1 पतरस 1:10 - गढवली नयो नियम

¹⁰ यु उद्धार कुछ इन छो जैका बारा मा पिता परमेश्वर का तरपां बट्टी बुल्ण वला और जादा जनण चांणा छा। ऊंल भविष्यवाणी कैरी की कन पिता परमेश्वर तुम तैं बचांणु कु तुम्हरा प्रति दयालुता ल काम करलो जैका तुम योग्य नि छा। ऊंल उत्तरों तैं खुजांणु कु ध्यान लगै के अध्ययन कैरी अर भौत कोशिश भि कैरी।

Garhwali

¹⁰ अर बचयै जाण का बारा मा पुरणा जमना मा परमेस्वर का रैबर्यों न भौत लगन लगै के खोजबीन कैरी, अर वेतैं जनण की कोसिस भि कैरी। अर ऊंन वीं किरपा का बारा मा भविष्यबाणी कैरी, ज्वा कि तुम पर होण वळी छै।

1 पतरस 1:10 Referans Kwoze

मत्ती 13:17

किलैकि मि तुम मा सच बुल्णु छौं किलैकि कथग ही परमेश्वर का तरपां बट्टी बुल्ण वलो ल अर धर्मियों ल चै कि जौं बातों तैं तुम दिखणा छा देखा पर नि देखि अर जौं बातों तैं तुम सुनणा छा सुनणु पर नि सुंणिनि।

लूका 10:24

किलैकि मि तुम मा बुल्णु छौं की भौत सा परमेश्वर का तरपां बट्टी बुल्ण वलो ल अर राजाओं ल चै कि जु बात तुम दिख्दां ऊं तैं दिखुनु पर नि देखि अर जौं बातों तैं तुम सुणदा छा ऊं तैं सुणुनु पर नि सुणि।

खास चेलों 7:52

परमेश्वर का तरपां बट्टी बुल्ण वलो मा बट्टी तुम्हरा बाप-दादाओं ल कै तैं नि सतै? अर ऊंल धर्मी आदिम का आंणा का पैली बट्टी सन्देश दींणवलों तैं मार डाली जौनु पैली बट्टी वेका आंणा का बारा मा बतै छो, अर जब उ ऐ, त तुम ल वे तैं धोखा द्ये अर वेकी हत्या कैरी।

यूहन्ना 5:39

तुम परमेश्वर का वचन मा ध्यान से पैढ़ी कै ढूँणदा छा किलैकि समझदा छा कि वेमा अनन्त जीवन तुम तैं मिल्द अर उ ही वचन च जु मेरी गव्है दींदु च

इब्रानी 11:13

यु सभि लोग जौ ल पिता परमेश्वर पर विश्वास कैरी, वीं चीज तैं बगैर पयां ही मोरि गैनी, ज्यांको वादा पिता परमेश्वर ल कैरी; पर ऊं तैं दूर बट्टी देखि के खुश हवीनि अर मांणी भि लींनि, अर ईं बात तैं समझी गैनी कि पिता परमेश्वर ल भविष्य मा क्य कन अर ईं बात तैं समझी गैनी कि हम ईं धरती पर अजनबी अर परदेशी छा।

खास चेलों 10:43

वेका बारा मा सभि पिता परमेश्वर का तरपां बट्टी बुल्ण वलो ल गव्है दीं च कि जु लोग वेमा विश्वास रखदींनि, ऊं तैं, ऊंका द्वारा पापों कि माफी मिललि।”

यूहन्ना 7:52

ऊंल वे तैं जवाब दींनि, “क्य तू भि गलील जिला कु छै? परमेश्वर का वचन मा ढूँढ़ अर तू जंणिली कि गलील बट्टी कुई परमेश्वर का तरपां बट्टी बुल्ण वलो प्रगट नि हवे सकदु।”

लूका 24:44

फिर वेल ऊंकु बोलि, “यु मेरी उ बात छिन जु मिल जब मि तुमारा दगड़ा छो तुम मा बोलि छै कि जरूरी च कि जथग भि बात मूसा द्वारा लिखीं परमेश्वर की व्यवस्था मा अर परमेश्वर का तरपां बट्टी बुल्ण वलो अर भजनौं कि किताबों मा मेरा बारा मा लिखीं छिन यु सब सच साबित हूंनु।”

मत्ती 26:24

मि मनिख कु नौंनो त जन वेका बारा मा जन परमेश्वर का वचन मा लिख्युं च उ उन ही चलदो पर वे आदिम कु रूंण अर शोक कन च जैका द्वारा मि मनिख कु नौंनो जेंते मरणु कु पकड़वये जालो, वेको जन्म ये दुनिया मा नि हूंद त वे मनिख की स्थिति कु भलो हूंदू।”

1 पतरस 1:11

मसीह को आत्मा ऊंमा छो अर ऊं तैं बतांणु छो कि मसीह कन के दुःख सहलो अर फिर वे तैं बड़ो सम्मान दिये जालो। इलै ऊंल यु पता लगौंण की कोशिश कैरी कि मसीह कु होलो अर यु सब कब होलो।

खास चेलों 17:11

यु लोग त थिस्सलुनीके शहर का यहूदियों बट्टी भि सिखणु कु जादा इच्छुक छिनी। अर ऊंल बड़ी इच्छा से वचन स्वीकार कैरी अर हर दिन परमेश्वर का वचन मा खुजै के जांच कन रैनी कि जु बात पौलुस ल सिखैनी इन ही छिन की न।

इब्रानी 11:40

किलैकि पिता परमेश्वर मा भस ऊंकु, बल्कि हम कु भि एक बढ़िया योजना च; पिता परमेश्वर ऊं तैं भस हम दगड़ी मिल के ही सिद्ध बनांण चांद।

खास चेलों 28:23

अर तब ऊंल पौलुस तैं मिलुणु कु एक दिन तय कैरी। अर वे दिन भौत सैरा लोग वेमा ऐनी जख कि उ रौंदु छो। पौलुस सुबेर बट्टी शाम बगत तक पिता परमेश्वर का राज्य कि गव्है दींणु छो अर मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो कि किताबियों मा बट्टी यीशु का बारा मा विश्वास दिलांणै की कोशिश कनु छो।

1 पतरस 1:13

इलै, अनु के सोचा अर अफ पर-भस रखणों कु अभ्यास कैरा (या, अच्छा ढंग से सोचा कि तुम क्य कन वला छा अर अफ तैं-वश मा रखा) वीं उद्धार की आस लगै के रखा जु दया ल आंदी जु तुम तैं दिए जालो जब यीशु मसीह फिर से वापिस दुनिया मा आलो।