1 यूहन्ना 4:4 - गढवली नयो नियम

⁴ हे प्रिय नौंनो, तुम पिता परमेश्वर का लोग छा अर तुम ल ऊं झूठा लुखुं पर जीत पयले; किलैकि जु पवित्र आत्मा तुम मा च, उ शैतान बट्टी भि बड़ो च, जु ईं दुनिया का लुखुं पर राज्य करदो।

Garhwali

⁴ हे मेरा प्यारा बच्‍चों, तुम परमेस्वर का छाँ, अर तुम लोगु न यीशु मसीह को विरोध करण वळा लोगु पर जीत हासिल कैरियाली, किलैकि जु पवित्र आत्मा तुम लोगु मा च उ वे शैतान से जादा ताकतबर च जु कि ईं दुनियां मा च।

1 यूहन्ना 4:4 Referans Kwoze

रोमियों 8:31

त हम यूं बातों का बारा मा क्य बोला? जु पिता परमेश्वर हमारी तरपां च, त कुई भि हम तैं हरै नि सकद।

1 यूहन्ना 5:4

किलैकि जु कुई पिता परमेश्वर की सन्तान च, उ ईं दुनिया पर जीत हासिल करद, अर हमारा विश्वास बट्टी दुनिया पर जीत हासिल हूंदी।

रोमियों 8:37

पर यूं सभि बुरी बातों मा हम वेका द्वारा जैल हम बट्टी प्रेम कैरी, इलै जीत पूरा ढंग से हमारी च।

1 यूहन्ना 4:16

अर हम अच्छा ढंग ल जांणि ग्यां अर हम विश्वास भि करदां कि पिता परमेश्वर हम बट्टी प्रेम करदो। पिता परमेश्वर प्रेम च अर जु कुई प्रेम मा रौंदो उ पिता परमेश्वर मा रौंदो अर पिता परमेश्वर वेमा रौंद।

1 कुरिन्थि 2:12

पर हम उन ही नि सुचदियां जन और दुनिया का लोग सुचदींनि; पर हम ल दुनिया की आत्मा नि पै, पर व आत्मा पै जु पिता परमेश्वर की दया का तरपां बट्टी आंद, कि हम ऊं बातों तैं जंणयां जु पिता परमेश्वर ल हम तैं दींनि।

1 यूहन्ना 5:19

हम जंणदा छा, कि हम पिता परमेश्वर की सन्तान छा, अर सैरी दुनिया वे दुष्ट शैतान का वश मा च।

1 यूहन्ना 4:13

यां बट्टी ही हम जंणदा, कि पिता परमेश्वर हम मा, अर हम पिता परमेश्वर मा रौंदयां, किलैकि पिता परमेश्वर ल हम तैं अपड़ी पवित्र आत्मा मा बट्टी हम तैं दियूं च।

इफिसुस 6:10

एक आखिरी शब्द प्रभु कि शक्तिशाली सामर्थ बट्टी मजबूत बणा।

इफिसुस 3:17

अर विश्वास का द्वारा मसीह तुमारा मनों मा ज्यूंदों रो जन तुम वे पर विश्वास रखिला, कि तुम प्रेम मा मजबूत बणदी जावा, जु तुम तैं लमडण बट्टी बचांदु।

दिब्य दरस 12:11

हमारा विश्वासियों ल शैतान तैं हरै लियेले। ऊंल वे चिनखा का ल्वे की सामर्थ बट्टी हरै, जु ऊं तैं ऊंका पापों तैं छुडांणु कु मरै गै छो। किलैकि ऊंल यु अंगीकार नि कैरी कि चिनखो ऊंको प्रभु च। जबकि ऊं तैं सतै गै इख तक की मरै भि गै, पर उ अपड़ा वे अंगीकार बट्टी पिछनै नि हटीनि।

1 यूहन्ना 3:24

अर जु पिता परमेश्वर की आज्ञाओं तैं मणदो, उ पिता परमेश्वर मा अर परमेश्वर वेमा रौंदो; अर यां बट्टी ही पवित्र आत्मा ल जु वेल हम तैं दियुं च, हम जंणदा छा, कि पिता परमेश्वर हम मा रौंदो।

यूहन्ना 12:31

दुनिया मा लुखुं कु जांच के न्याय कनु कु परमेश्वर कु बगत अब यु दुनिया कु सरदार शैतान निकाले जालो।

यूहन्ना 17:23

मि ऊंमा अर तु मि मा कि उ सिद्ध हवे की एक हवे जौं अर दुनिया जांणु कि तिल मि तैं भेजि छो, अर जन तिल मि बट्टी प्रेम रखि, उन ही ऊं बट्टी प्रेम रखयां।

1 यूहन्ना 4:6

हम पिता परमेश्वर का तरपां बट्टी छा। जु पिता परमेश्वर तैं जंणदु च, उ हमारी सुणदो; जु पिता परमेश्वर तैं नि जंणदु उ हमारी नि सुणदो; इन्ही के हम सच की आत्मा तैं अर झूठ की आत्मा तैं पछांण सकदा छा।

2 कुरिन्थि 6:16

अर मूर्तियों कु पिता परमेश्वर का मन्दिर मा कुई जगह नि च; किलैकि हम त ज्यून्दा पिता परमेश्वर का मन्दिर छा; जन परमेश्वर ल अपड़ा वचन मा बोलि; “मि यूं लुखुं दगड़ी रौलु अर ऊंमा चलणु-फिरणु रौलु; अर मि ऊंको पिता परमेश्वर हुलु, अर उ मेरा लोग होला।”

1 यूहन्ना 2:13

हे पुरणों, मि तुम कु इलै लिखणु छौं, की यीशु मसीह पैली बट्टी च, तुम वे तैं जंणदा छा, हे जवानों, तुम कु इलै लिखणु छौं, कि तुम ल वे दुष्ट शैतान पर जै पै; हे नौंनो, मि तुम कु इलै लिखणु छौं, कि तुम पिता परमेश्वर तैं जांणि ग्यां।

1 कुरिन्थि 6:13

मि एक विश्वासी छों, इलै मि तैं सब कुछ खांणै की आजादी त च, खांणु हमारा देह कु, अर पुटगो खांणु कु, यु सच च पर पिता परमेश्वर हमारा पुटगा अर खांणु दुयूं तैं नष्ट कैरी दयालो, देह व्यभिचार कु नि, हम तैं अपड़ा देह कु इस्तेमाल ऊं कामों कु कन चयणु च जु प्रभु चांद, अर हमारी देह भि प्रभु कु ही च।

इफिसुस 2:2

वे बगत तुम यु दुनिया का ऊं लुखुं का तरीकों का अनुसरण करद जु परमेश्वर तैं नि जंणदा छा, अर शैतान कि आज्ञाओं कु पालन करदा छा मतलब वे प्रधान कु जु आकाश मा दुष्टात्मा पर शासन करदु च, जु अभि भि ऊं लुखुं तैं जकड़ कनै कि कोशिश करदो च जु परमेश्वर कि आज्ञा कु पालन नि करदो।

यूहन्ना 16:11

अर न्याय का बारा मा भि यकीन दिलालो की यु दुनिया कु सरदार शैतान भंगारी ठैरे जालो।

2 कुरिन्थि 4:4

अर ईं दुनिया का ईश्वर शैतान ल ऊं अविश्वासियों की बुद्धि तैं अंधो कैरेले, कि उ शुभ सन्देश बट्टी मसीह की महिमा का बारा मा आंण वला उज्यला तैं नि देख सका, जु दिखांद कि पिता परमेश्वर कन च।

यूहन्ना 14:30

मि मा तुम दगड़ी बात कनु कु जादा बगत नि बच्युं च किलैकि ये दुनिया कु सरदार शैतान आंणु च अर मि पर वेको कुई अधिकार नि च अर मि पर वेकु कुई वश नि च।

1 यूहन्ना 2:1

मेरा प्रिय नौंनो, मि यूहन्ना यूं बातों तैं तुम कु इलै लिखणु छौं, कि तुम पाप नि कैरा; पर जु कुई पाप कैरो त पिता परमेश्वर मा हमारो एक मददगार यीशु मसीह च, जु धर्मी च अर हमारा पापों कि माफी कु पिता परमेश्वर बट्टी प्रार्थना करदो।

1 यूहन्ना 3:20

किलैकि पिता परमेश्वर हमारा मन बट्टी बड़ो च; अर उ सब कुछ जंणदु च।