1 पतरस 1:25 - गढवली नयो नियम

²⁵ पर पिता परमेश्वर को वचन हमेशा बणयूँ रालो। यु वचन मसीह का बारा मा शुभ सन्देश प्रचार च जु तुम्हरा बीच प्रचार किये गै।

Garhwali

²⁵ मगर प्रभु को वचन हमेसा तक बणयूं रौन्दु।” अर यू शुभ समाचार यीशु मसीह को वु वचन च जु तुमतै सुणये गै।

1 पतरस 1:25 Referans Kwoze

मत्ती 5:18

किलैकि मि तुम मा सच बुल्ण छौं कि जब तक आसमान अर धरती टलि नि जंदींनि तब तक मूसा द्वारा लिखीं परमेश्वर की व्यवस्था मा बट्टी कुछ भि यख तक की एक भि मात्रा या एक बिंदु भि बगैर पूरी हुयां नि टललो।

1 यूहन्ना 1:1

हम एक इन मनिख का बारा मा लिखणा छा, जु जीवन को वचन च, उ पैली बट्टी छो, जै तैं हम ल सूंणि, अर जै तैं अपड़ा आँखों ल देखि, बल्कि जै तैं हम ल ध्यान से देखि अर हथों ल भि छवे।

2 पतरस 1:19

हम भि जंणदा छा कि मसीह का बारा मा पिता परमेश्वर का तरपां बट्टी बुल्ण वलो ल जु वचन लिखीं छा, उ बिल्कुल सच छा, अर जु हम ल तुम तैं मसीह की वापसी का बारा मा सिखै छो उ वेकी पुष्टि करदींनि। तुम तैं ऊं वचनों तैं अच्छा ढंग से सुनण चयणु च, किलैकि जन कै अंधेरा मा दिवडो चमकद उन ही यु वचन लुखुं तैं सै रस्ता दिखांण मा मदद करद कि सचै क्य च। हमारा प्रभु यीशु मसीह का लौटि के आंण तक तुम तैं ऊं वचनों तैं अच्छा ढंग से सुनण चयणु च। मसीह को आंण नया दिन की सुबेर का जन रोशनी लांद, अर उ सुबेर का गैंणा का जन होलो। वे बगत मसीह कु प्रकाश तुम्हरा दिलों मा चमकलो अर तुम्हरा संमणी पिता परमेश्वर तैं स्पष्ट रूप मा प्रकट करलो।

लूका 16:17

आसमान अर धरती त टलि जाली पर मूसा द्वारा लिखीं परमेश्वर की व्यवस्था कि एक भि मात्रा या एक बिंदु भि बगैर पूरी हुयां नि टललो।

इफिसुस 2:17

अर मसीह ल ऐ के तुम अन्यजातियों तैं, जु पिता परमेश्वर बट्टी दूर छा, अर यहूदियों तैं जु नजदीक छा मेल मिलाप अर शान्ति कु शुभ सन्देश प्रचार सुंणै।

यूहन्ना 1:14

अर वचन देहधारी हवे अर दया अर सचै बट्टी पूरो हवे के हमारा बीच मा डेरो कैरी और वेकी महिमा इन छै जन बुबा (परमेश्वर) कि तरपां बट्टी अयां एकलौता नौंना की महिमा।

यूहन्ना 1:1

सैरा दुनिया की सृष्टि से पैली वचन छो, जै कु वचन बुलै गै छो, अर उ वचन परमेश्वर का दगड़ा मा छो अर उ वचन परमेश्वर छो।

1 यूहन्ना 1:3

हम ल यीशु मसीह का बारा मा जु कुछ भि देखि अर सूंणि, वेकी गव्है हम तुम तैं भि प्रचार करद्यां इलै कि हम दगड़ी तुम्हरी भि संगति हो, अर हमारी या दगड़ी बुबा का दगड़ा, अर वेका नौंना यीशु मसीह का दगड़ी च।

1 पतरस 2:2

मि तुम्हरी तुलना नवजात छुटा बच्चा बट्टी करदु; एक नवजात छुटा बच्चा हमेशा अपड़ी ब्वे कु दूध ही चांद कि मजबूत बणौं; उन ही के जन तुम तैं भि पिता परमेश्वर का वचन सुनण की इच्छा हूंण चयणी च कि पिता परमेश्वर मा तुम्हरो विश्वास मजबूत हो अर तुम्हरो उद्धार हवे जौं।

1 पतरस 1:23

(तुम तैं एक दुसरा बट्टी प्रेम कन चयणु च) किलैकि तुम तैं पिता परमेश्वर की तरपां बट्टी एक नयो जीवन मिल्युं च। तुम तैं यु जीवन कै इन चीज का द्वारा नि मिली, जु नाश हवे जाली पर हम तैं यु नयो जीवन पिता परमेश्वर का जीवित अर अनन्त वचन बट्टी मिली।

1 पतरस 1:12

पर पिता परमेश्वर का तरपां बट्टी बुल्ण वलो तैं पिता परमेश्वर ल बतै कि ऊंका संदेश खुद ऊंका अफ कु नि छिनी बल्कि तुम कु छिनी। उ संदेश यीशु मसीह का बारा मा शुभ सन्देश प्रचार च जु तुम ल अब सूंणि। पिता परमेश्वर ल स्वर्ग बट्टी अपड़ो पवित्र आत्मा भेजि कि तुम शुभ सन्देश प्रचार कन मा लुखुं की मदद कैरा। यु सभि इथग अद्भुत च कि इख तक की स्वर्गदूत भि उत्सुकता ल यूं बातों तैं हूंदी दिखणां छिनी।

तीतुस 1:3

पर ठिक बगत पर, पिता परमेश्वर ल यु शुभ संदेश तैं हमारा संमणी प्रगट कैरी, अर हम यांको प्रचार सभियूं का संमणी करदां। पिता परमेश्वर अर हमारा उद्धारकर्ता यीशु मसीह ल या आज्ञा जिम्मेदारी का दगड़ी मि तैं द्ये, कि वेको यु काम कैरो।

इफिसुस 3:8

जबकि मि पिता परमेश्वर का सभि पवित्र लुखुं मा बट्टी सभियूं मा बट्टी कम योग्य छों, कि पिता परमेश्वर मेरा प्रति अनुग्रह कैरी छों, कि मि अन्यजातियों तैं शुभ सन्देश प्रचार सुंणै साको कि मसीह कभी खत्म नि हूंण वली आशीषों कु स्रोत च,

1 कुरिन्थि 2:2

किलैकि मिल यु ठांणेलि छो, कि मि यीशु मसीह अर सूली पर वेकी मौत का अलावा कै भि और बात तैं नि जांणु।

इब्रानी 6:5

ऊंल अनुभव कैरी छो कि परमेश्वर की तरपां बट्टी आंण वलो संदेश अच्छो च अर ऊंल वे परमेश्वर की राज्य की सामर्थ कु अनुभव भि कैरी।

दिब्य दरस 14:6

अर मिल एक और स्वर्गदूत तैं आसमान मा ऊँचा पर उड़दि देखि। वे स्वर्गदूत को वे शुभ सन्देश प्रचार तैं लियुं छो जु कभी भि नि बदलद, वेल दुनिया मा रौंण वली सभि जातियों का लुखुं, हर एक देश, हर एक गोत्र अर हर किस्म की भाषा मा यांकि बात बतै।