1 पतरस 2:12 - गढवली नयो नियम

¹² जु लोग पिता परमेश्वर पर विश्वास नि करदींनि उ तुम पर यु बोलि के गलत भंगार लगै सकदींनि की तुम्हरा काम बुरा छिनी। इलै तुम तैं अपड़ा बरतौ का बारा मा चौकस रांण चयणु च, कि उ तुम्हरा अच्छा बरतौ तैं देखि साका। बाद मा उ स्वीकार करला कि तुम्हरो बरतौ अच्छो च अर जै दिन पिता परमेश्वर दुनिया कु न्याय कनु कु आलो वे दिन परमेश्वर की महिमा करला।

Garhwali

¹² हे मेरा दगड़्यों, यीशु मसीह पर बिस्वास नि करण वळा लोगु का बीच मा तुमरो चाल-चलन भलु हो, ताकि जौं-जौं बातों मा वु तुमरा खिलाप मा जैके तुमरि बुरै करदिन, वु लोग ही तुमरा भला कामों तैं देखि के प्रभु का औणा वळा दिन पर परमेस्वर की बडै कैरा।

1 पतरस 2:12 Referans Kwoze

मत्ती 5:16

उन ही तुमारो उज्यलो भि मनिख्युं का संमणी चमकु कि उ तुमारा कामों तैं देखि के तुमारा बुबा कि जु स्वर्ग मा च बड़ै कैरा।

2 कुरिन्थि 8:21

किलैकि जु बात भस प्रभु ही का नजीक न, पर मनिख्युं का भि नजीक अच्छी च हम ऊं कामों तैं अच्छा ढंग से कनु कु ध्यान दींदयां।

1 थिस्सलुनीकी 4:12

कि अविश्वासी, देखा कि तुम हर दिन कन बरतौ करदां, अर तुम्हरो आदर कैरा, अर ज्यां भि चीजों की तुम तैं जरूरत च वां कु तुम तैं कै और पर भि निर्भर नि रौंण पुड़लो।

1 तीमुथियुस 4:12

कुई तेरी जवानि तैं बेकार नि समझु; पर तु बातचित मा, अच्छा बरतौ मा, दूसरों का प्रति प्रेम मा, मसीह पर तेरु विश्वास मा, अर तेरु निर्दोष जीवन मा, अर पवित्रता मा, विश्वासियों तैं अनुसरण कन कु नमूना बंणि जा।

याकूब 3:13

तुम लुखुं मा बट्टी जु ज्ञानी अर समझदार हूंणो को दावा करदो, उ अपड़ा कामों अर अच्छा स्वभाव ल, अर वीं नम्रता का दगड़ा जु तुम्हरा ज्ञान बट्टी औंद, अच्छा काम कैरी कै दिखांण चयणु च।

फिलिप्पी 1:27

भस इथग कैरा कि तुमारो चाल-चलन यीशु मसीह का शुभ सन्देश का लैख हो तब चै मि तुम तैं ऐ के देखु, या फिर नि भि औं, पर तुमारा बारा मा इन ही सूंणु कि तुम एक ही मन छा, अर एक ही मनसा रखि के शुभ संदेश का विश्वास कु सदनी मेहनत करदां।

2 कुरिन्थि 1:12

किलैकि हम तैं गर्व च कि हमारो विवेक साफ च, कि दुनिया मा अर खास कैरी के तुम्हरा बीच हमारो चरित्र जु पिता परमेश्वर की तरपां बट्टी आंद इन पवित्रता अर सचै का दगड़ी च, हम ऊं विचारों का अनुसार नि ज्यूंदयां, जु ऊं लुखुं का द्वारा ज्ञानवान समझे जांद पर पिता परमेश्वर की कृपा का द्वारा छो।

2 पतरस 3:11

जबकि पिता परमेश्वर निश्चित रूप बट्टी यूं सभि चीजों तैं नाश कैरी दयालो, जन कि मिल अभि बोलि, इलै तुम तैं निश्चित रूप मा ईश्वरीय ढंग से बरतौ कन जु पिता परमेश्वर तैं खुश करद।

रोमियों 13:13

आवा हम अपड़ा चाल-चलन तैं ठिक कन शुरू कैरी द्यां, ऊं लुखुं का जन जु उज्यला मा रौंदींनि अर अंधेरा मा न; न की लीला-क्रीडा, अर न पियक्कड़पन, न व्यभिचार, अर लुचापन मा, अर न झगड़ा, अर न जलन मा।

रोमियों 12:17

बुरै का बदला मा कै दगड़ी बुरै नि कैरा; जु बात सभि लुखुं कु भलि च, ऊंकी चिंता कैरा।

इब्रानी 13:18

हम कु प्रार्थना करदी रावा, किलैकि हम तैं भरोसा च कि हमारो विवेक शुद्ध च; अर हम जु भि काम करदा ऊं सभियूं मा पिता परमेश्वर कु सम्मान कन चांदा छा।

1 तीमुथियुस 2:2

राजाओं कु अर ऊं सभि लुखुं कु प्रार्थना कैरा जु अधिकारी छिनी, कि उ हम तैं शान्ति अर सुरक्षित रौंण मा मदद कैरा, कि हम पिता परमेश्वर की आराधना कैरी साका, अर दूसरों का प्रति हमेशा अच्छो बरतौ रखा।

फिलिप्पी 4:8

इलै, हे विश्वासी भयों, जु-जु बात सच छिनी, अर जु-जु बात आदर का योग्य छिनी, अर जौं तैं भि पिता परमेश्वर धर्मी मणद अर जु-जु बात पवित्र छिनी, अर जु-जु बात मन तैं लुभौण वली छिनी, यानि जु भि बात सम्मान जन अर बड़ै कि छिनी, ऊं पर ही तुम्हरो मन लग्युं रौ।

इफिसुस 4:22

तुमारा शिक्षकों ल तुम तैं वे ढंग छुड़ौण कि शिक्षा द्यां, जैका अनुसार तुम बरतौ करदा छा, हमारी भुरीं इच्छा ल तुम तैं धोका द्यां अर तुमारा जीवन तैं बर्बाद कैरी द्या।

इब्रानी 13:5

अपड़ा जीवन तैं धन का लालच बट्टी दूर रखा, अर जु तुम म च, वे पर ही संतोष किया कैरा; किलैकि पिता परमेश्वर ल अफ ही बोलि, “मि त्वे तैं कभी भि नि छुडलु, अर न कभी भि त्वे तैं त्यगुलु।”

रोमियों 15:9

अर अन्य-जाति भि पिता परमेश्वर की दया का कारण बढ़ै कैरो जन परमेश्वर का वचन मा लिख्युं च, “इलै मि अन्यजातियों मा तेरी बढ़ै करुलु, अर तेरु नौं का भजन गौलु।”

लूका 19:44

तेरु बैरी त्वे तैं पूरा ढंग से नष्ट कैरी दयाला अर तेरु पूरो शहर का लुखुं तैं माटा मा मिलै दयाला अर तेरा ढुंगा मा ढुंगा भि नि राला जु ढोळे नि जालो किलैकि तिल वे मौका तैं जब त्वे पर कृपा की नजर करे गै छै नि पछयांणी।”

मत्ती 10:25

चेला का गुरु से अर दासों कु गुरु का समान हूंण बराबर च अर जब उ मि तैं घौर का मालिक कु शैतान बुल्दा छिन, त मेरा घौर का लुखुं तैं अर भि बुरा नौं बट्टी बुलाला।

मत्ती 5:11

“धन्य छा तुम जब मनिख तुम तैं मेरा चेला हूंण का वजह से तुम्हरी बुरै कैरा अर तुम तैं सतौनु अर झूठ बोलि-बोलि के तुमारा विरोध मा बनि-बनि किस्मै की बात बुलुनु।”

1 पतरस 4:11

उदाहरण कु, जु तुम मा प्रचार कनु को वरदान च, त तुम तैं पिता परमेश्वर का संदेशों तैं प्रचार कन चयणु च, जु तुम मा दुसरा लुखुं की मदद कनु को वरदान च, त यु वे सामर्थ का दगड़ी कैरा जु पिता परमेश्वर तुम तैं दींद। त फिर जु कुछ भि तुम करला उ यीशु मसीह का द्वारा पिता परमेश्वर तैं महिमा दयालो। सैरी महिमा अर सामर्थ हमेशा-हमेशा कु पिता परमेश्वर की ही हो! आमीन।

इफिसुस 2:3

इलै हम भि ऊंका जन बरतौ करदा, अर अपड़ा पापी स्वभाव कि इच्छा तैं पूरी करदा छा, अर देह कि लालसाओं तैं पूरी करदा, अर लुखुं का जन, हम भि स्वभाविक रूप बट्टी बुरा छा अर परमेश्वर का गुस्सा का अधीन छा।

2 कुरिन्थि 13:7

अर हम अपड़ा पिता परमेश्वर बट्टी प्रार्थना करदा, कि तुम कुई बुरै नि कैरा; हम या प्रार्थना करदा, यु दिखांणु कु न कि तुम्हरा बीच मा हमारी सेवकाई सफल रौ, बल्कि इलै कि हम चांदा छा कि तुम ठिक काम कैरा चाहे हम खुद असफल ही हवे जां।

1 कुरिन्थि 14:25

पिता परमेश्वर का शुभ संदेश का कारण वे तैं अपड़ी बुरी, गुप्त सोच कु एहसास होलो। अर वे तैं इन एहसास होलो कि उ पापी च अर उ पश्चाताप करलो, अर फिर उ घुंडों पर ऐ के पिता परमेश्वर की आराधना करलो अर मांणी ल्यालो, कि सच मा पिता परमेश्वर तुम्हरा बीच मा च।

खास चेलों 24:13

अर न त उ ऊं बातों तैं, ज्यांका बारा मा उ मि पर भंगार लगांणा छिन, तेरु संमणी ऊं तैं सच साबित कैरी सकदींनि।

खास चेलों 15:14

शमौन पतरस ल समझै, कि परमेश्वर ल पैली-पल अन्यजातियों पर कन दया की नजर कैरी, अर ऊंमा बट्टी अपड़ा लोग हूंणु कु चुणि।

लूका 6:22

धन्य छा तुम जब मि मनिख कु नौंनो का कारण लोग तुम बट्टी बैर करला अर तुम तैं निकाली दयाला अर तुमारी बुरै करला अर तुमारो नौं बुरो जांणि के काटि दयाला।

लूका 1:68

धन्‍य च प्रभु परमेश्वर कि वेल इस्राएल का लुखुं का घराना की सुधि लै अर वेको उद्धार कैरी।

मत्ती 9:8

सब लोग जु वे तैं दिखणा छा उ ईं बात पर सब भैचक हवे गै छा अर परमेश्वर की बड़ै कन लगि गैनी कि जैल मनिख्युं तैं इन अधिकार दींनि।

खास चेलों 25:7

जब पौलुस ऐ, त जु यरूशलेम शहर बट्टी यहूदी अगुवा ऐ छा, उ वेका चौतरफी खड़ा हवे के वे पर भौत बुरा-बुरा भंगार लगैनी, जौं को उ सबूत भि नि दे सकदा छा।

यूहन्ना 13:31

जब उ भैर चलि गै त यीशु ल बोलि, “अब मि मनिख कु नौंनो कि बड़ै हवे गै अर परमेश्वर महिमा मि पर हवे

खास चेलों 28:22

पर हम तेरु विचार सुणन चांणा छा किलैकि हम जंणदा छा कि हरेक जगह यु झुण्ड का खिलाफ लोग बात कना छिनी।”

रोमियों 14:18

जु कुई यु ढंग से मसीह की सेवा करद, उ पिता परमेश्वर तैं खुश करद अर लोग भि वेका बारा मा अच्छो बुल्दींनि।

1 तीमुथियुस 5:10

भला काम कन मा सुनाम रै हो; जैल बच्चों कु अच्छो पालन-पोषण कैरी हो, अर विश्वासी भयों, कि खूब खातिरदारि कैरी हो, अर विश्वासी लुखुं की सेवा इन कैरी हो की जन व एक दासी हो, अर अपड़ा लुखुं की मदद कैरी हो जु लोग मुशीबतों मा छा, वीं ल हर ढंग से भला काम कनु कु अफ तैं समर्पित कैरी हो।

1 पतरस 2:15

किलैकि पिता परमेश्वर की य इच्छा च, कि हमारा अच्छा बरतौ का द्वारा, जु लोग पिता परमेश्वर तैं नि जणदींनि, उ अगनैं कु हम पर गलत ढंग से भंगार लगौंण की हिम्मत नि कैरा, किलैकि य बात साफ च की ऊंका झूठा भंगार सच नि च।