साहित कनु कु लिखीं छिनी। मिल तुम तैं ईं चिठ्ठी मा भौत जादा बात नि लिखिनि

1 तीमुथियुस 5:21

पिता परमेश्वर, अर मसीह यीशु, अर चुणयां स्वर्गदूतों तैं गवाह जांणि के मि त्वे तैं चितौंणु छौं, कि जु कुछ भि तु करदी, खुला मन बट्टी यूं बातों तैं मांणा कैर, अर कुई भि काम पक्षपात नि कैरा कर।

2 थिस्सलुनीकी 3:12

इन्दारया लुखुं तैं हम अधिकार ल जु हम तैं प्रभु यीशु मसीह बट्टी मिली आज्ञा दींणा अर समझौंणा छा, कि उ चुपचाप रै के अपड़ा कामकाज कैरी कै अर अपड़ी कमै कि रुटि खयां कैरा।

1 थिस्सलुनीकी 5:11

इलै एक हैंका तैं प्रोत्साहित कैरा, अर एक हैंका तैं मजबूत बणा, जन की तुम करदां भि छा।

1 थिस्सलुनीकी 2:7

पर जन ब्वे अपड़ा नौंनो कु पालन-पोषण करदी, उन ही हम ल भि तुमारा बीच मा रै के मसीह की दया भाव को बरतौ दिखै

तीतुस 2:15

इलै, तीतुस मि चांणु छों कि तू क्रेते टापू का विश्वासियों तैं यूं बातों तैं सिखौ जु मिल त्वे तैं बतै, अपड़ा लुखुं तैं इन कनु कु प्रोत्साहित कैर; कुई भि तेरु अनादर नि कन पौ।

तीतुस 2:6

इन ही जवान आदमियों तैं भि समझाया कैर कि उ धीरजवान हूंनु।

1 तीमुथियुस 6:17

ईं दुनिया का अमीरों तैं आज्ञा दे कि उ घमण्डी नि हूंनु, अर धन पर भरोसो नि रखा जु कुछ ही देर कु ही च, पर पिता परमेश्वर पर ही आस रखुनु, जु भौताईत ल हम तैं सभि चिज्युं तैं दींद, जु आज हम म च।

1 तीमुथियुस 6:13

मि त्वे तैं इन आज्ञा दींणु छौं, कि पिता परमेश्वर को गवाह बंणि कै, जु हरेक को जीवनदाता च, अर दगड़ा मा मसीह यीशु कु भि गवाह बंणि कै, जैल मजबूत हवे के सच बोलि जब वे तैं पुन्तियुस, पिलातुस का समणी मुकदमा कु लये गै

1 तीमुथियुस 6:2

अर जौं का स्वामि विश्वासी छिन, ऊं तैं उ विश्वासी भैय समझी के सही सम्मान द्या; बल्कि ऊंकी और भि सेवा कैरा, किलैकि यां बट्टी फैदा उठांण वला विश्वासी अर मसीह मा भैय का रूप मा प्रेम करदींनि। यूं बातों कु पालन कनु कु सभियूं तैं उत्साहित कनु रौ।

1 तीमुथियुस 5:7

तू विश्वासियों तैं यूं आज्ञाओं तैं दींद रौ ज्यां ल कुई भि ऊं पर भंगार नि लगौ।

1 थिस्सलुनीकी 4:1

हे विश्वासी भयों, हम तुम बट्टी बिनती कना छा अर तुम तैं प्रभु यीशु मा समझौंणा छा कि जन तुम ल हम बट्टी प्रभु का लैख जीवन बसर कन सीखी अर पिता परमेश्वर तैं खुश कन सीखी अर जन तुम ज्यूंदा भि छा, अर हम तुम तैं इन कनु कु और भि प्रोत्साहित करदां।

खास चेलों 20:2

वे सैरा प्रदेश मा बट्टी हवे अर चेलों तैं भौत हिम्मत बढ़ै कै उ यूनान प्रान्त, जै तैं अखाया प्रान्त भि बुलै जांदु चलि गै।

तीतुस 2:9

विश्वासी जु दास छिनी, ऊं तैं सिखौ कि वे उ सब कैरा जु ऊंको मालिक ऊं तैं कनु कु बोलु, ऊं तैं बतौ कि उ हर बात मा अपड़ा मालिकों तैं खुश कनै की कोशिश कैरा अर ऊं दगड़ी वाद-विवाद नि करुनु।

इफिसुस 4:17

इलै कि वे अधिकार का दगड़ी जु प्रभु ल मि तैं दियुं च, कि मि तुम तैं यु बुल्णु छों कि जन अन्यजाति का लोग अपड़ा मन कि बेतुकी बातों कि चिंता करदींनि, तुम अब फिर नि चल्यां।

लूका 16:28

किलैकि मेरा पाँच भैय छिन अर मि चांदों छों की उ जौं अर मेरा भयों तैं चेतावनी द्या, इन नि हो कि उ भि ई दुख भरीं जगह ऐ।

1 थिस्सलुनीकी 4:6

कि ईं कै कुई भि अपड़ा विश्वासी भैय का विरोध मा पाप नि करो, किलैकि प्रभु यीशु ऊं तैं दण्ड दयालो जु इन सभि कामों तैं करदींनि; जन कि हम ल पैली तुम मा बोलि छो, अर चितै भि छो।

1 थिस्सलुनीकी 5:14

हे विश्वासी भयों, हम तुम बट्टी बिनती कना छा, कि ऊं लुखुं तैं चिता जु आलसी छिनी, ऊं लुखुं तैं प्रोत्साहित कैरा जु डरपोक छिनी, ऊं तैं ढांढस द्यावा जु कमजोर छिनी, ऊं तैं सम्भाला सभियूं दगड़ी शहनशीलता कु बरतौ कैरा।

3 यूहन्ना 1:4

जब भि मि यु सुणदु छो कि उ लोग जु मेरा नौंना का जन छिनी, अर उ उन के जीवन ज्यूदींनि, जु सच मा पिता परमेश्वर ल हम तैं बतै, त यां बट्टी मि तैं और भि जादा खुशी मिलदी।

2 थिस्सलुनीकी 2:5

नि भूला कि मि हमेशा तुम तैं य बात बतौंदु छो, जब मि तुम दगड़ी छो।