1 यूहन्ना 5:19 - गढवली नयो नियम

¹⁹ हम जंणदा छा, कि हम पिता परमेश्वर की सन्तान छा, अर सैरी दुनिया वे दुष्ट शैतान का वश मा च।

Garhwali

¹⁹ अर हम या बात जणदा छां कि हम परमेस्वर की औलाद छां, अर पूरि दुनियां वे शैतान का वस मा च।

1 यूहन्ना 5:19 Referans Kwoze

2 कुरिन्थि 4:4

अर ईं दुनिया का ईश्वर शैतान ल ऊं अविश्वासियों की बुद्धि तैं अंधो कैरेले, कि उ शुभ सन्देश बट्टी मसीह की महिमा का बारा मा आंण वला उज्यला तैं नि देख सका, जु दिखांद कि पिता परमेश्वर कन च।

इफिसुस 2:2

वे बगत तुम यु दुनिया का ऊं लुखुं का तरीकों का अनुसरण करद जु परमेश्वर तैं नि जंणदा छा, अर शैतान कि आज्ञाओं कु पालन करदा छा मतलब वे प्रधान कु जु आकाश मा दुष्टात्मा पर शासन करदु च, जु अभि भि ऊं लुखुं तैं जकड़ कनै कि कोशिश करदो च जु परमेश्वर कि आज्ञा कु पालन नि करदो।

गलातियों 1:4

हमारा परमेश्वर अर पिता की मनसा का अनुसार मसीह यीशु ल अपड़ा आप तैं हमारा पापों का कारण बलिदान कैरी दींनि, कि उ हम तैं ऊं बुरी शक्तियों बट्टी छुड़ो जु आज दुनिया मा काम कनी छिनी।

यूहन्ना 12:31

दुनिया मा लुखुं कु जांच के न्याय कनु कु परमेश्वर कु बगत अब यु दुनिया कु सरदार शैतान निकाले जालो।

दिब्य दरस 12:9

यु बड़ो अजगर, उ ही च जु भौत बगत पैली गुरो का रूप मा दिखै छो, जै तैं शैतान या भंगार लगांण वलो भि बुल्दींनि। यु उ ही च जु ईं दुनिया का लुखुं तैं धोखा दींद अर अपड़ा दुष्टदूतों का दगड़ी धरती पर पटकी गै।

यूहन्ना 16:11

अर न्याय का बारा मा भि यकीन दिलालो की यु दुनिया कु सरदार शैतान भंगारी ठैरे जालो।

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।

1 यूहन्ना 5:13

मि या चिट्टी तुम कु लिखणु छो, जु पिता परमेश्वर का नौंना यीशु मसीह का नौं पर विश्वास करदो, कि तुम तैं पक्को मालूम हवे जौ कि अनन्त जीवन तुमारो ही च।

याकूब 4:4

हे विश्वासघाती लुखुं अर व्यभिचारी लुखुं क्य तुम यु नि जंणद्यां, कि दुनिया बट्टी प्रेम रखण मतलब पिता परमेश्वर दगड़ी बैरभाव रखण च, इलै जु कुई दुनिया को दगड़िया बनण चांद, त उ अपड़ा आप तैं पिता परमेश्वर को बैरी बणादो।

यूहन्ना 14:30

मि मा तुम दगड़ी बात कनु कु जादा बगत नि बच्युं च किलैकि ये दुनिया कु सरदार शैतान आंणु च अर मि पर वेको कुई अधिकार नि च अर मि पर वेकु कुई वश नि च।

1 यूहन्ना 5:10

जु पिता परमेश्वर का नौंना यीशु मसीह पर विश्वास करदो, उ अपड़ा मन मा ईं गव्है तैं रखदो; जैल पिता परमेश्वर पर विश्वास नि कैरी, वेल पिता परमेश्वर तैं झूठो ठैरे; किलैकि वेल वीं गव्है पर विश्वास नि कैरी, जु पिता परमेश्वर ल अपड़ा नौंना यीशु मसीह का बारा मा दये।

1 यूहन्ना 3:24

अर जु पिता परमेश्वर की आज्ञाओं तैं मणदो, उ पिता परमेश्वर मा अर परमेश्वर वेमा रौंदो; अर यां बट्टी ही पवित्र आत्मा ल जु वेल हम तैं दियुं च, हम जंणदा छा, कि पिता परमेश्वर हम मा रौंदो।

1 यूहन्ना 5:18

हम जंणदा छा, कि जु कुई पिता परमेश्वर की सन्तान च, उ पाप मा नि बणयूँ रौंद; किलैकि जु कुई पिता परमेश्वर की सन्तान च, वे तैं उ बचै के रखद; अर उ दुष्ट शैतान वे तैं छू भि नि सकद।

2 कुरिन्थि 5:1

किलैकि हम जंणदा छा, कि जु धरती पर कु हमारो यु अस्थायी देह नाश हवे जौं त हम तैं पिता परमेश्वर का तरपां बट्टी स्वर्ग मा एक इन देह मिललि, जु मनिख्युं का हथों बट्टी बंणि देह न पर चिरस्थाई च।

रोमियों 8:16

पवित्र आत्मा अफी हमारी आत्मा का दगड़ी गव्है दींद, कि हम परमेश्वर कि सन्तान छा।

1 यूहन्ना 3:14

हम जणदां छा, कि हम विश्वासी मौत अर शैतान की शक्ति का अधीन नि छा, पर अब हम मा पिता परमेश्वर की तरपां बट्टी अनन्त जीवन च; किलैकि हम भयों बट्टी प्रेम करदां; जु प्रेम नि करदो, उ मौत अर शैतान का अधीन मा च।

तीतुस 3:3

किलैकि हम भि पैली बगत मा न समझ अर पिता परमेश्वर की आज्ञा नि मणन वला, अर भरम मा पोड़्य्यां छा, अर बनि-बनि किस्मै कि अभिलाषाओं मा अर सुख विलास कि गुलामी मा छा, अर हम घृणित लोग छा; हर कुई हम बट्टी घीणांदु छो अर हम एक दूसरों बट्टी बैर रखदा छा।

2 तीमुथियुस 1:12

यु इलै हवे कि मि इख कैद मा दुखों तैं भि उठौंदु, पर शरमान्दु नि छौं, किलैकि मि मसीह तैं जंणदु छो, जै पर मिल विश्वास रखि, अर मि तैं विश्वास च, कि मसीह वे दिन तक जब तक उ वापिस नि आंद जु वेल मि तैं द्ये रक्षा कन मा सामर्थी च।

2 कुरिन्थि 1:12

किलैकि हम तैं गर्व च कि हमारो विवेक साफ च, कि दुनिया मा अर खास कैरी के तुम्हरा बीच हमारो चरित्र जु पिता परमेश्वर की तरपां बट्टी आंद इन पवित्रता अर सचै का दगड़ी च, हम ऊं विचारों का अनुसार नि ज्यूंदयां, जु ऊं लुखुं का द्वारा ज्ञानवान समझे जांद पर पिता परमेश्वर की कृपा का द्वारा छो।

लूका 4:6

शैतान ल यीशु कु बोलि, “यु सब धन दौलत अर अधिकार मि तैं सौंप्युं च अर मि जै तैं चौं वे तैं ही दे दींदु।

यूहन्ना 17:15

मिल परमेश्वर बट्टी प्रार्थना नि कैरी, की तु ऊं तैं जगत बट्टी उठै येले, पर यु की तु ऊं तैं वे दुष्ट शैतान बट्टी ऊं की रक्षा कैर।

1 यूहन्ना 5:15

अर हम जंणदा छा, कि जु कुछ हम पिता परमेश्वर बट्टी प्रार्थना मा मंगदा उ हमारी सुणदो, त यु भि हम जंणदा छा, कि जु कुछ हम ल पिता परमेश्वर बट्टी मांगि, उ हम तैं मिल्द च।