1 यूहन्ना 5:18 - गढवली नयो नियम

¹⁸ हम जंणदा छा, कि जु कुई पिता परमेश्वर की सन्तान च, उ पाप मा नि बणयूँ रौंद; किलैकि जु कुई पिता परमेश्वर की सन्तान च, वे तैं उ बचै के रखद; अर उ दुष्ट शैतान वे तैं छू भि नि सकद।

Garhwali

¹⁸ अर हम इन जणदा छां कि जै मनखि को जनम पिता परमेस्वर की तरफा बटि होयुं च, उ लगातार पाप नि कैरी सकदु। किलैकि परमेस्वर को पुत्र वेकी हिफाजत करदु। अर शैतान वेको कुछ भि नि कैरी सकदु।

1 यूहन्ना 5:18 Referans Kwoze

1 यूहन्ना 3:9

जु कुई पिता परमेश्वर की संतान च उ सदनी पाप मा बणयूँ नि रौंद; किलैकि अफ भि पिता परमेश्वर को स्वभाव वेमा च; अर उ पाप कैरी ही नि सकदो, किलैकि उ पिता परमेश्वर की संतान च।

1 यूहन्ना 5:4

किलैकि जु कुई पिता परमेश्वर की सन्तान च, उ ईं दुनिया पर जीत हासिल करद, अर हमारा विश्वास बट्टी दुनिया पर जीत हासिल हूंदी।

यहूदा 1:21

तुम तैं यु जांणि के जीवन जींण चयणु च कि पिता परमेश्वर तुम बट्टी प्रेम करद; जबकि तुम वे दिन को जग्वाल करदा, जब हमारो प्रभु, यीशु मसीह वापिस लौटलो कि तुम तैं अनन्त जीवन मिललो किलैकि वेल हम पर दया कैरी।

1 यूहन्ना 5:1

जै को यु विश्वास च, कि यीशु ही मसीह च, उ मनिख पिता परमेश्वर की सन्तान च अर जु कुई पिता परमेश्वर बट्टी प्रेम करदो, उ पिता परमेश्वर की सन्तान बट्टी भि प्रेम करद।

यहूदा 1:24

एकमात्र पिता परमेश्वर ही च जु तुम तैं लमडण बट्टी बचै सकद, अर तुम तैं निर्दोष अर आनन्दित बणै सकद, जब पिता परमेश्वर तुम तैं अपड़ी महिमा मा अपड़ा संमणी खड़ो करद। वेल हम तैं हमारा उद्धारकर्ता प्रभु यीशु मसीह का द्वारा बचै। महिमा, गौरव, सामर्थ अर अधिकार बगत की शुरुआत बट्टी पैली ही वेको ही छो, अब भि वेको ही च, अर हमेशा कु वेको ही रालो। आमीन।

1 यूहन्ना 3:3

अर जु कुई मसीह पर यु आस रखदो, उ अपड़ा आप तैं उन ही पवित्र करदो, जन उ पवित्र च।

याकूब 1:27

हमारा पिता परमेश्वर का समणी शुद्ध अर सच्ची भक्ति य च, कि अनाथों अर विधवाओं का दुखों मा ऊंको ख्याल रखा, अर अपड़ा आप तैं दुनिया का बुरा कामों बट्टी बचै के रखा।

1 पतरस 1:23

(तुम तैं एक दुसरा बट्टी प्रेम कन चयणु च) किलैकि तुम तैं पिता परमेश्वर की तरपां बट्टी एक नयो जीवन मिल्युं च। तुम तैं यु जीवन कै इन चीज का द्वारा नि मिली, जु नाश हवे जाली पर हम तैं यु नयो जीवन पिता परमेश्वर का जीवित अर अनन्त वचन बट्टी मिली।

1 यूहन्ना 2:29

किलैकि तुम जंणदा छा, कि मसीह धर्मी च, त यु भि जांणि ल्या, कि जु कुई धार्मिकता को काम करदो, उ पिता परमेश्वर कि सन्तान च अर वे बट्टी पैदा हुयुं च।

यूहन्ना 15:9

जन बुबा ल मि बट्टी प्रेम रखि उन ही मिल भि तुम बट्टी प्रेम रखि मेरा प्रेम मा बंणया रा।

दिब्य दरस 2:13

मि जंणदु छो कि तेरु शहर शैतान का वश मा च, पर यांका बावजूद तिल मि पर अपड़ा विश्वास तैं कसी के पकड़ी के रखि अर तिल मेरी शिक्षाओं तैं नि छोड़ी, इख तक कि तब भि न जब भौत बगत पैली अन्तिपास की हत्या किये गै छै। उ मेरा वचनों का प्रचार कन मा विश्वासयोग्य छो, इलै वे तैं तेरा शहर मा मरै गै जु शैतान का वश मा च।

1 यूहन्ना 5:21

हे प्रिय नौंनो, अपड़ा आप तैं हर एक इन मूर्तियों बट्टी दूर रखा जु तुम्हरा दिल मा पिता परमेश्वर की जगह बणो।

1 यूहन्ना 4:6

हम पिता परमेश्वर का तरपां बट्टी छा। जु पिता परमेश्वर तैं जंणदु च, उ हमारी सुणदो; जु पिता परमेश्वर तैं नि जंणदु उ हमारी नि सुणदो; इन्ही के हम सच की आत्मा तैं अर झूठ की आत्मा तैं पछांण सकदा छा।

यूहन्ना 15:7

जु तुम मि मा बंणयां रैल्या अर मेरू वचन तुम मा बणयूं रालो त जु चैल्या अर मंगिल्या उ तुम कु हवे जालो।

यूहन्ना 1:13

उ ल त ब्वे-बुबा या पूर्वजो बट्टी, मनिख की इच्छा बट्टी, न एक आदिम की सन्तान इच्छा बट्टी जु परमेश्वर बट्टी पैदा हवेनि।

1 यूहन्ना 3:12

अर आदम की संतान कैन की तरौं नि बणा, जु वे दुष्ट शैतान बट्टी छो, अर जैल अपड़ा भैय की हत्या कैरी। अर वेल कै कारण से अपड़ा भैय की हत्या कैरी? किलैकि वेका काम बुरा छा, अर वेका भैय का काम धार्मिक छा।

खास चेलों 11:23

बरनबास ल उख पौंछि के, उख लुखुं पर पिता परमेश्वर की दया देखि के खुश हवे गै, अर ऊं सभियूं तैं उपदेश द्ये कि तुम पूरा मन से पिता परमेश्वर पर विश्वास कनु कु मजबूत रावा।

यूहन्ना 15:4

तुम मि मा बंणयां रा अर मि तुम मा। जन फौंकि अंगूरों कि लगुली पर नि रौ त व अफी नि फलि सकदी वे जन तुम मि मा बंणयां नि रौंदा, तुम कुछ भि नि कैर सकदा।

यूहन्ना 14:30

मि मा तुम दगड़ी बात कनु कु जादा बगत नि बच्युं च किलैकि ये दुनिया कु सरदार शैतान आंणु च अर मि पर वेको कुई अधिकार नि च अर मि पर वेकु कुई वश नि च।

याकूब 1:18

पिता परमेश्वर ल अपड़ी ही मनसा का अनुसार सच्चा वचन का द्वारा हम तैं नयो जन्म दींनि, कि हम वेका द्वारा बणईं हर एक चीज का सबसे जरूरी भाग हो, जन कि फसल कु पैलो हिस्सा सबसे जरूरी हिस्सा हूंद।

मत्ती 5:37

पर तुम्हरी बात हाँ कि हाँ या न कि न हो, किलैकि जु यां बट्टी जादा हूंद उ दुष्ट शैतान का तरपां बट्टी हूंद।

मत्ती 6:13

अर हम तैं अजमैश मा नि लौ पर दुष्ट शैतान बट्टी बचौ किलैकि राज्य, अर पराक्रम अर महिमा सदनी तेरी च। आमीन।

1 यूहन्ना 5:15

अर हम जंणदा छा, कि जु कुछ हम पिता परमेश्वर बट्टी प्रार्थना मा मंगदा उ हमारी सुणदो, त यु भि हम जंणदा छा, कि जु कुछ हम ल पिता परमेश्वर बट्टी मांगि, उ हम तैं मिल्द च।

1 यूहन्ना 5:19

हम जंणदा छा, कि हम पिता परमेश्वर की सन्तान छा, अर सैरी दुनिया वे दुष्ट शैतान का वश मा च।

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।