1 पतरस 1:3 - गढवली नयो नियम

³ हमारा प्रभु यीशु मसीह का पिता परमेश्वर को धन्यवाद हो, पिता परमेश्वर ल हमारा प्रति अपड़ी बड़ी दया ल हम तैं एक नयो जीवन दये। किलैकि पिता परमेश्वर ल यीशु मसीह तैं मुर्दों बट्टी ज्यून्दो कैरी, वेल हम तैं भौत आत्मविश्वास का दगड़ी जीवन जींणा का योग्य बणै; मतलब यु कि ऊं चीजों तैं पांणै की पूरी आस कैरी सकदां जु वेल हम तैं दींणों को वादा कैरी,

Garhwali

³ हमरा प्रभु यीशु मसीह का पिता परमेस्वर की तारीफ हो, जैन यीशु मसीह तैं मुरदो मा बटि ज्यून्दु कैरी, अर अपणी महान दया कैरिके वेन हमतै नयू जनम दिनी। अर अब हम मा एक ज्यून्द आस च,

1 पतरस 1:3 Referans Kwoze

1 पतरस 1:23

(तुम तैं एक दुसरा बट्टी प्रेम कन चयणु च) किलैकि तुम तैं पिता परमेश्वर की तरपां बट्टी एक नयो जीवन मिल्युं च। तुम तैं यु जीवन कै इन चीज का द्वारा नि मिली, जु नाश हवे जाली पर हम तैं यु नयो जीवन पिता परमेश्वर का जीवित अर अनन्त वचन बट्टी मिली।

1 यूहन्ना 5:4

किलैकि जु कुई पिता परमेश्वर की सन्तान च, उ ईं दुनिया पर जीत हासिल करद, अर हमारा विश्वास बट्टी दुनिया पर जीत हासिल हूंदी।

रोमियों 15:13

मि प्रार्थना करदु, कि पिता परमेश्वर जु आस दींण वलो च, तुम तैं विश्वास कन मा पूरा ढंग से खुशी अर शान्ति बट्टी भोरि द्यो, कि पवित्र आत्मा की सामर्थ बट्टी तुम्हरी आस बढ़दी जौं।

इफिसुस 1:7

मसीह कु ल्वे बुगांण का कारण हमारा पाप माफ कैरे अर छुड़ै गैनी, पिता परमेश्वर की दया कथग महान च जु वेल हम तैं बहुतायत बट्टी दियुं च,

2 कुरिन्थि 1:3

हमारा प्रभु यीशु मसीह कु अर पिता परमेश्वर कु धन्यवाद हो, जु हम पर दया दिखांद, अर हम तैं हमेशा उत्साहित कन वलो पिता परमेश्वर च।

1 यूहन्ना 3:3

अर जु कुई मसीह पर यु आस रखदो, उ अपड़ा आप तैं उन ही पवित्र करदो, जन उ पवित्र च।

रोमियों 12:12

हम मा जु आस च वे कारण खुशी मनावा; क्लेश मा धीरज रखा; अर प्रार्थना करदी रावा।

1 यूहन्ना 2:29

किलैकि तुम जंणदा छा, कि मसीह धर्मी च, त यु भि जांणि ल्या, कि जु कुई धार्मिकता को काम करदो, उ पिता परमेश्वर कि सन्तान च अर वे बट्टी पैदा हुयुं च।

इफिसुस 1:3

हमारो परमेश्वर अर प्रभु यीशु मसीह कु बुबा कु धन्यवाद हो कि जैल हम तैं मसीह का द्वारा स्वर्ग बट्टी मिलण वलि, सभि किस्मै कि आत्मिक आशीष दिंयि च अर यु मसीह दगड़ी हमारी एकता का कारण हूंयुं च।

इफिसुस 3:20

परमेश्वर जु इन सामर्थी च, कि हमारी बिनती अर समझ बट्टी बढ़ि के काम कैरी सकद, वीं सामर्थ का अनुसार जु हम मा काम करद।

इफिसुस 1:17

मि प्रार्थना करदु छों, कि पिता परमेश्वर हमारा प्रभु यीशु मसीह कु महिमामय बुबा, तुम तैं आत्मा द्या जु तैं बुद्धिमान बंणै दयालो अर परमेश्वर तुम पर प्रकट करलो कि तुम वे तैं अच्छो के जांणि सका।

1 पतरस 3:21

पुरणा बगत मा ऊंको उद्धार अब हमारा उद्धार या बचाव कु एक उदाहरण च जै पांणी मा हम बपतिस्मा लीदां, उ हमारी देह बट्टी मैल दूर नि करदो, पर यु एक चिन्ह च कि हम ल पिता परमेश्वर बट्टी माफी मांगी कि अगनैं हमारो मन परेशान नि रौ। हम तैं माफ किये जै सकद किलैकि यीशु मसीह मौत का बाद फिर से ज्यून्दो हवे।

1 तीमुथियुस 1:14

हमारा प्रभु ल हमेशा मि पर अपड़ी भरपूर दया दिखै, वेल मि तैं विश्वास अर प्रेम द्ये किलैकि मि मसीह यीशु का दगड़ी जुड़यूं छो।

इफिसुस 2:4

पर पिता परमेश्वर भौत दयालु च; अर अपड़ा वे बड़ा प्रेम का कारण ज्यां ल वेल हम बट्टी प्रेम कैरी,

याकूब 1:18

पिता परमेश्वर ल अपड़ी ही मनसा का अनुसार सच्चा वचन का द्वारा हम तैं नयो जन्म दींनि, कि हम वेका द्वारा बणईं हर एक चीज का सबसे जरूरी भाग हो, जन कि फसल कु पैलो हिस्सा सबसे जरूरी हिस्सा हूंद।

तीतुस 2:13

हम इन बरतौ कैरा, जब हम आस का दगड़ी वे महान दिन का जुगाल करदां जब यीशु मसीह, जु हमारा महान पिता परमेश्वर अर उद्धारकर्ता च, अपड़ी सैरी महिमा का दगड़ी धरती पर वापिस आलो।

1 कुरिन्थि 15:20

पर सच यो च, कि पिता परमेश्वर ल हक्कीकत मा मसीह तैं मौत बट्टी ज्यूँदो कैरी, त ऊं सभियूं तैं जु यीशु पर विश्वास करदींनि ऊं तैं दुबरा ज्यून्दा किये जालो।

1 कुरिन्थि 13:13

इलै, अब यु तीन काम छिनी जु हम तैं कन चयणु च; पिता परमेश्वर पर विश्वास कन, पिता परमेश्वर का वादों मा आस रखण, अर दूसरों बट्टी प्रेम कन; पर यु तिन्युं मा, एक-दूसरों बट्टी अर परमेश्वर बट्टी प्रेम कन बढ़ि के च।

1 यूहन्ना 3:9

जु कुई पिता परमेश्वर की संतान च उ सदनी पाप मा बणयूँ नि रौंद; किलैकि अफ भि पिता परमेश्वर को स्वभाव वेमा च; अर उ पाप कैरी ही नि सकदो, किलैकि उ पिता परमेश्वर की संतान च।

1 पतरस 2:2

मि तुम्हरी तुलना नवजात छुटा बच्चा बट्टी करदु; एक नवजात छुटा बच्चा हमेशा अपड़ी ब्वे कु दूध ही चांद कि मजबूत बणौं; उन ही के जन तुम तैं भि पिता परमेश्वर का वचन सुनण की इच्छा हूंण चयणी च कि पिता परमेश्वर मा तुम्हरो विश्वास मजबूत हो अर तुम्हरो उद्धार हवे जौं।

इब्रानी 3:6

पर मसीह एक नौंना का जन अपड़ा परिवार मा विश्वासयोग्य च अर उ परिवार हम छा, जु हम अपड़ी आस पर गर्व रखा, त हम पिता परमेश्वर का लोग छा।

1 थिस्सलुनीकी 1:3

अर जब हम अपड़ा पिता परमेश्वर बट्टी प्रार्थना करदां, तब हम तुम्हरा ऊं कामों तैं याद करद्यां जु तुम विश्वास का कारण करदां अर विश्वासियों की मदद कनु कु जु कड़ी मेहनत करदां किलैकि तुम उ बट्टी प्रेम करद्यां, अर दुखों तैं सौंदयां किलैकि तुम प्रभु यीशु मसीह का वापिस लौटणैं की आस करद्यां।

कुलुसी 1:27

किलैकि पिता परमेश्वर चांदो छो कि वेका लोग यु जणिल्यो कि मसीह कु धन और महिमा तुम अन्य-जातियों कु भि च, अर गुप्त बात य च मसीह तुम मा रौंदा, यु तुम तैं वेकी महिमा मा साझो हूंणो की आस दींद।

रोमियों 8:24

अब जब पिता परमेश्वर ल हम तैं बचै, त हम मा य आस च। पर जब तुम कुछ पांणै की इच्छा कना छा जु तुम मा पैली बट्टी च, त उ आस नि च। कुई भि वीं चीज तैं पांणै की इच्छा नि करद जु पैली बट्टी ही वेमा ही छिनी।

रोमियों 8:11

अर जु पिता परमेश्वर कु पवित्र आत्मा जैल यीशु तैं मुर्दों मा बट्टी ज्यूँदो कैरी तुम मा बस्युं च; त जैल मसीह तैं मुर्दों मा बट्टी ज्यूँदो कैरी, जु तुम मा बसयूं च उ तुम्हरा नाशवान देह तैं भि अपड़ा आत्मा का द्वारा ज्यूँदो करलो।

यूहन्ना 1:13

उ ल त ब्वे-बुबा या पूर्वजो बट्टी, मनिख की इच्छा बट्टी, न एक आदिम की सन्तान इच्छा बट्टी जु परमेश्वर बट्टी पैदा हवेनि।

1 यूहन्ना 5:18

हम जंणदा छा, कि जु कुई पिता परमेश्वर की सन्तान च, उ पाप मा नि बणयूँ रौंद; किलैकि जु कुई पिता परमेश्वर की सन्तान च, वे तैं उ बचै के रखद; अर उ दुष्ट शैतान वे तैं छू भि नि सकद।

1 यूहन्ना 5:1

जै को यु विश्वास च, कि यीशु ही मसीह च, उ मनिख पिता परमेश्वर की सन्तान च अर जु कुई पिता परमेश्वर बट्टी प्रेम करदो, उ पिता परमेश्वर की सन्तान बट्टी भि प्रेम करद।

कुलुसी 1:23

पर तुम तैं विश्वास मा एक बुनियाद का जन मजबूत अर पक्को हूंण चयणु अर वीं आस तैं तुम तैं कभी नि छुड़ण चयणु च जु तुम तैं ऊं बट्टी शुभ सन्देश मिली वे ही शुभ संदेश कु प्रचार आसमान का मूड़ी रौंण वला दुनिया का सभि लुखुं तैं बतै गै अर मि पौलुस वेको प्रचार कनु कु सेवक बणु।

रोमियों 5:10

किलैकि जब हम पिता परमेश्वर का दुश्मन छा त वेका नौंना मसीह यीशु कि मौत का द्वारा हमारो मेल मिलाप परमेश्वर का दगड़ी हवे, इलै हम निश्चित रूप बट्टी यु जांणि सकदा छा कि अब जबकि हमारो वे दगड़ी मेल मिलाप च त उ हम तैं बचालो किलैकि मसीह ज्यूंदों च।

रोमियों 4:25

मसीह यीशु हमारा पापों कु मरै जांणु कु पकड़वै गै अर परमेश्वर ल हम तैं अफ दगड़ी धर्मी बनांणु कु वे तैं फिर से ज्यूँदो कैरी।

1 यूहन्ना 4:7

हे प्रियों, हम आपस मा प्रेम रखा; किलैकि प्रेम पिता परमेश्वर की तरपां बट्टी च अर जु कुई दूसरों बट्टी प्रेम करदो, उ पिता परमेश्वर की सन्तान च अर पिता परमेश्वर तैं जंणदु च।

1 थिस्सलुनीकी 4:13

हे विश्वासी भयों, हम चांणा छा कि तुम यु जांणि लय कि ऊं विश्वासियों का दगड़ा क्य होलो जु पैली ही मोरि गैनी कखी इन नि हो कि तुम दुसरा लुखुं जन शोक कैरा जौं मा कुई आस नि च कि मुरणा का बाद उ फिर से ज्यून्दा हवे जाला।

गलातियों 6:16

इलै जु लोग पिता परमेश्वर की आज्ञा तैं मणदींनि, पिता परमेश्वर ऊं सभि लुखुं पर दया कैरो अर ऊं तैं शान्ति द्यो, ऊं तैं जु पिता परमेश्वर का द्वारा चुणयां लोग छिनी अर ऊं जौं तैं उ इस्राएल बुल्द।

2 थिस्सलुनीकी 2:16

हम अफी हमारा प्रभु यीशु मसीह बट्टी अर हमारा पिता परमेश्वर बट्टी प्रार्थना करदा जु हम बट्टी प्रेम करदींनि अर जैल अपड़ी दया बट्टी हम तैं अनन्त प्रोत्साहन अर मजबूत आस द्ये।

1 पतरस 1:13

इलै, अनु के सोचा अर अफ पर-भस रखणों कु अभ्यास कैरा (या, अच्छा ढंग से सोचा कि तुम क्य कन वला छा अर अफ तैं-वश मा रखा) वीं उद्धार की आस लगै के रखा जु दया ल आंदी जु तुम तैं दिए जालो जब यीशु मसीह फिर से वापिस दुनिया मा आलो।

1 पतरस 1:21

जु कुछ भि मसीह ल कैरी वेका कारण ही तुम अब पिता परमेश्वर पर विश्वास करदा। अर तुम ल अपड़ो विश्वास अर आस पिता परमेश्वर मा रखि च किलैकि वेल मसीह तैं मुर्दों मा बट्टी ज्यूँदो कैरी अर वे तैं भौत महिमा दींनि इलै तुम विश्वास करदा अर पिता परमेश्वर मा तुम्हरी आस अब मजबूत च।

1 पतरस 3:5

जु जनन भौत पैली रौंदी छै अर पिता परमेश्वर पर विश्वास करदी छै अर वे पर अपड़ी आस रखदि छै, उ अपड़ा आदिमों की आज्ञाओं तैं मांणी के अपड़ा आप तैं सुन्दर बणांदी छै।

1 पतरस 3:15

पर अपड़ा मनों मा मसीह कु आदर-सत्कार रखा, अर प्रभु का रूप मा वे तैं सम्मान द्या, अर हमेशा हर कै तैं जवाब दींणु कु तैयार रावा जु तुम बट्टी वीं आस तैं समझणु कु पुछदींनि जु सैरा विश्वासी कठ्ठा करदींनि, पर यु तुम नम्र अर सम्मान का दगड़ी कैरा। हमेशा उ ही कैरा जु सही च। फिर जु लोग तुम्हरा विरुद्ध बुरो बुल्दींनि, त उ ही शर्मिंदा होला जब उ मसीह का दगड़ी तुम्हरा सम्बंध का कारण तुम्हरो अच्छो बरतौ तैं दिखला।