1 थिस्सलुनीकी 1:3 - गढवली नयो नियम

³ अर जब हम अपड़ा पिता परमेश्वर बट्टी प्रार्थना करदां, तब हम तुम्हरा ऊं कामों तैं याद करद्यां जु तुम विश्वास का कारण करदां अर विश्वासियों की मदद कनु कु जु कड़ी मेहनत करदां किलैकि तुम उ बट्टी प्रेम करद्यां, अर दुखों तैं सौंदयां किलैकि तुम प्रभु यीशु मसीह का वापिस लौटणैं की आस करद्यां।

Garhwali

³ किलैकि पिता परमेस्वर पर बिस्वास रखी के जु-जु काम तुमुन करिनी, वु सब हम अपणी प्रार्थनाओं मा याद रखद्‍यां। अर जै प्यार का दगड़ा मा तुमुन मेनत कैरी, अर सबर रखी के तुमुन प्रभु यीशु मसीह पर अपणी ज्वा आस रखी च, वु सब भि हम याद करद्‍यां।

1 थिस्सलुनीकी 1:3 Referans Kwoze

1 कुरिन्थि 13:13

इलै, अब यु तीन काम छिनी जु हम तैं कन चयणु च; पिता परमेश्वर पर विश्वास कन, पिता परमेश्वर का वादों मा आस रखण, अर दूसरों बट्टी प्रेम कन; पर यु तिन्युं मा, एक-दूसरों बट्टी अर परमेश्वर बट्टी प्रेम कन बढ़ि के च।

दिब्य दरस 2:19

मि जंणदु छो कि तुम एक दुसरा बट्टी प्रेम करदा अर तुम मि पर मजबूत हवे के विश्वास करदा। मि जंणदु छो कि तुम ल कन के एक दुसरा की मदद कैरी, अर तुम्हरा सौणै की क्षमता भि जंणदु छो। मि जंणदु छो कि तुम अब यूं भला काम वे बगत बट्टी कना छा जब तुम ल मि पर विश्वास कैरी छो।

गलातियों 5:6

जु तुम मसीह यीशु का चेला छा त ईं बात से कुछ फर्क नि पुड़दो कि तुम्हरो खतना हुयुं च या न, पर खास बात य च कि हम मसीह पर विश्वास करदां अर पिता परमेश्वर अर और लुखुं का प्रति प्रेम करदां।

2 थिस्सलुनीकी 1:11

इलै हम तुम कु सदनी प्रार्थना भि करदां, कि हमारो पिता परमेश्वर तुम तैं वे जीवन का लैक बणै द्यो जै तैं जींणु कु पिता परमेश्वर ल तुम तैं बुलै भि च। उ अपड़ी सामर्थ का द्वारा तुम्हरो मार्गदर्शन करो कि तुम्हरी सभि भली मनसा पूरी हों अर जु कुछ भि तुम विश्वास बट्टी करदां उ पूरो हो,

1 यूहन्ना 5:3

पिता परमेश्वर बट्टी प्रेम कनु कु चिन्ह यो च, कि हम वेकी आज्ञाओं को पालन कैरा; अर वेकी आज्ञा मनण कठिन नि छिनी।

गलातियों 6:9

हम भला कामों तैं कन मा निराश नि हों, किलैकि जु हम कभी हार नि मांणा, त पिता परमेश्वर का अपड़ा बगत पर हम ईनाम पौला।

रोमियों 15:13

मि प्रार्थना करदु, कि पिता परमेश्वर जु आस दींण वलो च, तुम तैं विश्वास कन मा पूरा ढंग से खुशी अर शान्ति बट्टी भोरि द्यो, कि पवित्र आत्मा की सामर्थ बट्टी तुम्हरी आस बढ़दी जौं।

1 यूहन्ना 3:3

अर जु कुई मसीह पर यु आस रखदो, उ अपड़ा आप तैं उन ही पवित्र करदो, जन उ पवित्र च।

1 थिस्सलुनीकी 3:6

पर अब तीमुथियुस जु तुम्हरा इख बट्टी हम मा वापिस ऐ गै वेल इख ऐ के तुम्हरा विश्वास कु अर प्रेम कु शुभ सन्देश प्रचार सुणै, अर या बात भि सुणै, कि तुम सदनी प्रेम का दगड़ी हम तैं याद करद्यां, अर हम तैं दिखणै की लालसा करद्यां, जन हम भि तुम तैं दिखण की लालसा करदां।

1 यूहन्ना 3:18

हे मेरा प्रिय नौंनो, हम सचै का द्वारा दूसरों की मदद कैरी के दूसरों तैं अपड़ो प्रेम दिखै सकदां पर न की जीभ ल बोलि के।

इब्रानी 10:36

अभि तुम तैं धीरज का दगड़ी सौण की जरूरत च; तब तुम पिता परमेश्वर की इच्छा तैं पूरी करला अर तुम तैं उ सभि चीज मिललि जैको पिता परमेश्वर ल वादा कैरी।

1 कुरिन्थि 15:58

इलै हे विश्वासी भयों, अपड़ा विश्वास मा मजबूत रावा अर गलत शिक्षाओं का द्वारा नि भटका, प्रभु कु जु काम तुम कना छा वेमा हमेशा बढ़णा रावा, अर यु जांणा, कि जु कुछ भि तुम प्रभु कु करीला वेको ईनाम तुम तैं जरुर मिललो।

2 थिस्सलुनीकी 1:3

हे विश्वासी भयों, तुमारा बारा मा हम तैं हमेशा पिता परमेश्वर कु धन्यवाद कन चयणु च, अर इन कन हम कु ठिक भि च इलै की तुम प्रभु यीशु मसीह मा लगातार जादा से जादा विश्वास करदां अर तुम सभियूं कु प्रेम आपस मा भौत ही बढ़दी जांद।

1 यूहन्ना 3:21

हे प्रियों, जु हमारो मन हम तैं भंगार नि द्यो, त हम तैं परमेश्वर का संमणी साहस हो।

1 पतरस 3:4

तुम्हरी सुंदरता ईं बात पर निर्भर हूंण चयणी च कि तुम हकीकत मा कु छा, यु एक विनम्र अर शान्त बरतौ च, जु कि पिता परमेश्वर कु भौत अनमोल च।

इब्रानी 11:17

विश्वास ही बट्टी अब्राहम ल इसहाक तैं एक बलिदान का रूप मा चढ़ै, जब पिता परमेश्वर वेकी अजमैश लींणु छो, चाहे अब्राहम तैं पिता परमेश्वर का तरपां बट्टी या करार मिली छै, फिर भि उ अपड़ा एकलौता नौंना तैं बलिदान चढ़ौणु कु तैयार छो, जु पिता परमेश्वर का करार तैं पूरो कैरी सकद छो।

इब्रानी 6:15

अर अब्राहम ल धीरज का दगड़ी लम्बा बगत तक करार कु इन्तेजार कैरी; तब वे तैं उ मिली जु पिता परमेश्वर ल वे दगड़ी करार कैरी छै।

1 तीमुथियुस 2:3

सभि लुखुं कु इन कै प्रार्थना कन ठिक च, अर हमारो उद्धारकर्ता पिता परमेश्वर यु तैं स्वीकार भि करद।

गलातियों 5:13

हे विश्वासी भयों, तुम तैं पिता परमेश्वर का द्वारा आजाद हूंणु कु बुलै गै छो अर इलै अब तुम तैं मूसा की व्यवस्था तैं मनणै की जरूरत नि च; पर यूं तैं अपड़ी पापमय शारीरिक इच्छाओं तैं पूरो कनु कु मौका नि बणा, बल्कि एक-दुसरा बट्टी प्रेम कैरा अर एक-दुसरा की सेवा कैरा।

गलातियों 1:4

हमारा परमेश्वर अर पिता की मनसा का अनुसार मसीह यीशु ल अपड़ा आप तैं हमारा पापों का कारण बलिदान कैरी दींनि, कि उ हम तैं ऊं बुरी शक्तियों बट्टी छुड़ो जु आज दुनिया मा काम कनी छिनी।

रोमियों 16:6

मरियम तैं जींल तुम कु भौत मेहनत कैरी, प्रणाम।

रोमियों 15:4

जथग बात पैली बट्टी परमेश्वर का वचन मा लिखै गैनी, उ हमारी ही शिक्षा कु लिखै गैनी, कि हम धीरज अर हिम्मत बट्टी जु हम तैं पिता परमेश्वर का वचन मा मिल्दो आस रखा की पिता परमेश्वर ल जु करार कैरी छै, उ वे तैं पूरो करलो।

रोमियों 12:12

हम मा जु आस च वे कारण खुशी मनावा; क्लेश मा धीरज रखा; अर प्रार्थना करदी रावा।

रोमियों 2:7

जु अच्छा काम मा स्थिर रै के बड़ै, अर आदर, अमरता कि खोज मा छिनी, ऊं तैं पिता परमेश्वर अनन्त जीवन दयालो;

खास चेलों 10:31

अर वेल मि बट्टी बोलि, “हे कुरनेलियुस पिता परमेश्वर ल तेरी प्रार्थना सूंणि येले अर तेरु दान दींण से पिता परमेश्वर खुश च।

खास चेलों 3:19

इलै अपड़ा मन फिरावा अर परमेश्वर की तरपां वापिस लौटि के ऐ जावा कि तुमारा पाप मिटये जौनु जन कै प्रभु कि तरपां बट्टी शान्ति अर चैन का दिन औंणु,

यूहन्ना 14:15

जु तुम मि बट्टी प्रेम करदां त मेरी आज्ञाओं कु पालन करिल्या।

इब्रानी 4:11

इलै हम वे विश्राम की जगह मा प्रवेश कने की कोशिश कैरा, इन नि हो, कि कै भि आदिम तैं उ लुखुं का उदाहरण की नकल नि कन चयणी च जैल पिता परमेश्वर की आज्ञा तैं मनणु से मना कैरी दींनि; तब हम वीं विश्राम की जगह मा प्रवेश करुला।

2 कुरिन्थि 2:17

किलैकि हम ऊं भौतों का समान नि छा, जु धन कमौण कु पिता परमेश्वर कु वचन कु प्रचार करदा; पर हम पिता परमेश्वर का वचन कु प्रचार सचै अर मसीह का अधिकार का दगड़ी करदा, यु जांणि के कि पिता परमेश्वर हम तैं दिखणु च।

रोमियों 16:26

पर अब प्रगट हवे कै सनातन पिता परमेश्वर की आज्ञा बट्टी अर परमेश्वर की तरपां बट्टी बुल्ण वला की किताबों का द्वारा सभि अन्य-जातियों तैं प्रचार किये गै, कि उ विश्वास बट्टी परमेश्वर का वचन तैं मनणवला हवे जौं।

यूहन्ना 15:10

जु तुम मेरी आज्ञाओं तैं पालन करिल्या, त मेरा प्रेम मा बंणयां रैल्या जन कि मिल अपड़ा पिता परमेश्वर कि आज्ञाओं कु पालन कैरी, अर वेका प्रेम मा बणयुं रौ।

दिब्य दरस 3:10

तिल मेरा संदेश कु पालन कैरी कि जब तू दुःख उठौ त वे तैं धैर्य दे के सै साकी। इलै, मि त्वे तैं वीं बड़ी अजमैश का बगत मा सुरक्षित रखलु जु ईं दुनिया का सभि लुखुं पर आली।

1 तीमुथियुस 1:14

हमारा प्रभु ल हमेशा मि पर अपड़ी भरपूर दया दिखै, वेल मि तैं विश्वास अर प्रेम द्ये किलैकि मि मसीह यीशु का दगड़ी जुड़यूं छो।