1 पतरस 2:7 - गढवली नयो नियम

⁷ यु ढुंगो तुम कु भौत कीमत च जु यीशु मसीह पर विश्वास करदींनि। पर जु लोग वे पर विश्वास नि करदींनि, ऊंका बारा मा पिता परमेश्वर कु वचन बुल्द कि, “राजमिस्त्रियों ल जै ढुंगो कु इस्तेमाल कन से मना कैरी दींनि, वीं इमारत की नींव मा सबसे जरूरी ढुंगो बंणि गै।”

Garhwali

⁷ इलै तुम लोग जु कि यीशु मसीह पर बिस्वास करद्‍यां, तुम खुणि वु एक भौत कीमती ढुंगा का जन च, पर जु लोग बिस्वास नि करदिन ऊं खुणि वु एक साधारण ढुंगा का जन च, जैका बारा मा इन लिख्यूं च कि, “जै ढुंगा तैं मिस्‍त्रियों न फुंन ढोळि छौ, उई कुणों को खास ढुंगो बणि गै,”

1 पतरस 2:7 Referans Kwoze

मत्ती 21:42

यीशु ल ऊंमा बोलि “क्य तुम ल कभि परमेश्वर का वचन मा यु नि पढ़ी; जै ढुंगा तैं राजमिस्त्रियों ल निकम्मु ठैरे छो उ ही कोंणा को ढुग्गो हवे गै यु प्रभु कि तरपां बट्टी हवे अर हमारो दिखण मा अनोखु च।

1 पतरस 2:8

अर फिर पिता परमेश्वर कु वचन यु बुल्द, “यु ढुंगो लुखुं का ठोकर खांण को कारण होलो। य एक चट्टान जु ऊंको लमडणो को कारण होलो।” उ इन कै लम्ड़दींनि किलैकि उ पिता परमेश्वर का संदेश तैं मनणु से इंकार करदींनि। पिता परमेश्वर ल ऊं दगड़ी य ही योजना बणै।

1 पतरस 1:8

तुम ल यीशु मसीह तैं कभी नि देखि, पर फिर भि तुम मसीह बट्टी प्रेम करदा अर वे पर विश्वास भि करदा। इलै, तुम आनन्द अर महिमा बट्टी भौत खुश छा जै तैं शब्दों द्वारा नि बतये जै सकद।

इब्रानी 11:31

विश्वास बट्टी ही राहाब वेश्या पिता परमेश्वर की आज्ञा कु उल्लंघन कन वलो का दगड़ी नाश नि हवे; किलैकि वीं शान्ति का दगड़ी ऊं इस्राएली गुप्तचरों कु स्वागत कैरी जु छिपी के यरीहो शहर कु भेद लींणु कु ऐ छा।

इब्रानी 4:11

इलै हम वे विश्राम की जगह मा प्रवेश कने की कोशिश कैरा, इन नि हो, कि कै भि आदिम तैं उ लुखुं का उदाहरण की नकल नि कन चयणी च जैल पिता परमेश्वर की आज्ञा तैं मनणु से मना कैरी दींनि; तब हम वीं विश्राम की जगह मा प्रवेश करुला।

तीतुस 3:3

किलैकि हम भि पैली बगत मा न समझ अर पिता परमेश्वर की आज्ञा नि मणन वला, अर भरम मा पोड़्य्यां छा, अर बनि-बनि किस्मै कि अभिलाषाओं मा अर सुख विलास कि गुलामी मा छा, अर हम घृणित लोग छा; हर कुई हम बट्टी घीणांदु छो अर हम एक दूसरों बट्टी बैर रखदा छा।

कुलुसी 2:10

मसीह हरेक शक्ति अर अधिकार मा प्रधान च। इलै जु तुम मसीह मा छा, त तुम तैं कै भि बात की घटि नि च।

2 कुरिन्थि 2:16

पर ऊंकु जु विनाश का रस्ता पर छिनी, उ मौत की इन बाश छिनी जु ऊं तैं मौत की तरपां लिजांदी; पर ऊंकु जु उद्धार का रस्ता पर बढ़दी रौदींनि, यु जीवन की इन खुशबु छिनी जु जीवन का तरपां जंदींनि। हक्कीकत मा, कुई भि अपड़ा आप बट्टी ईं सुगंध तैं फैलांण का योग्य नि च।

रोमियों 15:31

कि मि यहूदिया प्रान्त इलाका का अविश्वासियों बट्टी बच्युं रों, कि पिता परमेश्वर का लोग जु यरूशलेम शहर मा छिनी मेरी पौंछाई मदद बट्टी खुश हवे जौं, अर जु पवित्र लुखुं कु स्वीकार हो।

रोमियों 10:21

पर इस्राएल का लुखुं का बारा मा परमेश्वर यु बुल्द, “मि सैरा दिन अपड़ा हथ आज्ञा नि मनणु वली अर जिद्द कन वली प्रजा की तरपां बडयूं रौं।”

खास चेलों 26:19

इलै हे राजा अग्रिप्पा, मिल वे स्वर्गीय दर्शन को बुल्युं नि टाली।

यूहन्ना 4:42

अर वीं जनन म बोलि, अब हम तेरु ही बुल्यां से विश्वास नि करदां किलैकि हम ल अफी सूणेलि अर जंणदा छा कि यु ही सचमुच म दुनिया कु उद्धारकर्ता च।

लूका 20:17

वेल फिर ऊंकी तरपां एकटक देखि के बोलि, “फिर परमेश्वर का वचन मा क्य लिख्युं च जै ढुंगा तैं राजमिस्त्रियों ल निक्कमो ठैरे छो उ ही कोणा कु सिरा हवे गै”

लूका 2:32

उ अन्यजातियों पर परमेश्वर तैं प्रकट कन वलो उज्यला च अर इस्राएल का लुखुं का घराना कु प्रताप हूंनु।”

लूका 2:34

तब शमौन ल ऊं तैं आशीष दे के वेकी ब्वे मरियम मा बोलि, “उ त इस्राएल का लुखुं का घराना मा भौत लुखुं का विनाश अर उद्धार अर उ परमेश्वर की तरपां से एक चिन्ह का रूप मा भि जै गै छो, इलै भौत लोग वेको विरोध करला जैका विरोध मा बात किये जाली।”

1 पतरस 2:4

अब तुम प्रभु यीशु का संमणी अयां छा। उ एक घौर का कूणा पर रखयां जरूरी ढुंगा का जन च, पर उ ज्यूँदो ढुंगा का जन च। कई लुखुं ल वे तैं अस्वीकार कैरेले छो, पर पिता परमेश्वर ल वे तैं चुणि अर वे तैं भौत अनमोल मणदो। अर जन के लोग ढुंगों ल घौर बंणौंदींनि, उन के ही पिता परमेश्वर तुम तैं एक दगड़ा मा एक झुण्ड मा जुड़णु च जै मा पिता परमेश्वर को आत्मा रौंद, कि जु यीशु मसीह ल हम कु कैरी, वेका द्वारा तुम ऊं याजकों का जन जु बलिदान चढ़ौदींनि, इन काम कैरा जु पिता परमेश्वर तैं खुश करदींनि।