1 पतरस 5:5 - गढवली नयो नियम

⁵ इन ही के तुम जवान लुखुं तैं पुरणा अगुवा विश्वासी आदिमों का अधीन हूंण चयणु च। तुम सभियूं तैं नम्रता का दगड़ी एक-दुसरा की मदद कन चयणी च। किलैकि पिता परमेश्वर का वचन मा पढ़ै जा सकद कि, “परमेश्वर बड़ा मौनया लुखुं को विरोध करद, पर उ ऊं लुखुं पर कृपा करद जु विनम्र छिनी।”

Garhwali

⁵ अर ठिक इन्‍नि, हे ज्वान लोगु, तुम भि अध्यक्षों का अधीन मा रा, अर एक-दुसरा का दगड़ा मा नमर बरतौ रखा, किलैकि पवित्रशास्‍त्र मा इन लिख्यूं च कि, “परमेस्वर बड़ु मोन करण वळा लोगु का खिलाप मा रौन्दु, मगर दीन लोगु पर किरपा करदु।”

1 पतरस 5:5 Referans Kwoze

याकूब 4:6

पर पिता परमेश्वर जु हम तैं और भि जादा अनुग्रह दींद कि हम बुरी इच्छा का खिलाफ खड़ा हवे साका; इलै पिता परमेश्वर का वचन मा लिख्युं च, “पिता परमेश्वर घमण्ड़ियों को विरोध करदो, पर नम्र लुखुं पर कृपा करदो।”

इफिसुस 5:21

अर हम मसीह का प्रति श्रद्धा-भक्ति रखण का कारण एक दुसरा का अधीन रावा।

रोमियों 12:10

परिवार का जन एक दुसरा बट्टी प्रेम कैरा; एक दुसरा कु आदर कन मा बढ़दी रावा।

फिलिप्पी 2:3

घमण्ड या अहंकार कु कुछ नि कैरा पर दीनता से एक हैंका तैं अफ से अच्छो समझा।

कुलुसी 3:12

इलै जबकि पिता परमेश्वर ल तुम तैं अपड़ा पवित्र लोग हूंण कु चुणयूं च, अर तुम बट्टी प्रेम करद, बड़ी कृपा, अर भलै, अर दीनता, अर नम्रता, अर सब्र रखण सीखा।

रोमियों 13:14

पर प्रभु यीशु मसीह तुम्हरो कवच बंणि जौं, जैका द्वारा तुम्हरी रक्षा हवे साको, अर पापी स्वभाव की इच्छाओं तैं पूरी कने की कोशिश नि कैरा।

1 पतरस 4:5

पर एक दिन उ पिता परमेश्वर का संमणी न्याय कु खड़ा होला, अर पिता परमेश्वर ऊंमा बट्टी हर एक बट्टी ऊंका द्वारा धरती पर किया ग्यां कामों का बारा मा पुछलो। पिता परमेश्वर ज्यून्दा अर मुरयां द्वी लुखुं तैं जांच के न्याय करलो।

इब्रानी 13:17

अपड़ा अगुवों की बात मांणा; अर ऊंका अधीन रावा, किलैकि उ तुम्हरा आत्मा तैं बचांणु कु सुचणा छिनी, कि तुम भटकी नि जावा; अर ऊं तैं पिता परमेश्वर तैं अपड़ी सेवकाई का बारा मा लेखा दींण पुड़लो, कि उ यु कामों तैं खुश हवे के करा, यु काम तैं उदासी ल नि कैरा, किलैकि उदास हवे के सेवकाई कन से कुई फैदा नि हूंद।

1 पतरस 4:1

इलै, जब मसीह ल अपड़ा देह मा रै के दुःख सै, इलै तुम तैं भि वीं ही स्वभाव का दगड़ी दुःख सौणु कु तैयार रौंण चयणु च जु वेमा च। किलैकि जु तुम मसीह कु दुःख सौणु कु तैयार छा किलैकि तुम मसीह का छा, त तुम ल पाप नि कनु को फैसला कैरेले।

लूका 22:26

पर तुम इन नि हुयां; बल्कि जु कुई बढि के महान हूंण त सबसे नम्र अर छुटो अर सभियूं कि सेवा टहल कन वलो बणो।

1 तीमुथियुस 5:1

अफ से बड़ा आदिम तैं अपमान का दगड़ी नि डांट; बल्कि वे तैं बड़ा आदर का दगड़ी सलाह दे, जन कि उ तेरु अपड़ो बुबा हो, अर अफ से छुटा आदमियों तैं, अपड़ा भयों जन सलाह दे।

1 पतरस 3:8

अंत मा, मि तुम बट्टी बुल्णु छो, कि तुम विश्वासी बंणि के आपस मा एकजुट रवा, अर एक-दुसरा की चिन्ता किया कैरा, अर एक ही परिवार का सदस्यों का जन प्रेम कैरा, दूसरों पर दया कैरा, एक दुसरा का दगड़ी नम्र बणा।